نبي نزور اللي لهم مقدريه = حرب خوالي وأفتخر في خوالي
أهل الفعول المعجزات القوية = ويشهد على ماأقول فعل البلالي
ويشهد لي نويشي وقصه خويه = اللي على شآنه ذبح كل غالي
أهل النقاء وأهل التقاء والحميه = أهل المواقف والفعول الجزالي
تلقى الشحم ياجيت والشاذليه = وتلقى الأشده فوق زين الزوالي
ونجر(ن)يهظول كل صبح وعشيه = والنار مشبوبه عليها الدلالي
في مجلسن مافيه نمه وسيه = ياجيتهم ياأبوك ينساح بالي
والعود الأزرق والعلوم الزكيه = كنك على ماقيل صاحب معالي
ماقلته والله مدور هدية =لكن أنا أبين فعول الرجالي
قلته وأنامن اللابه الشمريه = وأنا شمالي وأفتخر بالشمالي
ياما غدا بنحورهم من قضيه = وعند اللقاء ياما احتموا كل تالي
اليا انتخوا بالعزوة الضيغيميه = ارفع لهم في كل محفل عقالي
وختامها مني سلام وتحيه = تحيت(ن) مني لكل الخوالي