من جرب الواقع مع الناس يهتال=يشوف ما يكدر مزاجه وباله
الفرق ما هو بالمظاهر والأزوال=الفعل وقفه والطبايع إسلآله
ما كل رجالٍ صدوقٍٍ ليقال=لآ صار فعله ما يصدق مقاله
وان كان ما ينفعك في بعض الأحوال=بالآخره كلن يحاسب لحاله
ورد الثنى واجب على كل رجال=راع الجماله يستحق الجماله
تجازي الطيب بتقدير وإجلآل=وتشيد في حسناه لآجاء مجاله
ولكل رجال مكانه ومنزال=ما يقلط الوافي بجنب الحثالة
ولنته بمكلوفٍ أتمجد هلا المال=مايمدح الخايب علشان ماله
المال نوب يصير بجيوب الأنذال=والنذل يقصر مدته عن عياله