الخاطر العمس من شوف العرب طايب=والروح جو الوطن ما هـو مناسبهـا
لجة ضلوع الحنيـن لشوفـة الغايـب=والساعه من الولـه ثقلـت عقاربهـا
يا نايـب المملكـه.. ماللغـلا نايـب=الناس يا امير مـا ترخـص حبايبهـا
الصبر يا سيدي مـا هـو لنـا ثايـب=ارفق على قلـوب شعبـك لا تعذبهـا
غلاك يسكن خفوق الطفـل والشايـب=والمملكـه تنتظـر لقـدوم غايبـهـا
مسك الغلا والـولاء بأرواحنـا ذايـب=وصدورنـا لجيتـك فاحـت مطايبهـا
قلوبنـا بوصلتهـا وضعهـا صائـب=لو هي على الشمس وقت حلول مغربها
الديـره اللـي تجيهـا فالهـا طايـب=والغيث لا حل لـه فـي دار يعشبهـا
يا سور قلب الخليج.. مـورّد الهايـب=يا قايد الجيـش والعـدوان مرهبهـا
يا درع شعبك.. عدوك مفلس وخايـب=ـدود موطنـك مـن يقـدر يقربهـا
الوضع ما هو على قول المثل سايـب=عندك رجال رصاص الحـرب يطربهـا
يـردون للمعركـه لـو دمهـا رايـب=وروس تصادمك ممهونـه شواربهـا
ما دمت يا سيدي عن دولتـك غايـب=مشاعر الشـوق مـا نقـدر نغيبهـا

يا درع شعبك.. عدوك مفلس وخايـب حدود موطنـك مـن يـقـدر يقربـهـا

المشاركة الأصلية كتبت بواسطة f15 (المشاركة 91077) صح لسانك . والله يرجع اميرنا بالسلامة ولاكن يبدو ان عندك خطى املائ في شطر البيت العاشر

المشاركة الأصلية كتبت بواسطة علي الجضعان (المشاركة 90944) ما دمت يا سيدي عن دولتـك غايـب مشاعر الشـوق مـا نقـدر نغيبهـا يرجع الامير سلطان بالسلامه ان شاءالله مشافا معافا الى وطنه وصح السانك يابو عبدالاله شاعر متمكن ولك بصمه على اي قصيده تنظمها سجل أعجابي وتقديري لشخصك الكريم ولاتحرمنا من أبداعك

المشاركة الأصلية كتبت بواسطة زيد بن متعب (المشاركة 90947) الشاعر الصادق والعذب ابو عبدالإله صح لسانك . والله يرجع اميرنا بالسلامة

المشاركة الأصلية كتبت بواسطة عبدالله بن راشد (المشاركة 91013) صباح الخير .. . رائعه . . . وأكثر ما يشدني في شعر رشيد الفريدي امتلاكه رصيد عظيم من المفردات التي يعرف بقوة الشاعر المحترف أن يضعها في مكانها الذي تطرب له النفوس , ومن ثم تكتسب الكلمات شكلا فنيا جديدا جميلا من صنع رشيد . . . كلماتك لوحات فنيه رائعه أيها الغالي .

المشاركة الأصلية كتبت بواسطة mazel alfreidy (المشاركة 90950) صح لسانك ياابو عبدالاله قصيدة رائعة من شاعر أروع ان شاء الله يرجع اميرنا سالما معافا ولاتحرمنا منك ومن روائعك وتقبل تحياتي