|
ديواني الشعري نايف بن مياس الفريدي ياجاهل التاريخ والهرج مخصوص=عساك تلقا فايده من حصصي انا ادري انك يا اسود الوجه مقروص=خارت قواك ولا يفيد التعصي خصيتنا من كل وجهه وعصعوص=مدري جهل وإلا عناد وتوصي دورت شهره مار زادتك بنقوص=ماشيف عندك للحقايق تقصي حرفت بالتاريخ والهرج مرخوص=مدري تعم الناس وإلا تخصي وش لون تجزم واكثر الهرج مخروص=تاريخنا مرفوع عن كل لصي تاريخنا من ماضي الوقت مبخوص=وإلا انت قبل العام توك تحصي وانا اعتقد لو عندك الحمض مفحوص=تزيد من قول الحقيقه فرصي من ديرة اهل الدين مجلا ومقنوص=تهل عبرات الدموع وتبصي غرتك نفسك واصبح الخشم مفروص=ومن طاح بيدين النشاما يشصي مادام عندك شاهد الزور مرصوص=يبين من بين الحواجب مرصي وحنا نعرف ادواك واضح ومشخوص=مار اركدي يا اهل السواليف واصي ترى الرغيب اللي من الزاد ممغوص=متوقعينه بأي لحضه يغصي كانك تبين دونك استار وتحوص=لو طال فيك الوقت مالك مفصي وان كان به تطبيل راقص ومرقوص=تسطي على الاشناب شذرة مقصي اقول وانطح هايج الموج واغوص=فيه املك المرجان والفص فصي اما تشوص ايديك من فعلتك شوص=وإلا تعال وترتكز بك اخوصي وان طال وقتك تالي الوقت مقعوص=انبيك عن قادم فعولي بنصي |
رد: ديواني الشعري نايف بن مياس الفريدي ياهاجسي عطني من الشعر ماطاب=عليك بدع القاف ماهي صعيبه وان كان له موقف وللموقف اسباب=سوق القصيد ابيع به واشتري به لاصار بالميدان طالب وطلاب=درب الصواب ادوره واهتدي به انا الدفاع ان كانها وصلت اللاب=اسل سيفي باللقا واعتزي به لي لابتٍَ بالحرب تفعل وحراب=لها اسمها المشهود حرب الحريبه يومنها بالسيف قصاف الأرقاف=منزالنا بالعاليات الرقيبه تاريخنا كله تهاويل واعجاب=ياجاهل التاريخ لا تدعي به تاريخنا محفوض عن كل نصاب=ومن شان توضيح الحقايق نجيبه لو كان بصدور الرياجيل ماغاب=شباب واللي بيض الراس شيبه جتنا جيوش الترك من كل الأصواب=وحنا منازلنا على حدود طيبه قمنا وقلنا ماعن الحرب مجناب=نموت عز ولا حياة الغليبه وصفت جيوش العز بالخيل واركاب=نبغى الملاقا مارضينا ضريبه قمنا وولا جيش الاتراك هراب=هذا قتيل وذاك نسمع نحيبه ولاهو جميع جيوشنا ناب من ناب=باق الجيوش بنجد صارت مهيبه وذيداننا ترعى بها خضرالاعشاب=تمشي بحفظ الله لو هي ذهيبه وان صك باب نفك فيها مية باب=ان كان نار الحرب شبت لهيبه حامينها ذيدان وديار وشعاب=ننعم تحت ضل السهوم الصويبه وان كان عج الخيل شهرين ماغاب=لابد ماترجع عدانا مخيبه وكانه حدانا للمواريد طلاب=لابد مانارد عليها غصيبه عدونا لاشافنا ضاع وارتاب=حلت عليه الكارثه والمصيبه لوهو عقيد القوم تنهار الأعصاب=رجليه تبرد بالليال العصيبه وان كان لرجال المواقيف حساب=احسب نويشي والله انه حسيبه ويعلمك وشلون تقدير الأصحاب=يومٍ بعض الناس باق بصحيبه وموكده باكثر دواوين الاعراب=اللي ذبح ربعه وخاله قريبه وان كان جاء للطيب كاسب وكساب=الله خلق له واحدٍ يكتسيبه ويكرم الضيفان ويدسم اشناب=هذاك ابن ناحل عسى الله يثيبه وفعل البلالي لو غلط فيه نساب=افعولنا ماهي علينا غريبه فدا الولد من ضربة السيف ماهاب=خلاه لامه جعلها تهتني به واللي نصانا ضايمه حزم كلاب=وطاه مع ربعه مهونه وسيبه وتجمعو كل الجماعه والأقراب=ومدوا له اللي كاتبٍ له نصيبه واليوم متغير غناوي ولعاب=دارت دواليب الزمان العجيبه جحاد للمعروف خاين ولساب=ماخاف من ربه وتقدير شيبه دام الهدد بين الحديات وغراب=مضلوم ياحرٍ كفوفه عطيبه قدمت موجز ما تقدمت باسهاب=وضحت بعض فعول حرب العريبه افعولنا تبقى على كل مرقاب=وباق القبايل فعلها ما نعيبه والعلم ما يخفى على اصحاب الألباب=مضمونها عند الرجال الأديبه هذا كتاب وباقي كتاب وكتاب=الحبر واجد والصحايف قريبه نايف بن شليويح بن مياس الفريدي |
رد: ديواني الشعري نايف بن مياس الفريدي ان كان ربعك ماتقدر جنابك=وإذا رفعت الصوت ما يسمعونك فرصه تونس خاطر اللي هقابك=طاول على هامتك من كان دونك انطح كبار القوم واحسب حسابك=واعرف طريقك زين فتح عيونك واضرب حديد ولاتقدم عتابك=واحذر هل الضحكات لايخدعونك واستقدم الايام واغنم شبابك=وان قيل صابه جن زود جنونك واترك بقاع الارض واعشق ترابك=واكتب وصيه وسطها يدفنونك تاضع على التاريخ بصمة غيابك=وتفهمك ناسٍ كان مايفهمونك نايف بن مياس |
رد: ديواني الشعري نايف بن مياس الفريدي يا هجوسٍ ليامني بغيته=راق للبال لو ماهو برايق كنه الطير لا صحت ودعيته=خابرٍ عند صقاره علايق عارفٍ قدر طيري ماشويته=من حرارٍ مواكرها عرايق سم جول الحباري لا لقيته=عادة الحر تفريق الشقايق لاطلب تل مسباقه عطيته=كل صيده من اللجه لحايق لاضرب صيدته ضربه مميته=الثنادي يخليها شلايق بين جمع الولع معروف صيته=مارس الصيد في عدة طرايق القصيد ابتلاني مابليته=ما اختلف بين مستانس وضايق وهبة اللي خلقني ماهويته=والتوافيق من رب الخلايق بس انا زدت علمه واحتويته=وامتلك له شهادات ووثايق افهم النص لا مني قريته=واعرف النور من نار الحرايق واتقن القاف لامني بديته=واختمه مايكلفني دقايق نايف بن مياس الفريدي |
رد: ديواني الشعري نايف بن مياس الفريدي هذي قصيده موجهها الى الشاعر غازي بن مغيران الزغيبي ياهجوسي ساعديني لا تهيض بالي=وجهي جملة بيوتٍ بالصخر منحوته للصحيب اللي بقلبي له مقامٍ عالي=يمه الابيات من بد البشر منعوته مانسوق لراعي الجزلات غير اجزالي=كنها في نون عين عقاب تشبه نوته يالزغيبي لو رفعت الصوت في موالي=ماتسلي ضيقة الزعلان جرة صوته دامها يا ابو طلال بشمخ الاطلالي=من يلوم الشامته بالعالم المشموته الخطاء عم العرب ماهو علي لحالي=كيف راع القدس يجر لليهود بيوته قول اقوله مار فيه اقوال ماتنقالي=واللبيب اللي يعرف العلم صعب اتفوته إن تركت الحبل بالغارب بفجٍ خالي=تيتعود الذاهبه وخروجها مكتوته ودنا قبل القصاير لا تصير اطوالي=وقفة منها المحيط يموت وسطه حوته والمطر لو كل وادي من هميله سالي=مايفيد القاع في غير الوسم ووقوته الحمول الكايده تبغى جمل يشتالي=ماتبي صوتٍ رفيع ونبرة مخفوته وانت من روس القبيله باللقاء خيالي=فيك من عزم الجمال ومن طويق اثبوته نايف بن شليويح بن مياس الفريدي |
رد: ديواني الشعري نايف بن مياس الفريدي لقيت نارِ تشتعل دون دخان=ونارِ بلادخان ماهي خطيره كنت احسب ان اللي على النار دفيان=وليا سناها مايدفي حضيره الناس كلِ في خياله بليهان=القرم حلال الامور العسيره ويعد نفسه من طحاطيح شجعان=قطاع نطاح الخيول المغيره ولو وزنته مارجح فيه ميزان=ترجح على الميزان حبة شعيره انا اشهد انه مثل طير ابن برمان=ومشهور ابن برمان من فعل طيره تتطاول الاقزام في تال الازمان=الله ولا طول اليدين القصيره ابا اتغاضى دونهم قدر الامكان=والاجر في حقر القلوب الحقيره وقد قالها من قبلنا الشيخ راكان=الصيرمي راع الفعول الشهيره ماقل دل وزبدة الهرج نيشان=والعلم يكفي صامله عن كثيره نايف بن مياس |
رد: ديواني الشعري نايف بن مياس الفريدي الهوى غير طريقه واستدار=الهبوب اليوم ماهي صافيه بدلت نود النسايم بالغبار=وابتلشنا بالرياح السافيه واختلف جو المدينه والديار=مرةٍ تبرد ومره دافيه واعلنو توقيف رحلات المطار=لا تغادرها ولا هي لافيه كثروا الركاب والحجز انتظار=والكباتن بالمضاجع غافيه والاداره لاخطاب ولا قرار=لاتئدها ولاهي نافيه وان حجزنا بالتكاسي والقطار=وقتنا مافيه مده كافيه من يشوف الدرب قدامه شرار=كيف ياطا بالرجول الحافيه وان وطيناها على شان الشعار=تستحق الرايه الرفافيه ياعساها كل يومٍ في عمار=ابعدوها عن يدين المافيه وان تكلمنا نبي رد اعتبار=ولعت نيران كانت طافيه كل واحد في طريقك شب نار=والنتيجه ضامنين العافيه التجاوز في نظامه من يسار=والعرب زحمه على الاكتافيه يدرس السواق قبل الاختبار=لوحة التوجيه والمعطافيه والدروس اللي تعلمنا كثار=ماتجي ربع العلوم الخافيه ماتعلمنا بتعليم الكبار=الدروس اللي كسبنا شافيه ماندور للسوالف مستشار=ولا عرضنا العرف للعرافيه مافرضنا فوق هالعالم حصار=كل فرصه بيننا متكافيه ولامعي تصريح حق الاحتكار=ناس قدامي وناس خلافيه ما انظر العالم بعين الاحتقار=وامتلك دون الضعيف اعفافيه وان سبحنا وسط غبات البحار=ماندور بالبحر مجدافيه وان مشيت امشي على وضح النهار=وان وقفت آقف على مشرافيه للقرابه عندنا عز وقار=نحتميها بالبشوت الضافيه وكان راع الهرج هون واستخار=في فعول الطيب نجزى الجافيه قلت ماحرك هجوسي باختصار=وان سردنا ماتشيب القافيه باسمي المعروف ماهو مستعار=تحت تقديمي وتحت اشرافيه نايف بن مياس الفريدي |
رد: ديواني الشعري نايف بن مياس الفريدي هب البراد وراح وقت اللواهيب=وصار الفرج عند المولع قريبي دار الزمان وتطلع الشمس وتغيب=العمر يمضي والزمان ايعدي بي بالصيف كني محكمٍ بالكلاليب=هوجاس يقداني وذاك يغدي بي وكتبت عن ماصار وجهه وتعقيب=ولاني على الماضي كثير النحيبي لوكنت شايم عن دروب اللواعيب=اخذت بالميدان قسمة نصيبي مالي ومال مزودين المشاهيب=اللي بهم شكه وطبعن مريبي اللي فعوله ماتعدى الاطانيب=وان صملت صارت صياح وطنيبي ويقول بانه ذيب يقنب معه ذيب=تسمع لنا في كل وادي قنيبي وفزعاتنا غطت على الزير وكليب=ويقول له تاريخ واصلٍ عريبي ويقول حنا حافضين المواجيب=ياما وردنا كل عد وقليبي وان عدت للتاريخ يا فرية الجيب=ناديت والتاريخ ما يستجيبي ماحسبو للقادمه والعواقيب=ولا هايبين اللي علينا رقيبي ولالهم عندي حقوق ومطاليب=ولاني شماله فوق ديس الحليبي كلامهم من دون منطق واساليب=شفنا عجبهم بالزمان العجيبي اهل البشوت اللي بليا مناصيب=كلٍ يرى نفسه فهيم وخطيبي اهداف ماتعرف ولامن تسابيب=لا ناشدٍ عنهم ولا بان شيبي لو لا مخافة يفرحون الاجانيب=لا اضرب وانا مضراب سهمي عطيبي وان قلت صغت القول من دون تنقيب=لاكن ماني للضعيف حريبي عن دربهم قررت لفه وتجنيب=عنهم براري نجد تبري لهيبي سويت للمقناص جدول وترتيب=وكملت باغراضي وجهزت جيبي وخاويت ربع اللازمه والتراحيب=اهل المواقف بالنهار العصيبي من بينهم مافيه ضيف ومعازيب=ولا فيه ذا خالي وهذا قريبي اللي لهم في كل ديره مضاريب=خلف الحباري قاطنات الشعيبي خوت رجال العرف كل المكاسيب=واهل الردى نضرب عليهم صليبي نايف بن مياس الفريدي |
رد: ديواني الشعري نايف بن مياس الفريدي يازمانٍ مختلف والناس ماتعرف دهاليز اختلافه=وان بحثنا للنتيجه مالقينا وان نشدنا الناس قالوا من خلفنا والله اني سامعٍ بان الخلف خير السلف مثل الطرافه=وان بقينا ماحفظنا الدين سال السيل والوادي جرفنا واختلاف الراي ماهو من عيال اليوم قيل انه على وقت الخلافه=تاصل الاخبار عن كل القرون اللي مضا تفصليها والناس تفنا تكبر الاجسام عند الناس لاكن القلوب اللي نبي زادت نحافه=وانشدو يزيد وش سوى الترف بالناس واتعضو ولدو في ترفنا راح مضمون التسمي وامة الاسلام نسمع باسمها عبر الصحافه=مانعيش إلا على وهم المسمى وان تاملنا خيال العز شفنا لانقول لحافنا يقصر عن الرجلين كلٍ يقتنع ياخذ لحافه=يادفنا الذل قدم الناس وارتز العلم فوق الجبل وإلا اعترفنا نايف بن مياس |
رد: ديواني الشعري نايف بن مياس الفريدي هذي قصيده قالها الشاعر سلطان الوسيدي بمنتدى الفرده وتقديرا لشخصه رديت عليه هو يقول ياهل الوفا منتداكم سيرته سيره=ياخذ هل الشعر من شاشه اليا شاشه يفرض على أهل الشعر وذوق تقديره=وقوما على ماضيا كد فاة معطاشه من مر في منتداكم كنه ابديره=سكانها لابة بالطيب شواشه ولا فيه روضا به الأ في نواويره=يلفة نظر من يمره في تنعواشه لو هو غريب الوطن مايشكي الحيره=ماكنه ألا المسمى حضرة الباشه ذا حد قولي ونا الي غير ماعيره=ادخل على اللي يغسل القاع برشاشه وكلا على غايته يبدي تقاريره =ومن لا عرف مافرق صبحه ومغباشه ياطيب من كان ذا عرفه وتفكيره=فكره وعرفه ايخل الروس منداشه معجب ونا أول مشجع من جماهيره=واللي بنا قمته كل الضفر حاشه ونعم بعيال راشد كلمه آخيره=ربعا على أمجاد عز وطيب معتاشه ذا قول من لا تبجح في معاذيره=ياخذ جزيل الشعر ويخلي أقشاشه يختار والخير عند الرب والخيره=وليا بغى القاف يصخر من بحر جاشه أخوكم ومحبكم : سلطان عبدالله الوسيدي وهذي ردي يامرحبا من غمرنا في تعابيره=يستاهل الطيب من جابه ومن حاشه ابداع بالمفرده وابداع تصويره=كنه يفتش عن الابداع منقاشه هذاك سلطان لا قلناه ماغيره=عساه ماجور في حله ومطراشه من ساس قومٍ تعرف الطيب والجيره=ولها مواقف نهار الكون بطاشه عزالله انه يبي يارد على بيره=يارد على البير والعدوان منحاشه مدحت في منتدانا زدت تنويره=ماكنه إلا حليب النوق بغراشه كله من الله توريده وتصديره=ثم العمل في قلوبٍ كنها الشاشه واقول يامرحبا واعيد تكريره=والمنتدى بانتظارك ولع فلاشه نايف بن مياس |
رد: ديواني الشعري نايف بن مياس الفريدي يا غاية المطلوب ياداي ودواي=ياغايةٍ تضفي على كل غايه يا ضيقة الخاطر وهمي وسلواي=انته نظر عيني وسبة عمايه ناديتني وانا لفيتك من اقصاي=لملمت احاسيسي وجيت بعصايه واستبشرة في نية الوصل دنياي=ولاحت بروق الخير وامطر سمايه ذود الغلا كمل تواليه بحماي=غزيتني واعلنت للغزو رايه فرحت في مغزاك واهديتك ارشاي=شوفك يكفيني ويروي ضمايه من قبلكم وانا مع النجم سراي=اقل ما يوصف عن الحال تايه ماخيب الله فيك عزمي ورجواي=تسارعت من زود حبك خطايه مديت لي يمناك وامسكت يمناي=الله لا يكتب لحبك نهايه قصة غلانا يتعض فيه قراي=في سيرة العشاق تصبح حكايه نايف بن شليويح بن مياس الفريدي |
رد: ديواني الشعري نايف بن مياس الفريدي هذي قصيده نشرها الشاعر نواف بن هلال يسندها الى ابن عمه وعدة اشخاص وقد طلب مني الشاعر نواف بن هلال الرد عليها رغم انه لم يذكرني مع من اسند عليهم هو يقول يامحمد الدنياء تجارب وميدان=وكلن بهادنياء يدور حصيله وانا تحصلت العقوبه مسيان=من روس ربعٍ يحتمون الدبيله يوم ارتكز رمح الغلا بابن نومان=سهماً رماني من ايدين الجليله شفني من سهوم الهواء طحت مرضان=لازم خويك يامحمد تجيله قم واركبه تكفى على بنت شقران=حمراً خطاها يامحمد طويله قبل يجونه بالمساء جيش الاخوان=يتلون ابن حماد شيخ القبيله شيخاً يبين به السطر وين مابان=تركز له البيضاء براس الطويله عيال راشد يوم روغات الاذهان=يوفون لابار العميل بعميله تعرف مواقفهم على مر الازمان=ماهو مجرد عرف يومٍٍوليله قلته وانا متنحرٍ طير حوران=يزي نياقه من قراح الثميله منصور مع عظم العرب وبن جضعان=وابو زوايد راح معهم دليله قولوا لبو يارا سلايل كحيلان=ترا سبب بلواي شقراء جديله عنق المهاه اللي تقل عين شيهان=تركي على كبد المعنى مليله ولاني بجابانٍ ولا ولد جابان=بس التقيد بالمذاهب فضيله مذهب هل التوحيد ذربين الايمان=وانا حفيد اهل العلوم الجميله الى متى سجن القوافي والاوزان=في خافقٍ بين الظلوع النحيله اليوم يامحمد فهد كان ماكان=في صفحة كتاب الف ليله وليله يلين ضلع طويق والراس مالان=اما تشيل الحمل والا نشيله ورديت عليه بهذه القصيده يا مرحبا فنان فنان فنان=صغت البيوت النادرات الجزيله الكامل الله وانت من دون نقصان=حطيت لك تاريخ ما احدٍ يزيله عديت يا نواف بطويق وآبان=في قمةٍ عن غيركم مستحيله انا اشهد انك حر مخلب وجنحان=ماخاب قناي الحرار الاصيله وانا اشهد انك بالمواقف بليهان=لاقام واشتال الحمول الثقيله تابعت كل احداث غزه ولبنان=وتابعت تجريح الزميل بزميله متسوطنه بالقدس واخرى بجولان=ياديرت الاسلام يالله عقيله متاملٍ في قادم الوقت عقلان=وانا دخيل الله وانته دخيله انا يا ابو وافي من العام زعلان=الكبد يا نواف مبطي عليله وشلون تلقا لون من كثر الالوان=والطيف سبع الوان وانته تخيله بغداد منبتها على جال نهران=الكل منهن مايوقف مسيله واللي مساقيها شغايا وغدران=بشر خضار ازروعها بالذبيله والحقد والغيره من اطبوع الانسان=خصٍ ليامن شاف خلفه كفيله خلك حكيم الراي من راي لقمان=وايوب صبره بالليال المهيله واللي يقدم حجته دون برهان=مرضان والمرضان خلو سبيله الليث ما يضحك ليا شفت نيبان=احيان تكفي ما يقابل قبيله لابد ما نبقى حمايه للاوطان=حي الوزاره يحتمي خنشليله نايف بن مياس الفريدي |
رد: ديواني الشعري نايف بن مياس الفريدي تهت يالتايه وضيعت الدليل=لاتطاول ماتطولك الكتوف تحسبٍ انك شاربٍ من سلسبيل=مادريت انك على بيرٍ جفوف الضماء قافيك ماتلقا مقيل=ما حسبت الوقت يوم انك تسوف لاتدس الراس وتشب الفتيل=تمتلك وجهين والعالم تشوف عشت بالدنيا على قولٍ وقيل=ودك ان الناس حاذف ومحذوف لالمحت الضول شمرت الشليل=وانت ماتقدر على سل السيوف ماتفرق بالاصيل من العصيل=تدعي بالدين وتدق الدفوف لاتقول انك على العالم وكيل=ادري انك هيكلٍ من دون جوف شفت خرج الراحله مابه حصيل=والجدا تفرك براحات الكفوف عن دروب الناس دور لك سبيل=والله اللي يشتكاله بالضروف كان تبغى العلم والراي النبيل=والله انا ماحسبنا للضعوف مانلد العين بالهرج الهزيل=وان وقفنا ننتف الشارب نتوف وان تكلمنا وقدمنا الدليل=قالوا العربان فرقت الصفوف الامر لله والصبر الجميل=يرضي الزعلان لا صار امخلوف نايف بن مياس |
رد: ديواني الشعري نايف بن مياس الفريدي وراك يالغالي قطعت اتصالك=وانا من اول عيشتي نبرة الصوت مافيه رنه زي رنة حبالك=اسلوب مع منطوق واضح ومخفوت يعكس مدى حبك بقلبي جمالك=حطمت من زينك تواريخ بيروت لاهم بني عمك ولاهم خوالك=غدير يطلع به زمرد وياقوت ليتك صفيت لقلبي اللي صفالك=اسمك عليه من اول العام منحوت متى على الله نرتوي من خيالك=تروي ضما قاعٍ من العام موقوت وان كان بالقادم خطرنا ببالك=تراي محبوبك الى سكرة الموت نايف بن مياس الفريدي |
رد: ديواني الشعري نايف بن مياس الفريدي هذي قصيده قلتها بمتكتوب طير الاخ الصديق / سلمان العطيشان بعد ن لحق به على حبارى عقب طيور وجابها وحلف بعد القصيده ان يموت عنده مايبيعه ابد وفعلا مات عنده بعد ثلاث سنين من القصيده مكتوب لا يعرض على كل طماع=ويكفيه عين اللي قليله وفوقه يروع معه القلب لااطلب ولا لاع=سم الخريش اللي تبا الغيم عوقه ماهو بلا راكد ولا هو بطلاع=لاكن ليا طارت وفكت سبوقه يحرم عليها ماتعدي من القاع=إلا وشلال الدما في شدوقه راعيه سلمان العطيشان له باع=باعه طويل ووافيٍ في حقوقه صقار صيته بين كل العرب ذاع=حب الصقاره ساريٍ في عروقه بالطير والمقناص والذود مولاع=متشاركٍ بالقلب طيره ونوقه وله مجلسٍ تلقا به الناس جماع=لم الجماعه والاصاحيب شوقه بينت ما شاهدت بالعين باقناع=والشاهد الله والضماير صدوقه نايف بن مياس |
رد: ديواني الشعري نايف بن مياس الفريدي يا سلام الله مادام الحق شعشع نوره=والله اللي يهدي الغاوين نعم الهادي كل واحد يا خذ اللقمه حسب حنجوره=لاتطوف ايديك يا هذا الفتى بالزادي ومن يشوف انه تعلى يخدعه ناضوره=يحسب انه فوق بالقمه طلع بالوادي ومن يقول انه هو الفنان ملك الكوره=والله اني لاخذ الهداف يانقادي ينكشف لا ولع الدوري قدم جمهوره=والنهايه موقعه معروف باب النادي البليد اللي تعذر يمسح السبوره=الله اللي يعطي التوفيق حضه رادي ماجهلنا بالسوالف كلها مخبوره=لاتقول اللي يشب النار غير ازنادي لو شهد له بالنزاهه جاره السنيوره=خابرينك ماضي الايام يالموسادي والله مانداري خطراً مكسوره=من يقول ان خاطره مكسور عندي عادي ومن يعدي تالي الايام بالمقصوره=يستحق انه يمثل ديرتي وابلادي نايف بن مياس |
رد: ديواني الشعري نايف بن مياس الفريدي ياللي دخلت القلب مافيه حارس؟=هذا حمى للناس لا تستبيحه قلبي شديد وهايبه كل فارس=خارت قواه اليوم وانته نطيحه تحطمت قدم العيون المتارس=والضحكه اللي كملت في مطيحه العب وفي محمية القلب مارس=ياريم لك ضله وتينه وشيحه لاحر في جوه ولا برد قارس=فيه السعاده والحياه المريحه درستني بالحب مثل المدارس=وريتني جور الليال الشحيحه عنتر يعد من الدهاه الاشارس=راحت حياته تحت كف المليحه وان كان يجني كل زارع وغارس=انا تكفيني من الورد ريحه نايف بن مياس |
رد: ديواني الشعري نايف بن مياس الفريدي وهذي بالاخ / منصور الوسوس المشرف العام على منتدى الفرده التحيه تقدم لابو يارا=عز من يعتزي به بالشدايد دون ربعه من الناس الغيارا=واحترام القبايل والبدايد انتهج درب جدانه وسارا=والمدايح تقلدها قلايد التواضع على صدره شعارا=تحت ربه عن الاقران زايد مانوفيه حقه باختصارا=صدق من قال بالضلعان نايد انت منصور دايم بانتصارا=رايدٍ في سماتك وانت رايد جتك مني تحيه واعتذارا=تدري اني على سلم وعوايد والمجادل للاخلاق اختبارا=مايزعل وسيعين البنايد والتفاهم يزودنا وقارا=والنتيجه مع الراي المحايد ماعلى السفن من موج البحارا=ولا على طويق من هب النوايد داجي الليل يجليه النهارا=والبراهين ميثاق الوكايد وانت حرٍ تكفيه الاشارا=مرضي الناس يا منصور كايد نايف بن مياس |
رد: ديواني الشعري نايف بن مياس الفريدي يازين ليه الغياب-كنا بكم واثقين=صدقت بي زورها فكيت للهجر باب -يافرحت الشامتين=ساهمت في دورها هذا عقاب الثواب -ارحل يا ابو نيتين=نفسي وذا شورها موعدك يوم الحساب -لابعثو العالمين=تلقاه بسطورها الحب ذنب وعذاب -قد عذب الاولين=دنيا ومعمورها يهاب من لايهاب -حتى امهر السابحين=مايعبر ابحورها يا ما تبعت السراب -ضميان والعد وين=ماطلت غيورها ضيقه وزود اكتئاب- مافيه مستانسين=الشوك بزهورها شيبت وانا شباب -عشرين نص اربعين=مابان مستورها ضنيت والضن خاب -وصفقت بالراحتين=الناس ياجورها يابخت من عنه تاب -واصبح من الواعضين=للناس ويزورها واصدر بدوره كتاب -يا معشر العاشقين=من مات معذورها نايف بن مياس الفريدي |
رد: ديواني الشعري نايف بن مياس الفريدي سمعت صوت الحمام اللي ينوح الصباح=وذكرت حبي قبل عامين باسهابته كنت احسب انه على ماقيل لاراح راح=واثر المحبه على طول الزمن ثابته ماعاد تثر عليه التعريه والرياح=والشمس ماغيرت من لون جلبابته الصاحب اللي غزى قلبي وصار اجتياح=لقا الدفاعات هشه قدم دبابته رفرف علم حبنا وياه لاكن طاح=وانا احتفظ في عهود الود بكتابته واليوم عايش بعصر العولمه بانفتاح=كن االبشر كلها من فوق سبابته ياليت جرح المشاعر مثل جرح السلاح=يعرف علاجه ويعرف داه واصابته ياصاحبي دوك همسه لو قطعت القراح=شجرة غلاكم بقلبي نابته نابته نايف بن مياس الفريدي |
رد: ديواني الشعري نايف بن مياس الفريدي يامنتدى ربعي لعلك بالوجود=ويدوم عزك تحت كنف القايمين ابحث عن اللي فيه خير ومنفعه=حرب التفرق لاتدق اطبولها حنا ترانا تحت ضباطك جنود=واقولها واطق باذن المشرفين حكم ضميرك لا تخش المعمعه=والناس خاطبها بقدر اعقولها لافرق بين اهل القرى واهل النفود=مادامهم تحت الكريم موحدين وسدير تيتبقى بجنب المجمعه=والدار ماتعمر بغير ازحولها ماعاد بالدعوى رسوم ولا حدود=كل السوالف مثل ما انتم شايفين واللي يشوشر علمه لا تقمعه=القامه العليا يماري طولها والذيب ما يقدر على نطح الاسود=لاكن ماهو هايب من ابا الحصين والبس بالفاره يحصل مطمعه=ياليت كلِ يفتهم مدلولها اخذت لي من دورة الدنيا بنود=ان الليالي كل ابوها ليلتين يبي يجي لك ضيق من بعد السعه=لابد ماتسمع صهيل اخيولها هذا الكلام اللي على قوله شهود=ويشهد عليه الله خير الشاهدين ركز على فحواه ياللي تسمعه=وامش بتقاليد العرب واصولها واللي يبي ينثر من الماسه عقود=نسمع كلام الفاهمين العارفين اللي يوقع بالهدف ما يرمعه=له بندق ترمي وتجدع جولها وانا سعوديِ تحت حكم السعود=اهل العداله حاضرين وسابقين وضحت مقصودي بقيفان اربعه=واعلنتها يالنايمين اصحولها نايف بن مياس الفريدي |
رد: ديواني الشعري نايف بن مياس الفريدي وهذي باحد السنين مع بداية المقناص موجهها للاخ سلمان العطيشان يالله ياللي ماخفتك الخوافي=ياللي فديت بكبش عبدك اسماعيل عطني على ضني وعزة عفافي=واجعل طريق الخير قدمي تساهيل ومن بعد ذكرك زان بدع القوافي=وركزت تفكيري لبدع التماثيل واسنت للي ريف من جاه لافي=هيف السمين اللي يقلط من الحيل بالموقف الغصاب فعله يشافي=لاقلت الشيمات بين الرياجيل سلمان لامنه هبى كل هافي=حلال ما يصعب حفيد الحلاحيل يا مسندي والصيف قفى وطافي=عقب السموم اللافحه برد الليل غير المولع مايشوف اختلافي=واهل القنص تفرح ليا بين سهيل لشملت خليت المدينه خلافي=لرضٍ عليها لاح برق المخاييل ارتاح في جيانها والفيافي=يالله عساها باول الوسم للسيل ارضٍ بها برق الدواغر تشافي=ولاهي لغير اهل الصقاره مداهيل وبين المراتب شلت لي حر وافي=افجح قصير الساق ضافي سراويل منه الحبارى ماتشوف العوافي=يلحق ليا صارت كبر حبة الهيل وليا وصلها صكها بانحرافي=بالصايدين اللي سوات المصاقيل ثم اعتلى وانكس لها باحترافي=واجهز عليها وافترس طيب الحيل واليوم طاب ولا بقى مايضافي=إلا المعشى واجتماع المشاكيل جمعة وفاء لاهل النفوس الخفافي=والكيف دار وزان جو التعاليل هذا منى قلبي وهذا شفافي=لو قيل مالك بالصقاره محاصيل ياللي تذمون الصقاقير كافي=مانتم على ذريتي آدم مكافيل قد قلتها واعلنتها باعترافي=اهل الولع مايسمعون العواذيل واسلم وسلم يالرفيق السنافي=لو مانعزك مانصتك المراسيل نايف بن شليويح بن مياس الفريدي |
رد: ديواني الشعري نايف بن مياس الفريدي البارح الفكر مدري وين وداني=في كل وجهه هواجيسه يسجنه هوجاس يقفي ويقبل واحدٍ ثاني=والقلب خارت عزومه يوم دكنه والحي هادي وكنه دون سكاني=ماغير نور القمر كنه ولا كنه وين انت ياللي على لقياه مناني=بين عليه التعجب لاضحك سنه لمحت رمز المحبه وسط الاعياني=تنبي عيونه عن الخافي ولو كنه عطشان ضميان مابليت شرياني=وزمول شوقي على وصله لها حنه لوهي على نهر دجله كان ما ارواني=لو كل حزه يمرنه ويردنه ماغيره احدٍ هويته والعمر فاني=لاكن عسى الله يعوض العمر بالجنه نايف بن مياس |
رد: ديواني الشعري نايف بن مياس الفريدي لبيه يامسهرت عيني ودارك بعيد=ماعاد عندي تعدي نشرة الاقتصاد حذفت في نظرت عيونك شبابيك صيد=وشبكت حرٍ مضريه الزمن للهداد كل ماتنتهي نشرتك ليتك تعيد=ودي امعن بخلق الله وفرق العباد المؤشر يراوح وانت عندي تزيد=مثل غلا نور عند مشجع الاتحاد وش جدى من تولع فيك غير النشيد=فيه تخفيف ضيم الوقت والاضطهاد فيك معنى القصيده وانت بيت القصيد=وانت جبر الكسور وناقد الانتقاد وانت منبر بتاريخ الجمال المجيد=وانت شهرتك فاقت حاكمين البلاد واختلاف الروايه شي ماهو جديد=كم سمعنا رواية طارق بن زياد |
رد: ديواني الشعري نايف بن مياس الفريدي يا عذاب القلب ياهمه وغمه=يا دمار الحال زلزلتوا ركونه منك يانور القمر لحظة متمه=القمر يشبهك في شكله ولونه رونقه جذاب والنيران فمه=مبسمه ذباح والبلوى عيونه جسمك المبروم سبب لي مطمه=اشهدٍ لله في خلقه شئونه واشهد انك بالهوى مافيك ذمه=من وقع في حبكم ماترحمونه سهمك المسموم عم الدم سمه=بانتظار العطف منكم تحتوونه شفت جرحك لد في جرحك ولمه=الدكاتر من سنين يضمدونه وانت معك دواه لاكن مانت يمه=بالتعامل ليه ماعندك مرونه الدواء بيديك ياكيفه وكمه=وانت دكتور الهوى تعرف فنونه الجبل لو شاف زولك صاح صمه=ليتكم من فوق صخري تنحتونه حطوا اسمه واكتبوا فتحه وضمه=ضمه التاريخ لو طالت قرونه سيرة العشاق للعاشق مهمه=قادم الاجيال يمكن يدرسونه نايف بن مياس الفريدي |
رد: ديواني الشعري نايف بن مياس الفريدي يا كبير السن مدري يا صغير=من عرفته ماتغير في صفاته كم وصل عمره وشكله ماتغير=ماخبرنا جيل بالاجيال فاته في وصوفه وقف الشعر وتحير=كن قدمي سيف عنتر واستماته الجمال اليوسفي عنده مجير=في عيوني غيره الله لا شماته لا يشبه في حلا الريم المذير=اشهد ان الريم ياخذ من حلاته عام قبل العام في حكمه مسير=في وعوده همة القلب وعزاته واخر الاخبار ذكرته يسير=زاد فقر الذيب وإلا ياغناته يامنير العمر عمره ماتنير=من قديم الوقت تطحنا رحاته وان ذبحني علموا به كل خير=يرفع الكفين لا خلص صلاته التسامح زين مافينا تطير=يسعد القتال في باقي حياته بس في موضوع لا يمكن يخير=يعتبرني واحدٍ من ذكرياته |
رد: ديواني الشعري نايف بن مياس الفريدي لا اقبل الليل والنسناس هز الجريد=ياوجودي ليا لجت عصافيرها يجتمع بي قديم الهم ضمن الجديد=دورة الوقت تستفزع دواويرها ضلمة الليل للعشاق ساعي بريد=والشتاء زاد مدتها وتطويرها كل ماجبت بالتفكير رايٍ سديد=سابقته الجنوبيه معاصيرها غيرت وجهة الربان عما يريد=لو يحاول يجاهدها على سيرها |
رد: ديواني الشعري نايف بن مياس الفريدي صح لسانك يانايف مبدع .. |
| الساعة الآن 11:19 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir