يـسـعود شـب الـنـار والـنـار فـيـنـا السلام عليكم ورحمة الله وبركاته اخواني ’’ وابناء عمي ’’ اعضاء مجالس الفرده ’’ اولا احب ان اعتذر منكم على انقطاعي الفتره اللي فاتت ووالله انكم على البال ’’ وثانيا عندي قصيده متواضعه واتمنى انها تحوز على اعجابكم ورضاكم ,,,
يـسـعود شـب الـنـار والـنـار فـيـنـا=وخـل العـيـون تـبـيـح مافي كنيني وان كـان تـسـمـع قـدم ضوك ونينا=فا عرف تـراه الـحـال زود ونـيني لا صار بـالـدنـيا حـلـمـنا وهـقـيـنـا=وافلست من حلمي وهقوت ضنيني ولا صار نـعطي بـس ماقـد خـذينا=وشـلـي بـقـومـن كـنـهـا مـا تـبـيني نصفـق علـى روس الطوال بيدينا=واخـذ مـن افعال الفخر فـي يديني عـن رفقت الغالـي ابـد ما انتحينا=لو هـو ورى بـغداد تـرجيه عيني نشفق عـلى ناسـن نجـيها وتجينا=والعذر عـنـد اصحـابـنا الغايـبـيني نسنس هوى الضيقه علينا ومشينا=ولا شفت بين الناس منهو عـويني شديت مـن دار الـهـمـوم و طوينا=وجينا على ديـار العـنـى وابتليني شربت من كاس الصبر وارتوينا=الين مـاصبـري نـفـذ مـن يـمـيـني يسعود لـو عـنـدك شـكـيـنا وبكينا=محدن درا يـسـعـود بـالـحال فيني ياكود انـت وغـيـركـم مـا بـغـيـنا= كـن الـكـلام لـغـيـركـم مـا يـزيني حظن هـجـدنـي مـن قـديم السنينا=لـو هـو يـعـم جـبـال مـنــه تـلـيني لا قلت زانت كـشرت هـي علينا=دنين على كسر الضلوع تحديني ماشفت مـنـهـا كـود اربـع تـجينا=الهـم والـضـيقه وفــرقــا وشـيني باعت بنا لـو كـان فـيـها اشترينا=وخلت طليق القوم يمسي سجيني يسعود شـب الـنـار والـنـار فينا=وخـل الـعيون تـبـيح مافـي كنيني اخوكم ’’ تركي ناصر محمد الهلالي الحربي ’’ ولد وهب ’’ |
يسعود شب النـار والنـار فينـا وخل العيون تبيح مافـي كنينـي سلامتك اخوي صح لسانك وبيض الله وجهك قصيدة رائعة وجميلة سلمت اخي ولد وهب لهذه الروعة ونحن بانتظار جديدك ولك تحياتي |
صح لسانك يا ولد وهب انورت المجالس بعودتك الحمدلله على السلامة قصيدة جميلة |
صح لسانك وعودا حميدا ......... |
صح لسانك اخوي ولد وهب قصيده رائعه |
صح لسانك قصيده غايه في الجمال والروعه لاتحرمنا من جديدك ياولدوهب وجودك شرف لنا |
اقتباس:
اخوي الغالي Mazel Alfreidy يشرفني مرورك الكريم والله يسلمك من كل شر ,,, وصح بدنك ؛؛ والرائع بحق هو وجودك هنا في متصفحتي وابشر بالجديد انشالله الله لا يهينك ... ولا تحرمنا من ردودك الجميله ... |
اقتباس:
اخوي الغالي منصور الوسوس يشرفني مرورك العطر صح بدنك يالغالي والمجالس منوره فيك وباخواني الاعضاء جميع ,,, الله يسلمك والجميل فعلا هو وجودك هنا وردك الطيب ,,, الله لا يهينك ولا تحرمنا من هالردود الطيبه |
اقتباس:
هلا ومرحبا فيك اخوي ضيف الله بن علي ,,, صح بدنك يالغالي وشاكر لك ردك العطر ,,, الله لا يهينك ولا تحرمنا من ردودك ,,, |
اقتباس:
هلا وغلا اخوي مهندس الحرف وصح بدنك يالغالي ,,, والرائع هو وجودك وردك اللي يشرفني لا تحرمنا منه |
الساعة الآن 09:58 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir