هات القلم والحبر وأوراق تسطير = وحظرلنا تمر الحساء معه دلة
فنجالها يشفي معاليل ويـــثـــيـــر = ويبري خلايا الراس سوقة مزله
نبغى نجاري بالنقا والــتعابــيـــر = قول(ن) لأبن جضعان ياعمر قله
في مدح ربعي محتمين الطوابير = اولاد راشد كان لسيف سله
فوق المهار معسكرات المسامير = كم شيخ قوم بالنواصي نتله
اولاد راشد بالعيا والصعاطـــير = الله من عظم كسرنا مجله
رجالنا ياقف مثل سالم الزير = فينا صعاطير الشجاعة جبله
وقت اللقا يقسم على الخصم ويجير = يشهدلنا العدوان من كل مله
مرين للعدوان و لجارنا خير = وقاف الفراوي بثنا شاهد له
فجحان سجّل في بطون الاساطير = صفحات بالعرفان توضي سجله
ياربع بن حماد ريف الخطاطير = ياعز من شر الليال حبلله
يامكرمين الجار جينا مسايير = جتنا المنايح من خيار الادله
زود(ن) على هدي البكار المغاتير = علط الرقاب مهاوزات الاظله

المشاركة الأصلية كتبت بواسطة ذيبان (المشاركة 92576) صح لسانك وعمرك وربي يطول بعمرك على الطاعه ويخليك للقبيلة هلا ,,, هلا ,,, ومليون هلا ,,, بشاعر القبيلة ابو فهد سعد بن هذيل الفريدي

المشاركة الأصلية كتبت بواسطة ضيف الله بن علي (المشاركة 92581) صح لسانك وسلم بنانك وعلا شانك رائعة من روائعك واضم صوتي لصوت ابا راكان

ربعي لهم عندي معزه وتقدير = ياسعد منهم بالقاء عزوتله
مثل العسل للجار طبع (ن) لناغير = وعن الخطاءندراه عن كل زله
ورجالنا يحشم ولوسنه صغير = nومنزالنا بالنايفات المطله
يوم المغازي واليال المعاسير = يابعد عن ربعي دروب المذله
عيال راشدإلأتعزووا على البير = أذوادنازود(ن)على الشرب علٌه
وأليا زعلنا مابها عذل ومشير = نمشي على عدونا في محله
وياما هزمنا من رجالن مشاهير = وكم شيخ قوم(ن) مانسى ماحصله
ومن شاف من ربعه مذله وتقصير = الى زبنا كلبونا هلله
ونحشم جنابه بيننا كنه أمير = ويموت خصمه ياعمر ماوصله

المشاركة الأصلية كتبت بواسطة مقبل بن نمران (المشاركة 92592) . صح لسانك .. وبيض الله وجهك مجاراة رائعة تحمل الوفاء والحميا وماهي غريبة عليك يابو فهد .. سلمت ودمت تحيتي

المشاركة الأصلية كتبت بواسطة mazel alfreidy (المشاركة 92609) صح لسانك وبيض الله وجهك قصيدة رائعة من شاعر اروع سلمت ودمت اخي ابو فهد وسجل اعجابي بك والا الامام في هذه الروعة وتقبل تحياتي

المشاركة الأصلية كتبت بواسطة خلف الفريد (المشاركة 92613) حياك الله يابو فهد مجاراة رائعه وجميله يكتمل بها وفاءكما الاثنان لهذه القبيلة القامه الشامخه .... قبيلة لن نستطيع ايفائها حقها كما ان معين حب ابناءها لاينضب .... فلله درّ رجال صنعوا مجداً لها ورجال خلدوا امجادهم ... شكرا مرة اخرى ولاهنتم ... ....

المشاركة الأصلية كتبت بواسطة منصور الوسوس (المشاركة 92859) شاعرنا القدير ابو فهد قصيدة جزله ومجاراة رائعة لشاعر المجالس ابن جضعان لاهنت وصح لسانك مليون اسعدنا تواجدك ومتابعتك واهتمامك والمجالس تفخر بوجود قامه شعريه مثلك صح السانك ودامت ايامك تقبل اجمل تحية لشخصك الكريم

المشاركة الأصلية كتبت بواسطة احمد بن ضيف الله بن حماد (المشاركة 92884) صح لسانك يا سعد قصيدة جزلة و لا هي غريبه عليك