|
سلسلة مكارم الاخلاق (4) بسم الله الرحمن الرحيم ايها الاحبة الكرام ونعود لكم مرة اخرى مع حلقة جديده ضمن هذه السلسلة الطيبه وموضوعنا اليوم هو صفة من صفات الرجال الحميده التي لابد ان يتحلى بها كل رجل يحترم نفسه اولا ويعرف قدرها ومن ثم يحترم الاخرين ويفرض عليهم احترامه تقديرا ، وهذه الصفة هي : ((( عزة النفس والترفـّع )))
المجلس اللي فيه تنهان وتهون=مالك وماله ياعريب المجاني لاتعوّد النفس العزيزه على الدون=الحر مايرضى الوطا والطماني اشمخ شموخ اللي تعلا على الكون=نجم الشمال اللي رفيع المكاني عليك باللي في نباهم يسرون=اللي مجالسهم عقود الجماني روس الرجال اللي لقدرك يَعَرْفون=واليا حداك الوقت صاروا ضماني وليا حصل زلهْ لخاطرك يدرون=مايعلقونك فوق راس السناني وان جيت لك مجلس وناسه يخوضون=تغانم الفرصه وعد الثواني لاتقبل التبرير مهما يقولون=اعرض وتلقى مجلسٍ عنه ثاني ولا تصاحب الاحمق ولو كان مايكون=ولا تستشيره بالخفا والعلاني له لحظةٍ يصبح بها تقل مجنون=عقله يطير ويفقد الاتزاني يضيْع حقه والاوادم يشوفون=خسران من يعطي عليه الرهاني ولا تصير بلسانك معلق ومرهون=خلك حريصٍ باختيار المعاني كم كلمةٍ صارت لها انياب وسنون=لو هي بسيطه كبروها الشواني ولا تبني شكوكك على قول وظنون=حتى تبيّن لك عيانٍ بياني ولا تعلق آمالك على حلم مدفون=لابد من فعلٍ يحقق اماني ولا تحدك الحاجه على انذال وعفون=عذر الكريم ولا شمات الهداني ولا تقرب اللي في سلوكه يشكون=المعرفه من عقبها الاقتراني الناس من حولك لها آذان وعيون=اليا وقعت اسقوك مرّ الهواني كم سمعةٍ من دونها اسوار وحصون=واليا انفتح بابٍ غزاها الجباني خلك عزيز النفس لاتصير مغبون=وتعيش ذل القهر حتى الدفاني ................ وسلامتكم |
لي عوده لتمعن والتذوق من رحيق هذه الدرر بصراحه بديت أغارمنك هههههههههه |
ويتواصل الابداع من شاعرنا المبدع ابو عبدالعزيز صح لسانك وبيض الله وجهك على هذه السلسلة الاخلاقية الرائعة دمت في هذا العطاء المتجدد وتقبل تحياتي |
صح لسانك أبوعبد العزيز ويعطيك العافيه على هذه النصائح |
الاخوة الافاضل ابو عمر ابو وسيم ابو عبيد مروركم اشعرني بالفخر والزهو وانني جئت بما يستحق وجوده هنا ............ اشكركم على طيب المشاعر وعلى ثقتكم الكبيره باخيكم لاعدمت هذه الوجوه الطيبه وشكرا |
صح السانك مقدمه رائعه وشعر اروع نتظر جديدك |
ابن مطيع بل مرورك هو الاروع لاهنت وصح بدنك لاعدمتك |
شكرا لك عندليب المجالس شاعرنا القدير خلف الفريد على هذا الصدح الراقي والشعر المتميز والكلمات العذبة دمت لنا مبدعا نتشرف بشعرك وشاعريتك نستمتع بالقديم والجديد فكل معاني الشعر السامية نجدها في ابياتك وماتلك السلسة الا نتاج تلك التجارب الحياتيه التي صقلت موهبتك لتضيء لنا مجالسنا بعذب القصيد اجمل التحيا لشخصك الكريم وباقات من الورد والكادي اهديها لجنابك |
شكرا لك عندليب المجالس شاعرنا القدير خلف الفريد على هذا الصدح الراقي والشعر المتميز والكلمات العذبة دمت لنا مبدعا نتشرف بشعرك وشاعريتك نستمتع بالقديم والجديد فكل معاني الشعر السامية نجدها في ابياتك وماتلك السلسة الا نتاج تلك التجارب الحياتيه التي صقلت موهبتك لتضيء لنا مجالسنا بعذب القصيد اجمل التحيا لشخصك الكريم وباقات من الورد والكادي اهديها لجنابك كذالك اظم صوتي لصوت اخي ابو محمد واعلن اعجابي وابصم بالعشر لصاحب الجزاله والمنطق العذب ابوعبد العزيز؟ عندليب المجالس اوقول واكرر صح لسانك |
اقتباس:
الغالي على القلب منصور الوسوس تأبى ابا محمد الا ان تضفي على كل متصفحٍ لي تمر عليه كسوة موشاة بجمال الشعور والوان الوفاء والحب ودفء الموده ......... لم نتعود منك الا انسكاب كلمات الثناء العطره والاشادة التي ربما دفعها حبكم لنا الى مكانة نقصر دونها ... اشكرك بعدد كلماتك الطيبه واكثر على هذا النبل الكبير والسمو الراقي لاعدمتك |
| الساعة الآن 03:34 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir