يامل قلب ٍ كل ما ارتاح مدّه = لازم يواجه في طريقه صعوبات
اشوف ناس ٍ يظهرون الموده = وقلوبهم بالعكس دايم مريضات
اليا شفت من بعض الوجيه المصده = اعنز على محي العظام الرميمات
ابعد عن اللي له وجاهه وجدّه = بعاثة الاحقاد واهل الحزازات
واللي وظايفهم بهاته ووده = يفرح اليا حصّل على الربع هسات
واحذر من اللي مهنته عض بدّه = حذرا تجي معه الروابط قويات
خله على طريقته ترب خدّه = لاتنخدع بأهل القلوب الخبيثات
ترى الصبر ينفذ اليا وصل حده = ومن لاصبر يلقى العواقب وخيمات
ومن حط فيك الطيب حذراك ضده = ترى الصنايع بين الاجواد خزنات
ويديك ليدين البشر لا تمده = يدين البشر مهما يمدن بخيلات
غير الولي يعطي يبي منك ردّه = والا تقفاها تضجر ومنات
وترى الرجل شرواك يحفظ لسده = والا تعرض كل مبغض وشمات
وممشاك لك مع سهلةٍ مجرهده = اخير من رفقة كثير النمامات
اخاذ بأعراض الاجاويد هدّه = وعن عيب نفسه مايشوف التريلات
عساه في دنياه فقر ومضده = بغيض مقرود ٍ تمالاه الافات
وعسى جهنم له فراش ومخده = وبالقبر يعبى له عقارب وحيات
واظن ماذكرت نحوه يسده = واستغفر الله كاني قلت زلات