البارحه سهران مانامت العين=عيا يريح القلب داخل ضلوعي
القلب تقل تدقه سكاكين=حتى ابتلت لحيتي من دموعي
تل قلبي تل غصن ٍ به اللين=براس شفا ً والهبايب تلوعي
حن قلبي حن من الخلج ثنتين=جرميةٍ قطع ولدها قطوعي
تجاذبا ً الحس من بين ضلعين=الكل منهن جرينه يزوعي
والله يالولا الميز والعقل والدين=لـجيب حس الذيب يزويه جوعي
بجنة الفردوس آمين آمين=بجاه اللي للخلايق شفوعي
ياوالدي هو كيدٍ للمعادين=مايرتهب لو قدامه جموعي
يزبن ربع ٍ كان جوهـ عانين=ريف الضعيف كان عاجز ينوعي
حلوين في حال ٍ وفي حال مرين=وكل ٍ من دون حقه جزوعي
قمت اتذكر وين اهل الدواوين=وين الجماعه ووين ذيك الربوعي
دارت عليهم سنين مع ساقت سنين=ولابقى الا اللي لحيته تقل كوعي
ولو هو درس ماهو عارفٍ شين=مايجالس الشيبان شين الطبوعي
اليا صلى يمينك صد عنكم يمين=حتى مايسلم وصح عنك السموعي
ياجيل هبهب مانتم والله ونيسين=ماهو ونيس ولاهو للعود طوعي
بالليل سهران ٍ مع الشياطين=هو كيف يسهر والخلايق اهجوعي
لامصلحة دنيا ولامصلحة دين=يالله دخليك من قليل الشزوعي
تم الجواب وعندي من براهين=وعندي على ماقلت اقناع واقنوعي
وصلاة ربي على اخر النبيين=اعداد مابدى القمر بالطلوعي

ألبارحه صار نومي تجاليد=والعين عييت في منامه تنودي
كشفت أنا الجوال ولقيت تمجيد=ورجف ضميري وساعدنه عضودي
ارسالتن تخاذ مع العمر تسنيد=تضربني ألأمواج واطلع سنودي
من نافع بن عوده شيخ ألأواليد=طيبه قديم ولا يبي له شهودي
والله ما لومه بكثر التماجيد=يبكي على ربعه باللحودي
يبكي فالح وجازي وبن حديد=ويبكي على قدامهم من فهودي
وردو على عد طويل المواريد=وأنا أحمد الله ذا شي محمودي