|
سلسلة مكارم الاخلاق (3) بسم الله الرحمن الرحيم ونعود لكم ايها الاحبه مرة اخرى ..... وموضوع القصيده من ضمن مكارم الاخلاق الحميده والصفات المحموده وخصلة من خصال المسلم الجميله ، وتلك هي فضيلة: ((( التسامح )))
رفيقك اللي يعتذر منك لاجاك=ادمح له الزله وصافح يمينه وخل الموده باديه من محياك=وابليس لايختال بينك وبينه اياك تعطيه القفا اياك واياك=تغلظ له القول الشنيع وتهينه ولا تمنحه فرصه يعدّد خطاياك=ولا تذكّره باخطاه لو هي دفينه لاتسحب الفرصه على حيود واشواك=كم فرصةٍ راحت فوات وغبينه وخل العتب بينك وبينه تضحّاك=العفو هو طب القلوب الحزينه لعلها خيره ليا طاب مسعاك=المنهج الطيّب وقار وسكينه يمكن تبين سلوك من بينكم حاك=ثوب القطيعه والحسد والضغينه ولا صار لك خبره وعرفٍ بدنياك=ياما بها من اشباه "رهط المدينه" كم واحدٍ يضحك وهو صانع اشراك=يلعب على الحبلين "تبّت يدينه" نوبٍ صديقك يدخل بحسبة اعداك=اليا انقلب ضدك وبيّن كنينه ومن ينقل الشينه نقل عنك يم ذاك=مايردعه خوفه ولا احكام دينه نصيحةٍ ويقولها صاحب ادراك=درّة حصيله من تجارب سنينه وللمعرفه ناسٍ وللعقل ملاّك=نمشي على دربٍ ورا سالكينه وصلوا عدد مادار جرمٍ بالافلاك=على النبي والآل يا تابعينه ......... وسلامتكم |
رد: سلسلة مكارم الاخلاق (3) رائعة من روائع عندليب المجالس ابو عبدالعزيز صح لسانك وعلا شانك هذه سلسلة الدرر الثمينة التي تجسد مكارم الاخلاق وهي الجوهر في حياة الانسان بارك الله فيك ..... تابعت هذه السلسلة وأعجبت بها فلافظ فوك ايها الرائع |
رد: سلسلة مكارم الاخلاق (3) صح لسانك وبيض الله وجهك قصيدة جزلة ورائعة تجسد سمو الاخلاق ورفعتها ولك أجمل تحية |
رد: سلسلة مكارم الاخلاق (3) صح لسانك يابو عبدالعزيز تسجيل حضور ولي عودة ان شاء الله |
رد: سلسلة مكارم الاخلاق (3) الفاضل ابو ماجد وانت لاعدمتك ولا عدمت هذه الحروف الاخويه المخلصه دائما سباق ابا ماجد الى الجميل والجمال ودائما كلماتك اضاءات لمتصفحي وشموعا اشكرك على الثقة الكبيره والثناء الجم وصح بدنك مليون وما حاز على اعجابكم فخر لنا لاهنت |
رد: سلسلة مكارم الاخلاق (3) سيف حياك الله يابو غزاي ويامرحبا بك صح بدنك وسلمت لاخيك واشكرك على كلمات الاعجاب والوفاء لاهنت |
رد: سلسلة مكارم الاخلاق (3) الغالي ابو زياد حضورك هنا عن الف عوده لانه مقرون بالوفاء وصح بدنك وسلمت يمينك لاهنت |
رد: سلسلة مكارم الاخلاق (3) روعه من روائعك في القصيد صح الساااااااااانك درر في القصيده ولاهو غريب على شاااعر مثلك |
رد: سلسلة مكارم الاخلاق (3) صح لسانك اخي خلف الفريد قصيده كلها حكم وأمثال تسلم على اتحافنا هذه السلسه الرائعه ويامراحب نسل صن |
رد: سلسلة مكارم الاخلاق (3) ابن مطيع اشكرك على الثناء الجميل وثقتك باخيك لاهنت وصح بدنك ومرورك هو الرائع كروعة كاتبه لاعدمتك اقتباس:
ابو عمر هلا مليون وصح بدنك وانا دايم انصحك عن العجله سلمت لاخيك |
| الساعة الآن 01:09 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir