ياسعود يامشكاي ماودي اقيم=بين الحرارة والوزى والرطوبه
في ساحل ن عج المصانع كما الغيم=اعصير عد الشمس عنا امحجوبه
من دون ضؤ الشمس بالجو تعتيم=وان بيّنت نار ن توقد شبوبه
نهارها والليل مناخها سيم=يتضايق الرجال من لبس ثوبه
عسى على نجد العذية مراديم=مزنن من الشرقي ينسنس هبوبه
يمطر عليها لين يملأ الملازيم=مصامد الماء حولها قيّضوا به
واد الرمه تجيك عنه التعاليم=شرقي الابرق بيّناتٍ دروبه
دارٍ غلاها بالظلوع المهاشيم=احبها لو جوّها عذربوا .. به
لو انها بالصيف حامي وحاميم=بالليل مع نسمة هواها عذوبه
فيها نبي لفه وسجه وتجميم=شمالها غربيها مع جنوبه
فوق الجديد اللي قزوزه متاويم=إيت السرندل فل أوبشن إعجوبه
مافيه لادقه ولافيه تلحيم=ولاباعوا التجار ولا شروا به
ولاركبوا فيه الشطرطون ترهيم=لونه من اللؤلؤ عديمه اعيوبه
من صالة ابن فطيم بأوراق تسليم=امصدرٌ بإسم الفريدي يصوبه
مده كريم مايحسب الملاليم=شيخ ن على النهج الفلاحي اسلوبه
يأخذ من المرحوم زايد تعاليم=بيت الكرم بانيه تسعين طوبه
تجود كفه في جزال المقاسيم=وروحه على مدات كفه طروبه
لا مد ياحظ اليدين المعاديم=لياهل غيثه وارتوت من صبوبه
مشكى ومنصى للرجال المغانيم=ابشر بعزك لاتوجهت صوبه
ان جيت له ياسعود تشكي من الضيم=إنس الزمان اللي وطنّك اكعوبه
وانشد بداره في جميع الاقاليم=ماتاجد اللي غايضات ن جيوبه
ماحطم آمال المغاليب تحطيم=شيخ وفي .. من جاه جاب الكسوبه
حاتم نسينا سيرته يامحاشيم=اللي ذبح للضيف حتى الركوبه
رجلٍ على وقت العصور الاظاليم=مايبخل بزاده ويبذل شروبه
والا ابوخالد ما لمدت يده .. تيم=وله سيرةٍ عند الجميع امحبوبه
تطرب له اشعاري وتهواه واتهيم=وينساق معناها بليا صعوبه
عنود فكري ماعليها ملاثيم=غراً صبوحه تنتشي من اوهوبه

مشكى ومنصى لرجل المغانيم=ابشر بعزك لاتوجهة صوبه

المشاركة الأصلية كتبت بواسطة ابوزياد (المشاركة 111580) اعضاء وزوار مجالسنا العامرة تحية طيبة وبعد انقطاع بسبب بعض الظروف ها أنا اعود بهذه القصيدة والتي لها مناسبة خاصة مع أخي الشاعر / سعود عبدالله الحربي وفيها رد ثناء لمن يستحق اشكره عبر هذا الصرح الشامخ ياسعود يامشكاي ماودي اقيم=بين الحرارة والوزى والرطوبه في ساحل ن عج المصانع كما الغيم=اعصير عد الشمس عنا امحجوبه من دون ضؤ الشمس بالجو تعتيم=وان بيّنت نار ن توقد شبوبه نهارها والليل مناخها سيم=يتضايق الرجال من لبس ثوبه عسى على نجد العذية مراديم=مزنن من الشرقي ينسنس هبوبه يمطر عليها لين يملأ الملازيم=مصامد الماء حولها قيّضوا به واد الرمه تجيك عنه التعاليم=شرقي الابرق بيّناتٍ دروبه دارٍ غلاها بالظلوع المهاشيم=احبها لو جوّها عذربوا .. به لو انها بالصيف حامي وحاميم=بالليل مع نسمة هواها عذوبه فيها نبي لفه وسجه وتجميم=شمالها غربيها مع جنوبه فوق الجديد اللي قزوزه متاويم=إيت السرندل فل أوبشن إعجوبه مافيه لادقه ولافيه تلحيم=ولاباعوا التجار ولا شروا به ولاركبوا فيه الشطرطون ترهيم=لونه من اللؤلؤ عديمه اعيوبه من صالة ابن فطيم بأوراق تسليم=امصدرٌ بإسم الفريدي يصوبه مده كريم مايحسب الملاليم=شيخ ن على النهج الفلاحي اسلوبه يأخذ من المرحوم زايد تعاليم=بيت الكرم بانيه تسعين طوبه تجود كفه في جزال المقاسيم=وروحه على مدات كفه طروبه لا مد ياحظ اليدين المعاديم=لياهل غيثه وارتوت من صبوبه مشكى ومنصى للرجال المغانيم=ابشر بعزك لاتوجهت صوبه ان جيت له ياسعود تشكي من الضيم=إنس الزمان اللي وطنّك اكعوبه وانشد بداره في جميع الاقاليم=ماتاجد اللي غايضات ن جيوبه ماحطم آمال المغاليب تحطيم=شيخ وفي .. من جاه جاب الكسوبه حاتم نسينا سيرته يامحاشيم=اللي ذبح للضيف حتى الركوبه رجلٍ على وقت العصور الاظاليم=مايبخل بزاده ويبذل شروبه والا ابوخالد ما لمدت يده .. تيم=وله سيرةٍ عند الجميع امحبوبه تطرب له اشعاري وتهواه واتهيم=وينساق معناها بليا صعوبه عنود فكري ماعليها ملاثيم=غراً صبوحه تنتشي من اوهوبه