|
مراهقة متاخره ... بسم الله الرحمن الرحيم الشاعر الوردي علي الجضعان اذا تكلمنا بالرومانسيات هز راسه وقال خلك من الامور هاذي ماهي لك ...قهرني!! لذا اهديكم هذه الغزليه التي اعتبرها حقيقة من المعلقات الراقيه ...وهذا لايمنع من قليل من المجامله مع شايبكم .... عيالي
يازين لو تاخذ من القلب مزعه=والله فلا اشكي منك ، وانقل صوابي لاصرت تملك مني اليوم بضعه=انا اعتبرها حاضري في غيابي احمل شرايين الغلا وانت نبعه=وانا ظما الملهوف وانت الشرابي اجوع وآكل لكن الروح شبعه=ضحكة عيونك والثمان العذابي من يشكي الغربه وهو بين ربعه؟؟=لكن بلا لاماك طال اغترابي ماكنت ابا ارضا لو تبلّلك دمعه=وانا نزيف الدمع بلّل ثيابي لاقيل دايم يتبع الاصل فرعه=انته اصل عمرٍ فروعه شبابي والحب في عرف المحبين شرعه=شوق وغرام وتضحيات وعذابي غريب دار ولا يبي منك منعه=يبا الضيافه يوم قلّ الزهابي .............. وسلامتكم |
رد: مراهقة متاخره ... ابو عبدالعزيز عندليب المجالس قصيدة رائعة جدا ورديه للغاية عندما ارى لك قصيدة اعرف ابداعك قبل قرائتها وهكذا تعودنا ........ دمت مبدعا متواجد ودام قلبك اخضر بالمحبة والنية الطيبة تقبل اجمل تحية من محب |
رد: مراهقة متاخره ... فعلا انت رومانسي دائما متألق أشكرك أبو عبدالعزيز على هذه القصيدة تقبل مروري ولك مني أجمل تحية أخوك سيف الدغيشمي |
رد: مراهقة متاخره ... عوايدك ودروبك الابداع والوفاء صح لسانك يا الغالي مليون |
رد: مراهقة متاخره ... يازين لو تاخذ من القلـب مزعـه والله فلا اشكي منك ، وانقل صوابي لاصرت تملك مني اليـوم بضعـه انا اعتبرها حاضري فـي غيابـي احمل شرايين الغـلا وانـت نبعـه وانا ظما الملهوف وانت الشرابـي شايبً شيبه على عوص النجايب ابداع ومن اليوم الي يقول عنك شايب ماراح ارد على مواضيعة ً |
رد: مراهقة متاخره ...
|
رد: مراهقة متاخره ... الحب والعشق ماله عمر معين سجل أعجابي بهالدرر ابا عزوز حركت كل المشاعر وذكرتنا بالثمانينات الله يجازيك وصار التفكير شارد وخليت بعض الناس يسأل وش تفكر به الضاهر انك تبي ادخلنا في متاهات وسين وجيم اقول الله يكفينا شرك تبي تسوي شوشره داخل البيت الهادي والظاهر !!!نبي نسمع اخت على اخته صوت نشاز |
رد: مراهقة متاخره ... . ابو عبد العزيز صح لسانك وسلمت ودمت تصر على الجمال .. والبقاء داخل أروقة القلوب الخضر كل الود والتحايا . |
رد: مراهقة متاخره ... روائع المنتدى منصور الوسوس سيف الدغيشمي احمد العود القاصفه 15 ابو فيصل ابو عمر ابو ياسر ان انال هذا التشريف وهذه المصافحات الحاره فهو مايخفف عليّ وطأة الشوق والغرام ههههه وكما تعلمون احبتي القلوب تصدأ من مكابدة هذه الدنيا ، فلا بد ان نلتقط بعض اللحظات لنبتسم فيها ونبتعد عن الروتين الجدّي اليومي المرهق .... جمعتكم هنا درراً لاكتحل برؤيتكم نظرة واحده ..... والى ابتسامة قادمه ان شاء الله .. لاعدمتكم .. ............... |
رد: مراهقة متاخره ... ماشاء الله عليك ابو عبدالعزيز أهنيئك على هذه الرومانسية والحالة الرائعة هذا وانت تقول شايب ابدا بعد هذه القصيدة انت في روعة شبابك وتعيش احلى ايام الرومانسية نتمنى لك حياة سعيدة مليئة بالرومانسية سلمت على هذه القصيدة وصح لسانك وتقبل تحياتي وتقديري |
رد: مراهقة متاخره ... مزعل هلا مليون والله يجبر بخاطرك ياولدي رفعت المعنويه شوي لاهنت ... لكن مع ذلك يذكرون لي دهن الحوت او القرش الابيض الموجود على شواطيء استراليا ... يقولون زين للمفاصل وانا عمك ...لا ويقولون لازم طازج ، يعني لازم اجي يمكم بنفسي .... شف لي الموضوع يالذيب وابن جضعان خله يربص ببريده ماهو حق سفريات ... مايقطع البحور الا الصقور ... اشكرك يالغالي ......... |
رد: مراهقة متاخره ... اقتباس:
اقول خلك في بريده حسن لك ابا عبدالعزيز مالك ومال استراليا 000 مزعل خل خلف لاتعرضه يغدي وأبلش به وين ادوره وسط هالغابات مدوخني ببريده عاد دوره في ضواحي سدني لاوشكله تقل من غرب استراليا احذرك من التهور ودعوة الفريد |
رد: مراهقة متاخره ... ابو عبدالعزيز صح السانك انت مبدع بس خوفك من ( فاكهة المجالس ) ابو عمر اثر في مسيرتك الشعرية ههههه اشوفه وراك وراك انصحك تعمل مصالحه معه للحفاظ على مستقبلك الرومنسي0 تحياتي للجميع |
رد: مراهقة متاخره ... صح لسانك وعلى شانك يا ابا عبدالعزيز ولو رمنسي بالحيل الولد |
رد: مراهقة متاخره ... ابو حمد هلا هلا مليون وصح بدنك يالغالي ... اما ابن جضعان فشغلته شغله ... متعب راسي ومذيني .... متسلط على شايبك ويدور عليه اي شي ... لكن العود له زنود يبي يتعب عز الله... اشكرك على المرور والحضور .............. |
رد: مراهقة متاخره ... اقتباس:
راع الشاص مايجيد الا انت المقناص !!!! ماشفت شي ليا هالحين القلب خضر وبه صفار !!!!!!!!! اشكرك ابو هلال على هذا المرور الجميل ولا زلنا بانتظار جديدك يابخيل ..... لاهنت ......... |
رد: مراهقة متاخره ... صح لسانك يابو عبدالعزيز |
رد: مراهقة متاخره ... صح لسانك والله مبدع...مشكور |
رد: مراهقة متاخره ... الله الله هذا الغزل العذري العفيف الذي ليس فيه فحش ولا اسفاف . دمت متألقا ابا عبد العزيز وصح لسانك احمل شرايين الغـلا وانـت نبعـه وانا ظما الملهوف وانت الشرابـي اجوع وآكل لكـن الـروح شبعـه ضحكة عيونك والثمـان العذابـي =============== ماكنت ابا ارضا لو تبلّلـك دمعـه وانا نزيـف الدمـع بلّـل ثيابـي =============== والحب في عرف المحبين شرعـه شوق وغرام وتضحيـات وعذابـي =============== =============== من اجمل ما قرأت في الغزل لك مني صادق الدعوات |
رد: مراهقة متاخره ... الغاليين على الروح احمد بن حماد طلال الحماد صحت ابدانكما وشكرا مكررا على المرور وصدق الشعور ... لاعدمتكما.. ............... |
رد: مراهقة متاخره ... الشاعر المبدع ابو زياد بل الاجمل هو فرحتي بك عندما مررت علينا قبل فتره كسحابة ممطره ولا زلت معطرا بها ... ويعلم الله اننا هنا بحاجة الى تواجد اهل المواهب والوفاء وانت منهم ... وليس لي طلب الا الرجاء الا تبخل علينا مستقبلا ، فعنوان المجالس له حق لايجوز نقصه ولا يبرر هجره ....ولو انني اعلم ان مانعك الانشغال .... اما شهادتك هنا فهي وسام نلته اهداء من منهل الوفاء .. لان الانتقاء والاختيار منك يشعرني انك احطت بالشكل والمعنى وتعمقت في اعماق هذه الحروف الورديه .... ولا غرابة في ذلك ، فانت من فرسان هذا الميدان وسادة التخصص فيه .... في الختام تقبل شكر اخيك وامتنانه ... لاهنت لاهنت لاهنت .............. |
| الساعة الآن 09:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir