1. هــدبــان لــطبـو الــميـــدان = من دون حرش العراقيبي
2. وكان تلاقو على الفرســان = تفرح بهم شمخ النيبــي
3. والوضح تثني على فرحان = لنه نطاح المواجيبـــــي
4. دون المعاشير فعله بــــان = يرد على الموت ما يهيبي
5. حثلين الا يا ضفهم عجـــلان = كبار العزاوي لهم شيبي
6. ونـاصــر طيــب الــجــذعــــــان = جنبها وسط الاجانــيـــبي
7. وناصر راع العلياء ماهو زملان = يرهي بـهـــا بالمكاسيبـي
8. خلوان لــعــتـــزا خــــلــــــــوان = خلــــوان عطيب المضارييبي
8. ودارع راعي الصفراء صهيل حصان = يجنبهــم عن الذود تجنيبي
9. لا حـــــوَّل بــزيــنــة النـيشــــــــان = طش العشاء لطير والذيبي
10. من ربعتاً كــلـهـــم شـــجــــــــان = طيبهم متعلن على الطيــبـــي
11. بافعالـهـم مـــا ضـلــهــم برهـــان = اقرو يأهل المـــكـــاتــيــبــي
12. غصباً عــلى الــعـــدو الـــزعـــلان = يكتــب التــاريــخ لهديـبـي

1. سلام ياللى فيهم المدح ينقاد = وانا نويت امدح هل الطيب واعيد
2. واليوم لي معكم والافراح ميعاد = يامرحبا بهدبان حرب الصناديد
3. اهل الوفى والطيب من عصر الأجداد = والطيب سلم للرجال وتقاليد
4. فعولهم بانت قديمات وجداد= خطلان الأيدي مبعدين المواريد
5. تفخر بنا كل المواقف والأعياد = والعيد للهدبان سولف عن العيد
6. ربع لنا نفخر بهم فوق الأشهاد = اهل الكرم فريس حرب وواليد
7. وبندر ليا من عد من روس الأسياد = شيخ وذكره فاق سالم وابو زيد
8. ورثه عبيد اللي ملك كل الأمجاد = حيد ومن حيد وورث لنا حيد
9. وسعود وقت اللازمه عز وسناد = قرم وفوق اللي هقينا به يزيد
10. وخالد لنا بالضيق بارود وزناد = وحنا سيوف باليمين وبواريد
11. بالشعر لي نظره ومصدروميراد = واشوش بفعول المطاليق وازيد
12. واليا اجتمعتو فرحت العيد تزاد = وعيد مع الغالين مبروك وسعيد

نشكر الله ربنا المعبود = عزنا بالدين ، نحيا به
صحة وأمنٍ بلا محدود = يا سعادة من طرق بابه
وبعد ذكر الله كريم الجود = لابتـي يا لابتـي لابـــه
عزها الله من قديم عهود = عندك البرهان وأقرا به
لابتةٍ بشيخها معقـــــود = أكثر أهل الفخذ بنصابه
كل صاحب نعمة محسود = حافظوا للعز بأسبابه
التفرق ماهو بمحمــود = ينجح اللي لان لأقرابه
جعل عيد للجماعه يعود = مضفي للعز جلبابه
وفالختام نقولها مردود = يسلم اللي عايد أحبابه