بسم الكريم بدايتي واعتمادي=منزل تبارك في كتابه وياسين
الواحد البادي على كل بادي=اللي خلق أدم وحوا من الطين
يالله توفقني طريق الرشادي=وعلى جزيل القول ياربنا تعين
قدم المليك وماقفي غير عادي=ماقف يشرف في حضور العظمين
لي الفخر والعز غاية مرادي=قدام أبو متعب لو أقول بيتين
يا مرحباً ياتاج هامة بلادي=ياعز شعب المملكة ناصر الدين
يا أبن الملوك مخضبين الهنادي=من ساسكم حكام نجد السلاطين
خدام للسلام وأسماء المبادي=وحمات حجاج الحرم والمصلين
الأمن عم الدار والعدل سادي=تعطى الشعوب حقوقها بالموازين
وصدق الولاء بالشعب حضر وبوادي=وحب المليك وطاعته بالشرايين
الحاكم اللي شوفته هي عيادي=يعيش أبو متعب عسى عمره سنين
صقر العروبة للعروبه مفادي=الله يديم لصحته قولوا أمين
هلا تراحيب المطر ياسنادي=ياعز روس الشعب وأيضا المقيمين
يشامخ الهامه كريم الأيادي=فيك الشهامة والمروه نياشين
وبيض النوايا ياسليم الفؤادي=يالحاتمي لشعب رمز الوفيين
حياك ربي يالحكيم الريادي=يا رائد الاصلاح بكل الميادين
ليا كبرت الأزمة وبان الأعادي=تاقف وتافي للمهمات وتبين
في قمة العالم وقوفك منادي=لجل العرب وحقوقها تافي الدين
رجل السلام بكل قمة ونادي=درع حصين وللعرب دايم معين
بسم العروبة والكرامة تنادي=يصاحب النخوة طليق الحجاجين
أعلنت صوت الحق وحدك حيادي=ولاهل الكتاب وإنذار والعين بالعين
كان اليهود بشرهم والتمادي=ترى العرب ماهم على السلم باقين
خطابك المشهور ماله ملادي=صدق الحقايق واعتراف الملايين
ســــجل لـه التاريخ علم وكادي=يبقى على وجه البسيطة عناوين
حكمة وحنكة واستناره بهادي=وراين شجيع وللعداء سيف حدين
ياليعربي يالمعتصم يالقيادي=انته ستر غزه عن الظيم والبين
والمال في حالات دفعه جهادي=حي الزعيم اللي تبنا فلسطين
النصر بالوحدة وجمع اتحادي=والتفرقة عز العداء والشياطين
والعـــز بالاجـــمـــاع ضــــد الأعـــــــادي=وتــــــرك الــــتـــشاحن منــهجك للمـسلمين
ياسيـــدي عـــم الـــــفــرح فــي بـــلادي=عـــلى ســلامة ولــــي العـــهــد عيــــديــن
عضــــــيد يمـــــناك الكريـــــمــة زنــــادي=بســــلامـــته نــرفــع أيـــات المهـــنئــــين
ونايــــف عضـــيدك باللـــيالي الشـــدادي=النـــائب الثـــاني عـويـــنك عـــلى الـزيــن
تمت وصلى الله على خير هادي=صلوا عليه وسلموا ياميامين

المشاركة الأصلية كتبت بواسطة عالي الذكر (المشاركة 95437) بين يدي ملك الأنسانية الله يمد بحياته هذا موقف مشرف يا بن هذيل ولا هو غريب منك الوفا لأن أصلك طيب عسى الله يبيض وجهك وحكامنا مادامهم حاكمينٍ بشرع الله مالهم بالدنيا مثيل عسى الله يعزهم ولا يعز عليهم .

يـا مرحبـاً ياتـاج هامـة بـلادي=ياعز شعب المملكة ناصـر الديـن
يا أبن الملـوك مخضبيـن الهنـادي=من ساسكم حكـام نجـد السلاطيـن

كـان اليهـود بشرهـم والتمـادي=ترى العرب ماهم على السلم باقيـن

المشاركة الأصلية كتبت بواسطة هل اللقوات (المشاركة 95457) صح لسانك يابو فهد ولافض فوق وطول عمرك راعي جزاله ومواقفك تشرف القبيلة الله يوفقك ويطول عمرك

المشاركة الأصلية كتبت بواسطة نوااف االدغيشمي (المشاركة 95494) أبو فهد أنت مبدع وشاعر ومانقول الا صح لسانك وعلاء شانك ولاتقطعنا من قصائد الرائعة وشكرا يابو فهد تقبل تحياتي

المشاركة الأصلية كتبت بواسطة علي الجضعان (المشاركة 95523) أولاً آسف على تأخير الرد لضروف وصح لسانك قصيده وطنيه في ملك القلوب و يكفيها وسام ألقائها أمام الملك وتسلم على رفع أسم القبيله في المحافل سجل أعجابي 00وتقديري وتسلم من كل شر وصح لسانك ويهلابك

المشاركة الأصلية كتبت بواسطة ناصر بن راكب (المشاركة 95562) أبوفـــــــــــــــــــهـ ــــــــــد صح لسانك صح لسانك صح لسانك وبيض الله وجهك على رفع اسم القبيله

المشاركة الأصلية كتبت بواسطة خلف الفريد (المشاركة 95583) ابو فهد وقفت وقفة شرف في موقف صعب يحتاج الى ثبات الاصغرين -القلب واللسان .... وفي هذه الرائعه تأكد لنا انك تجاوزت الابداع والثبات لانك من رجال المواقف الصعبه ... قلت فابدعت وتشرفت فشرفت ... اهنئك من القلب واشكرك على الحضور هناك وهنا ... وفقك الله وزادك تألقاً ... تقبل اطيب دعوات اخيك المحب ..............