|
الثقة الزائده ...... ايها الاحبه اليكم هذه القصه : قبل فتره زارني -ابو نواس - علي الجضعان وقال اركب واثناء تمشيتنا قال لي وراك ماحلقت راسك اليوم ، قلت الليله ان شاء الله ،قال لا هالحين هذا الحلاق ، قلت لالا انا احلق نفسي ماداني حلاقة الهنود بعدها صفط على جنب عند هاك الحلاق وقال عن اذنك ابا احلق دقني انزل معي وعن حسن نيه دخلت معه وبعد ماحلق قال وش رايك تخفف راسك يابن الحلال وعلى حسابي طمعت واستغليت الفرصه وتمددت على هاك الكريسي اللين واثرني تعيبان واخذت لي غفوه ، والله ولا صحيت الا الراس بالموس واللحيه خليجيه ، والله وادق هاك الهاشميه وازفر هذه البويتات الحزينه :
حالفٍ يالهندي مايعاود لمسه=بغض عيني بغض شوف هالكراسي وجهه المرمّد الله يقلع رمسه=وريحته خبيثه تحبس الانفاسي شعري وجهي غالي مايزال بخمسه=ولا يتوطا لحيتي تحت المداسي ولا يطمن راسي باليدين النجسه=راسي المرفوع من يطمن راسي لكن اجبرتني الظروف النحسه=اتماشى معها ، ياقوي الباسي واستغل الفرصه من يجيد الحمسه=علي بن جضعان مقطوع الجناسي جالسٍ وراي ما اسمع كود همسه=يبتسم ويشير للهندي نجاسي تبت ما خاويه ولا احضر لعرسه=فعله الغدار بي طفّى حماسي ........ وسلامتكم |
رد: الثقة الزائده ...... لالا مايصير لازم تسويله مقلب اكبرمن كذ بعدين ليش نمت اكيد مدبرلك شي وتبقون اخوان |
رد: الثقة الزائده ......
شعري وجهي غالي مايزال بخمسه=ولا يتوطا لحيتي تحـت المداسـي
:rolleyes: صح لسانك وعلا شانك ابو عبد العزيز |
رد: الثقة الزائده ...... --------- لا تعليق ----- |
رد: الثقة الزائده ...... من شاطي الجبيل الساعه 10 صباحاً اشوي مع ابوباسل مشعل الجضعان وكل الكرنيش نت الله وكبر شف التطور اقول باقي لي مرور!!!!!!!!!!!!!!!!!! |
رد: الثقة الزائده ...... الاف القاصفه لايكفيني هذا المرور ... جهز الأف بالصواريخ اللازمه حتى طلب التنفيذ .... اشكرك لاهنت .......... |
رد: الثقة الزائده ...... ابو ماجد صح بدنك وسلمت لاخيك .... واشكرك اللي عطيت ابن جضعان هذه الاثقال ..فوق تحت ..لين يتوب عن تصرفاته .... جزاء عادل .......خلّه .. لاهنت ........ |
رد: الثقة الزائده ...... ابو عمر الله الله بالسمك الطازج ..... وخذ بالك ترى البحر غدار ..... وسلم لي على كل احبابي بالجبيل بلا تخصيص .... تعود بالسلامه ان شاء الله ......... |
رد: الثقة الزائده ...... والله وسواها فيك ابو عمر نحن بانتظار المقلب ياابو عبدالعزيز وصح لسانك على هذه القصيده وتقبل تحياتي |
رد: الثقة الزائده ...... صح لسانك أبو عبد العزيز والله أن الأمر ادهى وأمر والا خابرك ذيب ماتنام تبت ما خاويه ولا احضر لعرسـه **فعله الغدار بـي طفّـى حماسـي وش السالفة!! الرجال متى عرسه !!! |
رد: الثقة الزائده ...... هلا هلا باخوي مزعل لايهمك شغله عندي وله مثلها والايام حبلى .... اشكرك على مرورك الجميل لاهنت بحفظ الله .. .................... |
رد: الثقة الزائده ...... هلا بابو عبيد حياك ربي وصح بدنك لاهنت ... والحقيقه اكلتها انا لكن يجي له يوم .... ويكفيه اني بينت المستور وخله ينفي كلامي .... وانا صدت الخبر ، لكن هل هو معلن او مسيار ؟؟ مدري ......... اشكرك .......... |
رد: الثقة الزائده ...... أفاااا يابو عبدالعزيز سواها ابو عمر مايصير والقصيدة صرااااحة هذي ماتكفي بس تكفى ابو عبدالعزيز نبي مقلب اقوى من كذا فيه تقبل تحياتي |
رد: الثقة الزائده ...... هلا بخوي نواف اضأت متصفحي بهذا المرور الجميل لاهنت .... اما ابو عمر فكما اسلفت طبّه عندي ...فرصه بس ... ولو لاحظت البيت الاخير عرفت ليه يوم انه ملبد كل هالمده !!!!!!!!!!!!!! والليال طوال ... لك حبي ومودتي ................. |
رد: الثقة الزائده ...... ولا يطمن راسي باليدين النجسـه راسي المرفوع من يطمن راسـي صح لسانك ورأسك دايم مرفووووع بس حبيت اقولك ياكم شيخ قومٍ نزل رأسه هندي واستغل الفرصه من يجيد الحمسه علي بن جضعان مقطوع الجناسي علي بن جضعان الجميل أحلى مافي هذا الموضوع اسمين جميلين ومن أجمل الأسماء في هذا المكان وليس قصوراً بالبقيه ولكنهم من الاوائل هنا ومن شيبان المنتدى الرائعين نكن لهم احترام وتبقى بساطتهم وروحهم المرحه هي الحلى المكمل للمنتدى دمتم رائعين كما عهدتكم ودامت مقالبكم جميله كما عرفتها انتم شعلة المنتدى وانتم من يجعل المنتدى بإشعاركم وفقشاتكم كــ الإعصار قبيل المغرب تأتي وتكون شديده وما أن تهداء حتى تعقبها السحب وتهل بــ ماتحمله لكم الود جميعاً |
رد: الثقة الزائده ...... اقتباس:
وكما يقال الغايب عذره معه .... ولا ننسى انك كنت من رواد الانطلاقة الاولى ومنظر بيت القصيد ....ولا زلنا بشوق لتلك الذكريات وتلك الايام الجميله ... اشكرك على المرور والشعور .............. |
| الساعة الآن 09:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir