مجالس الفرده

مجالس الفرده (http://www.alfredah.net/forum/)
-   دواويـــن (http://www.alfredah.net/forum/alfredah28/)
-   -   ديوان الشاعر / عوض بن ناصر الفريدي (http://www.alfredah.net/forum/threads/alfredah28822/)

منصور الوسوس 11-03-11 12:37 AM

ديوان الشاعر / عوض بن ناصر الفريدي
 
الشاعر الكبير : عوض بن ناصر الفريدي
من الشعراء المبدعين الذين اعتلوا قمة الشعر إبداعاً وجزالةً
كان لزامن علينا نضع لها صفحة مستقلة في قسم دواوين الشعراء
لكي تكون مورداً عذباً لشعره ...

منصور الوسوس 11-03-11 12:40 AM

رد: ديوان الشاعر / عوض بن ناصر الفريدي
 

حنا فدى المملكه وحدودها حاضرين= والله ماتقرب العدوان من حدها
الجيش والامن بحدود الوطن واقفين= عزومهم تدحم الضلعان وتهدها
اهل الفتن والتسلل وين هم زاحفين= لايقربون الحدود اللي مهم قدها
حنا رجال الشجاعه علم المعتدين = كم زمرة حاولة دسنا على خدها
يمكن يلين الحجر وعزومنا ماتلين = مايفلحون الخصوم اللي نجي ضدها
ابطالنا في نحور الضد متمركزين= غاراتهم تدحر العدوان وتصدها
المعركه تحت ادارة قادة مخلصين = على الشدايد تزود عزومهم شدها
خالد وخالد على التخطيط متكاتفين=الكل منهم لاجا بمهمتن سدها
اشبال امجادهم من ساس ذاك العرين= اسود العز ابوها والفخر جدها

:: <<الشاعر عوض ناصر الفريدي >>

منصور الوسوس 11-03-11 12:41 AM

رد: ديوان الشاعر / عوض بن ناصر الفريدي
 

هلا يا زعيم العرب حييت حييت =هلا فيك يا سلطان والراس طايل
ترا الخير جاء للمملكة حيث ما جيت =قدومك فرحنا به شعوب وقبايل
حمدنا الكريم اللي بفضله تعافيت =سلامتك يا راعي الوفى والجمايل
هلا يا كريم المد يا شايع الصيت =هلا بك يا بو خالد وفي الخصايل
حفظك الكريم المرتجى حافظ البيت =عسى الشر عنك بكل الأحوال زايل
نعد الليالي يوم سافرت وأبطيت =ترى شوفتك تشفي الكبود العلايل
وترانا نعاني مثل ما كان عانيت =وبعطيك عن صدق المحبة دلايل
شف الشعب شوفي والوطن يوم شفيت =يردد سلمت ودمت والشر زايل
حضنك الوطن وقلوبنا يوم حليت =قلوب تحبك ما تدور بدايل
أقول السعودية وأهلها مباخيت =بعد عدت سالم يا زبون الثقايل
شفيت وعفيت وبالسلامة تهنيت =يا أمير سكن حبه قلوب الحمايل
يا راعي المكارم كم تكرمت وأعطيت =يا راعي الفعايل لا ذكرنا الفعايل
لو اكتب يا بو خالد قصيدة مائة بيت =ما تشرح من أمجادك رموز قلايل
بسم سيدي بندر بشعري تغنيت =أهنيه في عودة عريب السلايل
خبر يفرحه هذا هو اللي تمنيت =عساي برضاه من الرجال الأوايل
وترا الشعر له حزه ثمينه وتوقيت =يزين القصيد ويصلحن المثايل
وأنا شاعر وقت الطلب ما تخفيت =مع معزبي حاضر بكل الوسائل

الشاعر.... عوض بن ناصر الفريدي الحربي

منصور الوسوس 11-03-11 12:46 AM

رد: ديوان الشاعر / عوض بن ناصر الفريدي
 

ان كان لاحظتو بالاخلاق تغليق= لاحدن يعاتبني ولحدني يسبي
أبي السموحة يالرجال المطاليق =وشرح لكم مابالقضية تغبي
عندي ظروف تجبر الصدر بالضيق= أظروف مايعلم بها كود ربي
علي من بد الملا تازن اطويق = مشاكلن حطة ضميري مصبي
بين الجداد ماضيات معاتيق = وليا طفت نار الضماير تشبي
كن الجحيم اتشب بين المعاليق= جحيم نارن وقتفاها مهبي
يعلم بها الــوالي ولي المخاليق = سلمت له رايي ودي وحبي
يحلها مرس الجبال الشواهيق= اللي عباده عند بيته اتلي
هو الوحيد اللي عليه التوافيق = بمره إلى دار الهبايب تهبي
والعبد لو حلق بالافاق تحليق = باللي كتب باللوح لازم ينبي
ماله عن المقسوم دربن لياسيق = وانا الشقا باول شبابي اكتبي
وطبع الليالي لوعطن المواثيق =ما يامن النكبات منها الملبي
وحدن لياله بالمشاكل مغاريق = وحدن يداعبه الفرح مايغبي
ولاني بشاكي لو الليالي مماحيق= سلمت للمولي احتيالي وطبي


منصور الوسوس 11-03-11 12:48 AM

رد: ديوان الشاعر / عوض بن ناصر الفريدي
 

ياللي اليا صادفتنا تنشد تقول تروح وين =اخذ الجواب ان كان عندك شك يوم تسالنا
حنا نسج ندور علوم الرجال الطيبين=ماهي طبايعنا جلوسٍ بالبيوت لحالنا
ان ما نصونا اهل الوفاء نعني لهم والله يعين=نعني وحنا ياوسيع المعرفة يعنى لنا
يعني على ماقالت الامثال تندان وندين=واللي يواصلنا على وصله نشد رحالنا
عرف الرجال اهل الوفاء لاهل الوفء كنزٍ ثمين=اللي منازلهم على القمة مثل منزالنا
اترك ضعوفٍ بالبيوت اللي تسكر جالسين=لعل حال اللي مثل ذولاك ماهو حالنا
اللي على ماقيل لادنيا ولاحفاظ دين=عنهم نقول المن نشدنا قاطعين اوصالنا
اصحابنا دايم رجال المعرفة والغانمين=طبعٍ لنا سابق عليه معلمين عيالنا
فينا شموخ العز من طبع الجدود الاولين=نحشم بقيمتنا وشيمتنا ماهو باموالنا
ومن رافق الانذال طاح وكل مايخفى يبين=الله يثبتنا على الحق ويزيد اعمالنا
واليا توفانا عسانا من صفوف الصالحين=ياساتر الاحوال يوم العرض تستر حالنا

منصور الوسوس 11-03-11 12:49 AM

رد: ديوان الشاعر / عوض بن ناصر الفريدي
 
النصيحة في الغالب لا تأتي إلا من شخص ناصح ويحب لك الخير
واصدق نصيحة نعرفها جميعا هي نصيحة الوالد وخصوصا إذا كانت
لولده فهنا تكتمل في جميع جوانبها
وهنا شاعرنا القدير ابوماجد / عوض بن ناصر الفريدي
وجه هذه النصيحة لولده الملازم أول / ماجد أثناء دخوله
لميدان الشرف في الجيش العربي السعودي في
كلية الملك عبدالعزيز الحربية واللتي تخرج منها برتبة
ملازم قبل أكثر من أربع سنوات .
يقول شاعرنا :-



ودعتك الله يا اللي نص قلبي معه=الله يفكك من الاشرار واهل الحسد
يامن نهار الوداع ازريت لاودعه=ودعتك الواحد الفرد الاحد الصمد
لاكن بوصيك في علمٍ مهم اسمعه=وصاة والد يريد المنفعه للولد
الراس عن كل هزلات العلوم ارفعه=وعلى الولي الكريم المستعان اعتمد
والرزق عند الولي ماحدٍ قدر يقطعه=ابذل لسمعتك ياماجد جميع الجهد
اصمل ولاتختلف وتهزك الزعزعه=ترى العزوم القوية من عزوم السعد
لاكثرت ارياك خذ من كل راي اشجعه=وايامنا طبعها بين الفرح والنكد
والضيق مادام من بعده تصير السعه=لابد من فرحةٍ تاتي بوقت الوعد
ارفع حجاجك وشوف المرتفع واطلعه=لعل عينٍ تطمن شوفها للرمد
قدامك الباب مفتوحٍ على مصرعه=والعلم مثل البناء والجهل مثل الهدد
العلم نورٍ يدلك ولعه ولعه=قيل اطلب العلم من حد المهد للحد
انهل من العلم علم المعرفه واجمعه=من جد ياجد ومن يزرع زروعه حصد
تخدم وطنك وتفكه من هل المطمعه=وانته رجل والرجل في واجبه به مسد
خدمة وطنك ومليكك كلها منفعه=في خدمة الدين نمشي تحت اوامر فهد
حنا نحب الوضوح ونكره الاقنعه=نلتف حول القيادة مثل روح وجسد
املوكنا فخرنا عز الوطن وسنعه=أن قلت سلطان وان قلنا ولي العهد
وبعد الثلاثة تحية حب للاربعه=نعم القيادة وقادتها ونعم السند
آل السعود الفهود المعتدي تردعه=عز البلد والذرا والخير لاهل البلد

منصور الوسوس 11-03-11 12:50 AM

رد: ديوان الشاعر / عوض بن ناصر الفريدي
 
ونستمر معكم ومع
ابداع الشاعر / عوض بن ناصر الفريدي
في هذه القصيدة الجميلة واللتي تتحدث عن نفسها
حيث يقول :-

(((بعيد شبوح)))


الناس لاطاوعتهم شككوا فيك= خلوك نوب تشك باقرب قريبي
اهل النمايم مخلفين المساليك=ما عندهم ذمه ولامن نصيبي
احلوقهم بالهرج تعمل تماتيك=ويفرقون من الصحيب الصحيبي
هذا وياللي كامل العلم ناصيك=يا بعد ظني بك عسى مايخيبي
تبا الحقيقه واثقٍ من تواليك=أي والذي فوق الخلايق رقيبي
يالطيب اللي وافياتٍ مساعيك=والطيب من معدنك ماهو غريبي
نعمين ماهي يابيض الوجه تكفيك=اقولها في حضرتك والمغيبي
بالعكس ماني يابيض الوجه شانيك=بعض الجروح يحير فيها الطبيبي
وانا بعيد شبوح ماني بخافيك=ماني ضعيف اللي يقول الذويبي
ان ما سبقتك يالسنافي امباريك=وترى اعتراف الحق مافيه عيبي
وحنا لمعروف النشاما مماليك=وان حل واجبنا ترى مانغيبي

منصور الوسوس 11-03-11 12:51 AM

رد: ديوان الشاعر / عوض بن ناصر الفريدي
 
في زمن قل فيه الوفاء تتضح صورة الأوفياء يتضح نقائها وصفاؤها

ونستطيع أن نقول عفويتها لكونها صادرة من أصحابها بدون تكلف ولا انتظار

مصلحة معينه فهنا يكون مكمن السر في استمرار الصداقة والشاعر

لم يكن شاعرا إلا لأن إحساسه مرهف وهو بشعره يرسم شعوره

وإحساسه قبل كل شئ والقصيدة اللتي بدون إحساس ولاشعور

هي كالجسد بلا روح في هذا الموضوع نرى أسلوب الشاعر المبدع

دائما وهو جار لي عزيز جدا ( حريب الياس ) وليسمح لي بان أبوح باسمه

ولا اعتقد أن ذلك سرا شاعرنا الفاضل / صالح بن عبيد القطش العلوي في

هذه القصيدة يسند للشاعر المبدع / عوض بن ناصر الفريدي
.



لاوالله الا خوييّ غاب عن عيني=لاشك قلبي قريبٍ منه ويشوفه
يامن يوصّل جوابي له وياتيني=برسالةٍ منه تنبيني عن ظروفه
مشاغل الوقت حالت بينه وبيني=وكلٍ من الوقت يشكي جور وحفوفه
قولوا لبوماجد الممدوح ينبيني=قدّام لاعمل على نسيانه بروفه
واقفي ولالد يمّه لو يناديني=واليا اعترض لي بدرب اصد واطوفه
ان كان هو مع مرور الوقت ناسيني=على زمان العجايب مالي حسوفه
حنّا بوقتٍ تعادوا فيه الادنيني=باسباب للناس مجهوله ومعروفه
قلّ المواصل وزاد الهجر ضعفيني=عن المواصل تقول الناس مصدوفه
وامّا ان تعنّا رفيقي مايعنيني=يشوف مايسعده واشوف معروفه
ترى عمار الصداقه وصل الاثنيني=ما الرفقه اللي بليا وصل مخلوفه
ابيه في رحلة الذكرى يخاويني=مع رفقة اللي على الادراج مصفوفه
اللي مضامينها خلف العناويني=تتل قلب المولع غصب وتلوفه
قبل الاحاسيس تشرى بالملاييني=ومن قبل الاطرش يطب القصر بدفوفه

وهنا رد الشاعر المبدع / عوض بن ناصر الفريدي



جاني عتب من خوي الدرب ناصيني=صحيبي اللي عن الاصحاب به نوفه
يخصني بالعتب كنه يناجيني=ما قال الاخطاء على الاصحاب منصوفه
مير ادري انه يقدرني ويغليني=والزله اللي من الممدوح محذوفه
وانا عزيزٍ علي ومن مضانيني=معزةٍ عند كل الناس مكشوفه
مرسول صالح يفرّحني ويحييني=وافز له فزة المطنوخ بضيوفه
الشعر حضرة لتحضيره شياطيني=جتني ركابه تدك البيد مردوفه
ماني بناسيك يا اعز العزيزيني=لو يتساوى علو الراس وكتوفه
لكن شقا الوقت مشغلني وملهيني=يبخل بشفي وانا طاوعت لشفوفه
يابو فهد للزمن جور ومعاويني=دنياي ماهي على ماريد معسوفه
تجيبني نوب واحياناً توديني=واحيان تضرب براسي عالي الطوفه
عسى غيار الزمن ماياصل الديني=ناسٍ مشت بالطريق وناس محروفه
وجا للقصايد قنوات ودواويني=حتى اصبحت عندنا مهي بمالوفه
عفت الشعر والقصايد بالمزاييني=من يوم شدوا عن الكوفه هل الكوفه

منصور الوسوس 11-03-11 12:52 AM

رد: ديوان الشاعر / عوض بن ناصر الفريدي
 
الشاعر الكبير عوض بن ناصر الفريدي شاعر يجبرك ان تعجب بشعره

لسلاسة اسلوبه وسهولة معانيها ويصدق علي ابياته القول عنها من

النوع (( السهل الممتنع )) ويجمع بين الطرافه والجمال .

اتتركم مع هذه الابيات ارجوا ان تنال اعجابكم .



أعجوبة الدنيا عقب عـام الالفيـن =شان الزمان وصار فيـه انتكاسـه
قالوا يزين وقلت لا..لا ماهو زيـن=لوقيل وقـت المعرفـه والدراسـه
ماهو زمـانٍ للرجـال المياميـن=هذا رفـع راسـه وهـذاك داسـه
والكبرياء صاب الضعوف المساكين=كلٍ لبس له ثوب ماهـو مقاسـه
من حط له بالجيب والبنك قرشيـن=يبي العباد تحب خشمـه وراسـه
لابـوه لابـو عابديـن الملاييـن=حنـا نعبـد الله بقـوه وبـاسـه

منصور الوسوس 11-03-11 12:53 AM

رد: ديوان الشاعر / عوض بن ناصر الفريدي
 
السلام عليكم ورحمة الله وبركاته

حصل موقف ذكره لي الشاعرالمبدع دائماً /
عوض بن ناصر الفريدي حيث طلب منه أحدهم أثبات شخصيته
في نقطة تفتيش فأجابه بأبيات رائعة حرصت أن أنقلها لنستمتع بها جميعاً .



ان كـان تطلـب علـي اثـبـات=انــا عــوض نـاصــر الـحـربـي
مـن حـرب كسابـت الطـولات=تعـرف مـن الشـرق للغربـي
الــيـــوم والازمـــــانٍ فــــــات=اللـي بـه الحـرب والضـربـي
وعاداتـهـم خـيــرة الـعــادات=فـي حـزت اللـيـن والكـربـي
هـذا ثباتـي عـلـى الـشـدات=وافخـر بربـعـي وتفـخـر بــي
ولملـوكـنـا نـثـبـت الـوقـفـات=معهم على السلم والحربي
وأهـــل الـتـزاويـر والـلـفــات=ادروبـهــم مـاتـجـي دربــــي


الساعة الآن 11:58 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52