* الشيخ : نافع بن سبيل بن عودة بن هديب
لتحمله تكلفة الشهادات والدروع

* الشيخ : عبدالله بن عبدالعزيز بن عبيد بن هديب
بمناسبة تعيينه نائباً لرئيس المجلس البلدي بقصيباء

* الأستاذ : علي بن ضيف الله بن سالم بن هديب
لحصوله على درجة الماجستير من جامعة الملك سعود

* علي بن خلف بن عياد بن هديب
لحصوله على درجة البكالوريوس من جامعة القصيم

للأستاذ : سعود بن نايف بن علي بن هديب
لتحمله تكلفة رسائل " جوال الهدبان " لمدة سنة كاملة في العام الماضي

1. سلامي عليكم عد ذاري هبوب النود = وعدد مايهل الوبل من غر الأمزاني
2. على هل القوارة يامقر الوفى والجود = رجال لهم في قمة المجد عنواني
3.عسى عيدكم مبروك وفي كل عام يعود = ويدوم الفرح بدياركم مر الازماني
4. تحية وفى واخلاص ومعطرة بالعود = على ربعنا الهدبان ذربين الايماني
5. مروين حد السيف بالموقف المشهود = لهم موقف(ن) في حزة الضيق قد باني
6. سهوم المنايا دايم(ن) ضدهم ملهود = وعز الرفيق اللي من الوقت بلشاني
7.ترا شوفتكم عقب البطى غاية المقصود = يزيد العمر شوفة بني عم واخواني
8. واثني تحياتي على الغايب الموجود = لو انه بعيد(ن)عايش بوسط وجداني
9. وانا اظن منهو غاب عن حفلنا محدود = ولولا ضروفه كان قد وصلنا عاني
10. وانا جيت عاني لجل ابارك لنسل العود = واسوق المعاني سوق جزلات وسماني
11. واماري بفعل اهل الكرم والعباد شهود = وسبعين نعم كل ما قيل هدباني

1. يالله يالمعبود علام الاسرار = ياللي جعلت النار برد وسلامي
2. على خليلك يوم ضدوه الاشرار = رؤوس الطغات محللين الحرامي
3. ومن بعدها كتبت من زين الاشعار = واخترت من جزل المعاني كلامي
4. شاعر وأزن كلمتي قبل ما اختار = وليا كتبت الشعر زاد اهتمامي
5. وسر ياقلم قلم على بيض الاسطار = عما يجول بخاطري باحتدامي
6.في لابة لــــهم بالطيب تذكــــار = وتاريخهم بين القبايل وسامي
7. ريعي البلها على كل مضمار = على الخطر يردون ورد الضوامي
8. وحطولهم في شاطئ المجد معبار = وصالو وجالو واحتسو بالمرامي
9. وفي حفلنا كل المناعير حضار = ومن غاب منهم ما يجيه الملامي
10. ما نلحق الاجواد وافين الاشيار = نرقى على العليا على رأس زامي
11. والطيب يبقى للمطاليق مضهار = وألا الردي لو طاب ساسه هدامي
12. ويومٍ بعض الناس للحزب يختار = والحزب هو اساس البلاء بالنظامي
13. وخير العمل ما عم نفعه بالاثمار = وخير الرجال اللي يسد المقامي
14. والحر مثل السيف بالحق بتار = كساب طيب وبالمراجل عصامي
15.وأبا أشكر اللجنة على كل مشوار = اللي على على جمع الجماعة تحامي
16. أقول كلمة حق ماني بهذار = والشاهد الله ما عليه ملامي
17.وليا أعترض لي بالمناقيد ثرثار = صكيت سمعي عن قليل الرحامي
18.اللي على عرض الأجاويد منشار = خاب وخسر لو كان صلى وصامي
19. وحق الخوي والضيف والثالث الجار = واجب علينا يا نشاما لزامي
20. وصلو على المختار بالسر وجهار = نبينا المعصوم خير الأنامي

1. أنا احمد الله واسع الملك ياعبيد = يوم أنتنقل عقب طاعة بطاعه
2. بعيد رمضان وننتظر ثاني العيد = الموعد اللي به نشوف الجماعه
3.راع الوفاء يجيه لو داره بعيد = يقطع مسافات البلد لأجل ساعه
4.الوصل والتأليف سلم الاجاويد = كلش يهون إلا الجفاء والقطاعه
5. فرصة بها نجدد العهد تجديد = ولا معزة ربعنا كل ساعه
6.الشكر لله ثم للعيال الاواليد = قاموا على الواجب بعزم وشجاعه
7.بالجهد والتنسيق والحزم والجيد = يسعون في لم الشمل واجتماعه
8. ياعيال لافي زيدوا البني تشييد = بيتٍ (ن) رفيع وشامخ(ن)بارتفاعه
9. لكم سنام المجد فخراً وتمجيد = والسوق طيبه عند طيب البضاعه
10. وصلوا على اللي وحد الدين توحيد = عسى لنا حظ منه بشفاعه

http://www.youtube.com/watch?v=yaJqn12c5sU