ياقصيدي كان عذرك في دوامي=قل عليه لروحك العذبه سلامي
إن بغيت إبيت والا قفر خالي=شب نارك واستلم مني كلامي
كل ماذعذع من الغربي هبوبك=سقت قافك للكريم ابن الكرامي
ماخذيت المدح في وقتي بضاعه=غير صدق إحساس وشعور وهيامي
للرجال اللي لهم بالمجد رايه=ورث قبل يكون في نجد النظامي
الدهاليس وكفى للصيت طاري=علم طيب وعلم جود وعلم سامي
يوم عج الخيل وفعول المدائح=صفحةٍ عليا بها التاريخ زامي
كل ماماتت بفعل نعيس أصيله =صاح غازي بالوغى خذ ياحزامي
بساحةٍ وحده وقول الحق شاهد=سبع تفني سبع خيلٍ بالتمامي
عز متسلسل ليا منه بدالك=واحدٍ فيهم يعديك الغمامي
وإن لطف بك ربك العالي جلاله=شفت قدمك منهم الحر القطامي
يفرش بساط المكارم في يمينه=نور تجلابه دياجير الظلامي
وإن لفيت تدور أطيبهم تحير=كل واحد ماسك الصف الأمامي
كن ربي يوم وزع طيب خلقه=خصهم بالمرجله قبل الاسامي
فيهم اللي وقف بصفي وساند=بطيب روح وطيب فعلٍ وإهتمامي
غازي اللي كنه لـ غازي خليفه=الوفي اللي على الجزله عصامي
ولازهاهم قاف شعري يوم أعده=لابةٍ تزهى البسيطه والجهامي
وكل طيب لا إمدح طيب تساما=ماياهاب من الحقيقه غير ظامي
ومن ورثها بين سيف وبين مده=منزله بين العرب رأس السنامي

المشاركة الأصلية كتبت بواسطة خلف الفريد (المشاركة 89722) ونحن نزهى ونفتخر بهذه الرائعه التي تعانق هام السحب ..... ومليون نعم بالمادح والممدوح وعيال ابوي الدهاليس ... ولاهي غريبه على سمي الفارس الفزعه والنخوه فهو فارسهما .... مليون قبلة على راس عقيد القصيد على الوفاء .. واخرى على جبين راع المعروف اخي غازي بن محمد .... ومثلهما على دهاليس المجد والتاريخ والوفاء ... واكثر من هذا على هامات عيال راشد الذين انجبوا هذه المفاخر ... وللجميع الحب والوفاء . ............. اخوكم خلف بن عتاق

المشاركة الأصلية كتبت بواسطة f15 (المشاركة 89724) ونحن نزهى ونفتخر بهذه الرائعه التي تعانق هام السحب

المشاركة الأصلية كتبت بواسطة ضيف الله بن علي (المشاركة 89762) عقيد القصيد بيض الله وجهك ورفع الله قدرك قصيدة ترفع الرأٍس الدهاليس يستاهلون المدح طيب وتاريخ و شموخ ومبادرتك لتذكير بهذا المجد يدل على حموتك ونخوتك ونسج الشعر كما سمي شعرا .......

المشاركة الأصلية كتبت بواسطة jalawi m.h.d (المشاركة 89798) صح السانك شاعرنا المبدع دائماً وهذه السطور ليس بغريبة على انسان يفتخر الشعر بما تخطة أناملة تقبل موفور احترامي,,,,,

المشاركة الأصلية كتبت بواسطة منصور الوسوس (المشاركة 89816) عقيد القصيد وتاج المجالس الشاعر القدير مقبل النمران اقف احتراما لتلك المقطوعة الادبية الرائعة جدا نظرت للشاعر ولمن قيلت فيه القصيدة فوجدت ان الكلام يضيق فعلا شاعر جزل ومبدع في مدح فريّس الفردة الدهاليس ذلك الاسم الذي يسموا ويتسامى فوق المدح ونعم بغازي وهكذا تعودنا منه يرفع الراس بالذكر الطيب والعلم الغانم والحموة الطيبة لربعة شكرا لك اباياسر ودمت لنا مبدعا كما تعودنا منك تقبل اجمل تحية