|
ديوان الشاعر عبدالعزيز راشد السدحان السلام عليكم ورحمة الله وبركاتة من دواعي سروري أن افتتح موضوع ديوان أبن العم العزيز على قلبي عبدالعزيز بن راشد السدحان ايها الأخوه .. ستجدون بين طيات هذا الديوان ما يشبع ذائقتكم الشعرية عذوبه وجزاله أترككم مع شاعرنا لينثر قصائده في صفحة مجالسنا |
رد: ديوان الشاعر عبدالعزيز راشد السدحان بسم الله وان كنت من المقصرين في التواصل في منتدى ربعي اولاد راشد الا اني وبلا شك افخر باالمشاركه ولكن اناعندي مشكله مع الانرنت بشكل عام فأنا كسول جداا باالنسبه للمشاركه وكنت اكتفي دائما بقراءة مايطرحه اخواني من مواضيع واراء وقصائد واستمتع بها هنا سااضع مالدي من قصائد وسوف ابدىمعكم بااخر ماكتبت ان كانك ملزمه تمشين طيعيني=بااوصًلك بس باالرجعه تجيبيني وانابرجعك لاجيتي معي وانتي=في ذمتك مثل ماجبتك ترديني ياشوق مهما يكلف وصلك الليله=ماني مخليك وانتي لاتخليني وان كان حتن الفراق الصبح محلوله=باخذك من قبل لايطلع وخوذيني دوري معي قبل نورالشمس نسبقها=في ليلةٍ مستمره يانظرعيني ليله طويله مهي ليله طبيعيه=الليل هذاء الطبيعي مايكفيني اراقبه لجل مايسري وفي لحظه=غفلت عنه وسرى وانتي تحاكيني كلمه تقولينها وعيوني بعينك=وكلمه تقولينها وانتي تخاليني قصرتي الليل ومقصرةٍ بصوتك=ومقصره قبل هذي كلها فيني شوفيني اقولك بدري على المسرى=وانتي تقولين لي ماعاد يمديني اسألك باالله وين اروح لا رحتي=كل الاماكن كئيبه لاتركتيني جربت فرقاك في ليل الشتاء الماضي=كادت تقطع من اللوعه شراييني الليل بعدك بدى متكاثف الضلمه=ماكنه الا انتبه لك يوم تقفيني والجو يبرد زياده والهوى تسكن=تمسك عن اللعب باوراق البساتيني والكرسي الجانبي باالشارع الموحش=ابتعفى عليه ولا يعفيني قامت عقب مامشيتي تبعث اطرافه=ماضيعت من بقايا عطرك يديني والضو فوق السياج اللي عن الكرسي=يبعد بمترين واشجاره تغطيني يخفت ويخفت وينفذ نوره الهادي=الحزن عم المكان وبين جنبيني حزنٍ ملى خافقي لين اودع دموعي=مهراقةٍ فوحت من فوق خديني ابيضت عيوني من الحزن بغيابك=والليله ارتد طرفي يوم جيتيني وشلون تمشين وين اروح لارحتي=خليني اروح معك ولا تخليني انا اعشقك عشق مايستحمل الفرقاء=ديني ودين الفراق ودينه وديني |
رد: ديوان الشاعر عبدالعزيز راشد السدحان حياك الله اخي شاعرنا القدير عبدالعزيز ونحن ايضا نتابع ونهتم بما يقع في ايدينا من قصائدك ونشكرك ان اتحت لنا ان نجدها هنا وبين طيات مجالس العز والشموخ التي تطاول السحاب بإبداع ابناء الفرده شعرا ونثرا وانت منهم والشكر موصول لمشرفنا الفاضل ابن سدحان على فتح هذا المتصفح وسيتم اضافتك الى مجموعة شعراء الفرده الذين نفتخر بهم |
رد: ديوان الشاعر عبدالعزيز راشد السدحان شعر يحرك الشجون |
رد: ديوان الشاعر عبدالعزيز راشد السدحان الـعــلــم يـبــنــي بـيــوتــاً لاعـــمـــاد لـــهـــا=والـجـهـل يـهــدم بــيــت الــعــز والـطـولــه وشـلــون لاصـــار عـلــم وبــيــتٍ مـشـيــد=لـه فـي دروب المـراجـل صـولـه وجـولـه عـــــــزالله انـــــــا جـمـعـنــاهــا وطــلــنــاهــا=لــــو إنــهــا حــاجــةٍ مــاهـــي بـمـطـيـولـه الطيب موروث فـي ربعـي مـن اجـدادي=رجـالــهــم وافـــــيٍ فـــــي فــعــلــه وقـــولـــه والـعـلـم سـايــر ولـــد عـمــي تـكـفـل بــــه=خـلـى هــل الـعـلـم يـــوم الـعـلـم مـذهـولـه انــجــز لــــه انــجــاز حـيـرهــم ونـومـسـنـا=لـيـن بصمـولـه عـلـى العـشـره وصفـولـه وإنــجـــازه الـــلـــي نـمـاريــبــه ونـفـخــربــه=مـن قبـل يحـسـب لـنـا محـسـوب لـدولـه الـعـبــقــري الـمـحــنــك يــســلــم دمـــاغـــه=حــل حــل لــه معـادلـه مـاهـي بمحلـولـه عــبــاقــره يـجـهــلــون الـمـســألــه قــبــلــه=ومن عقب ساير غدت ماهي بمجهوله صحيت لـك هاجـسٍ كـد مـل مـن شعـره=لاطــيــر الــنــوم عــنـــي قــلـــت وشــولـــه والــيــوم مــانــي بـنــايــم لــيـــن اكـمـلـهــا=ان كــان مـانـي بـلــك سـهــران منـهـولـه يحـق لـي يـوم اقـول الشعـر فـي سـايـر=طــالــب يـعـلــم اسـاتـذتــه مــــن فـعــولــه لـو حولـه النـاس تـدرس مثـل مايـدرس=الــحـــق يــنــقــال والله مـــاهـــم بــحــولــه بينـه وبـيـن اقــرب منـافـس مــن اقـرانـه=دربٍ يـبـي يتـعـب الـلـي يسـلـكـه طـولــه لــنــا الـفـخــر والـفـضــل لله ثــــم لــواحــد=الـلــي لـــه الـفـضـل بـعــد الله بـوصـولــه عمي عسى الله يطول فـي عمـر عمـي=اللـي علـى الطيـب قبلـه متـعـب رجـولـه الـطـيّـب الـلــي مـاهــو مـتـصـنـعٍ طـيـبــه=نفـسـه عـلـى طـيـب الاخـــلاق مجـبـولـه مـن جـد قالـو وجـد واللـي زرع مخلـص=يـبـيــض الله وجــهــه يـــــوم مـحـصـولــه وخـتـامـهـا بــاقــيٍ لـــــي بــيـــت لاقـلــتــه=عـلـى وجـيـه الحـضـور يـبـيـن مفـعـولـه تـرى الوفـاء والصخـاء والطـيـب والـخـوه=والاصــل والفـصـل هــذي تعـتـبـر جـولــه والـعــلــم والـمـعـرفــه والـبــحــث وفـنــونــه=مـع ذيـك ماتجتمـع فـي يـسـر وسهـولـه لاتــعــقــل الــجــمــع لاكـــنـــا جـمـعـنــاهــا=لــــو إنــهــا حــاجـــةٍ مــاهـــي بـمـعـقـولـه |
رد: ديوان الشاعر عبدالعزيز راشد السدحان سعدت أخي عبدالعزيز بهذه القصيدة الرائعة وأتمنى تواجدك بالمنتدى والشكر موصول لأخي الغالي / أبو حمد على جهوده الرائعة بالمنتدى |
| الساعة الآن 02:50 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir