لو الحزن دمعه على الخد وتروح=عضيدها كمي يواسي عناها
كان السنين المقبله خالي الروح=اشفيت حزني بالدموع وشفاها
لو بحت لك حزني فنا مقدر ابوح=عن علةٍ يسهر عيوني شقاها
هم الوضيفه يشبع القلب بجروح=باقي جروحي يحسن الله عزاها
عشقت بنتٍ عورت باقي الروح=جاها النصيب وشخص غيري خذاها
مادام رزقه وافي ورزقي شحوح=يحق له يملك سبايب هناها
عن علتي تكرم دموعي مع النوح=ماشكل على متوني بلاوي جفاها
ان كان عزمي من ردى الحظ مطروح=مازلت رافع هامتي في سماها
مادام ابو صالح عضيدي لي كفوح=ماتنزل رقبتي وكفه ذراها
يامسندي كنيت همي ومفضوح=لاكن عيوني جاوبت من قراها
يامسندي حالي نقص كنه اللوح=ناره على نفسه يزود لضاها
عيني تشوف ومالها فيه مصلوح=متساويٍ شوف العيون وعماها
لا تهتني عيني مع الناس بمروح=ولا تشتقي من دون لقمة عشاها
ماينطق لساني مع الناس بمزوح=ولاساكتٍ عن حالتي مارثاها

واعذرنا على تاخر الرد وذلك لانقطاعي عن المنتدى

عيني تشوف ومالهـا فيـه مصلـوح=متسـاويٍ شـوف العيـون وعماهـا