بأسم الكريم المعين المتصف بالكمال = مفتاح جزل البيوت ومغلق أقفالها
ياالله عليك إتكالي ياعزيز الجلال = ألهمني إجابتين مايهس مكيالها
وأسألك العفو والتوفيق في كل حال = يامطلع في نوايا الناس واحوالها
نقدر الشعر ونقدر كرام السبال = وليا دعتنا المواجيب إنتعنالها
يامرحبا ياهلا بأسماء زحول الرجال = اللي تشرف قبايل حرب بأفعالها
الشيخ نواف ابن جازي رفيع المنال =وإخوانه اللي فعايلهم سماء فالها
عيال عوداً لاجاله بالمجالس مجال = كلمة نعم من رياجيل الوفاء نالها
درعن من دروعنا للي ينطحن الثقال = لاعل روحه جنان الخلد منزالها
ويامرحبا بإسم أبو فواز سمح القبال = رجلٍ جميع العلوم الطايله طالها
شيخاً مع إسمه يشوشٍ البيوت الجزال = طاريه فيه القوافي تفخر أمثالها
نعم عليان بن راشد كريم الخصال = اسمه عليه الرجال تسمي عيالها
فعله يشرف قبايل حرب طول الليال = ويبقى مع الوقت والأيام وأجيالها
اعتز بأمجادهم واعدها رأس مال = ومن يعترض دلته مشروب فنجالها
وآخر ماقول أسأل المولى يوفق طلال = دعوة رفيق من إحساس نقي قالها
وصلوا على اللي لنا بين حرام وحلال = شفيعنا يوم تجزا الخلق بأعمالها

http://alfredah.org/up/uploads/8145ed1ee0.jpg

طلال بن جازي بن هجاج الوسوس

أجمل التهاني واحلى الاماني ازفها للاخ / طلال بن جازي

بمناسبة زواجه مع دعواتي له بالتوفيق

ونعم في عليان الطهيمي ولايهون الجميع

وصح السان الشاعر ابو فهد محمد الشعيبان

مشكور أبا عمر على تفضلك باتحافنا بهذه القصيدة الجميلة

وفي تلك المناسبة العزيزة عاداتك الوفاء والنقل الجميل

تقبل اجمل تحية

المشاركة الأصلية كتبت بواسطة mazel alfreidy (المشاركة 113538) صح لسان الشاعر بن شعيبان وبالتوفيق للاخ طلال الوسوس بزواجه ونبارك لشيخ نواف جازي والشيخ عليان الطهيمي ويستاهلون كلهم المدح واشكرك اخي ابو عمر لنقل هذه القصيدة ودائما وافي وعلمك طيب وتقبل تحياتي

يامرحبا ياهلا باسما زحول الرجال=اللي تشرّف قبايل حرب بافعالها
أعتزّ بافعالهم واعدّها راس مال=ومن يعترض دلّته مشروب فنجالها
مستفعلن فاعلن مستفعلن فاعلن=مستفعلن فاعلن مستفعلن فاعلن