|
ديوان الشاعر علي محمد الجضعان ((قصائد)) السلام عليكم ورحمة الله وبركاته شاعر كبير ومميز بوجودة في المجالس وخارجهااشتهر في شعرة من ذو صغرة ابدع في جميع انواع الشعر له قصائد عديدة وكثيرة جداً ولاكن هذا الذي تم طرحة في مجالسنا لقب في الشاعر الرومنسي وهوشاعرنا علي محمد الجضعان الفريدي الحربي ((ابو عمر)) إلى قصائد الشاعر القدير ^ ^ ويقول ان هذه القصيدة موجهة للأخ مع التحيه والاحترام للأخ / الشاعر والناقد الكبير خلف بن محمد بن عتاق الفريد ابو عبد العزيز((عندليب المجالس)) تقديراً لجهوده وأعجاباً بشعره الذي يلامـس الوجدان كأنه يوايق في قلبي ويترجم احساسي أتمنى ان تنال أعجاب الجميع .................................................. .......... نظمنٍ قريتـه وأعجبتنـي معانيـه=من واحد(ن) لاقال جزل المعانـي أجمل درر الشعر مكتوبةٍٍ(ن) فيـه=ماقال هذا البيت صعب وعصانـي أخذ دروسه مـن زمـانٍ معانيـه=خلف من الأيـام واضـح معانـي ودرب الهوى ياصاح معلن تحديـه=بعيد منـوالٍ(ن) قريـب الأمانـي مثل السراب اللي يهيضك صافيـه=يبعد الا قربـت صـوب المكانـي وكم واحد(ن)بيـح كنينـه وخافيـه=لوكان سرُه ماعرفه شخص ثانـي الله يجيـرك مـن توالـي بلاويـه=عزيز قـوم ولارضيـت الهوانـي واللـي تمنيتـه عسـى الله يهييـه=وزودٍ(ن) على الفرحه تجيك التهاني عظم العرب !! ماعاد فيها مشاريه=تلقى الوناسـه والدلـع والحنانـي والحب ياذيبـان ماعـاد تطريـه=خله لابن عجـاب مثلـي يعانـي وإلا الهوى ياكثـر نـاس تعانيـه=قبل الوتر جروا سبيب الحصانـي وللمندفع في حبهـن قلـت ياهيـه=قبلك ترا حـب العـذارى كوانـي ومن لامنا بالحـب يبلـى بغاليـه=أربع مصايب كلهـن فـي ثوانـي وختامهـا بأجمـل تحيـة نحييـه=ومعطـره بالمسـك والزعفرانـي |
رد: ديوان الشاعر علي محمد الجضعان ((قصائد)) قصيدة عند قرائتها تجد المعنى؟ مايخاف ربه لبس له كـاب=عزي لمشعل وعـزي لـي ومن التحدي عليـه أنقـاب=يذبـح بسـودٍ مظاليـلـي أسكْود مخفيـه بالاهـداب=ظلل عليهـن تقـل ليلـي وبيَن يمينه عليها أخضـاب=في وصفها ضـاع تحليلـي والردف لراع الهواء نهاب=مـوج البحـر والتعاليلـي دلـوع وصغيـر وجـذاب=واليا هـرج قلـت ياويلـي أكلتها ماحسبـت أحسـاب=ال ضحكـةٍ منـه تطويلـي ولاني بسالـم ولا منصـاب=يمكـن بدايـة بهاذيـلـي وانااحسب أني قفلت البـاب=والبيض ماعاد تطري لـي أثرالهـواء دايـمٍ غــلاب=يثر على القلـب بالحيلـي وياما وياما مـن الاشنـاب=من البيض شافوا تهاويلـي كم واحدٍ عد روحـه شـاب=حتى الشعر يصبغـه ليلـي وقفى بقلبي وعنـي غـاب=وهو يدري انه سبب ويلـي وظنيت ظني وظنـي خـاب=والجسم ماعاد بـه حيلـي أغدي شبيهه قريب أجنـاب=بالود ياخوك يصفـي لـي وان ماحصل خاطري ماطاب=عطني الخبرمنـه لاتطيلـي ويكفيني أني بذلت أسبـاب=ولا كل بـرقٍ لـه نخيلـي اما أنا ضاعت بي الاطبـاب=ما أقول ياكود عـزي لـي |
رد: ديوان الشاعر علي محمد الجضعان ((قصائد)) اللـي حـدث للمنتـدى ماعرفـنـاه=تكفون قولولي عـن الوضـع تكفـون بتقرير(ن) مفصل عن العلم وأقصـاه=عليه بصمه واضحـه عـن يقولـون العلـم واضـح مايبيـلـه منـاجـاه=كـل(ن) درى بالسالفـه لاتـدسـون اللي زعل ويقول يالربـع وش جـاه=براسـه حميـه مايبيهـم يهرجـون ونـاسٍ تغنـي علـى ليـل لـيـلاه=فيهـم مـرض ياجعلهـم مايطيبـون وعيـال راشـد كـل عايـل تحـداه=غصب(ن) يعرف الحق وإبليس ملعون عدونا لـو هـو بعيـد(ن) وصلنـاه=إليا غضبنا ضاق في خصمنا الكـون ورمز القبيلـه كـل مانملـك أفـداه=لو يفتحون حسـاب غطـوه مليـون نبي مرد(ن) كـل مـن شـك يقـراه=تكفى ياأبو فيصـل نبيهـم يعـذرون |
رد: ديوان الشاعر علي محمد الجضعان ((قصائد)) يالي جرحت القلب عندك علاجـه=كلمة هلا منك عن ألفيـن دكتـور هجرك لقلبي هو سبايب ازعاجـه=ردي على هجرك تراء بس مشكور وكسر الخواطر مثل كسر الزجاجه=يصير تفكيري على طول محصور ودي أمر الحي مـن دون حاجـه=لاشفت بيتك ينقلب حزني أسـرور أنته تقول أصبر يصيـر أنفراجـه=وأنا اقول الصبرله عـدة اشهـور قلبي يعزك وأنت سبـة أحراجـه=ياشين صبر القلب لاصارمقهـور هرج(ن) بلامعنى كلامـاً سماجـه=ويجلي ظلام الليل لآبيـن النـور |
رد: ديوان الشاعر علي محمد الجضعان ((قصائد)) انـا دخيلـك فكنـي مـن بلاويـك=تراي مشحـون الصـدر ومتضايـق أمنـول(ن) أفـزلاحـل طـاريـك=واليوم بانـت لـي جميـع الحقايـق لاوخساره مامضالي وأنـا أرجيـك=ومـن بينـا هديـت كـل العوايـق وبعت أصدقائي وأنت يازين شاريـك=وأمر(ن) تقوله ياهـو البـال لايـق وغال الهدايا ياأريش العيـن مهديـك=واليا أبطيت عني شب صدري حرايق كم من ليال(ن)ساهر(ن) ومتحريـك=وألياحصـل لقيـاك يوميـن رايـق با أجمل كلام(ن)عذب يازين أحييـك=ولهرجتك يازيـن صاحـي وفايـق واليـوم متغـيـر وناكرلماضـيـك=وأنكرتني ولشوفتـي مانـت طايـق رح بسبيلـك جعـل ربـي يهنيـك=وقطعـت أنـا بيـدي كـل الوثايـق دور على مثلك عشير(ن) يصافيـك=يصير لك مامور عبـد(ن) وسايـق وأنـا نسيتـك والرجاءقاطعـه فيـك=واللي حدث قطـع جميـع العلايـق |
رد: ديوان الشاعر علي محمد الجضعان ((قصائد)) تكفون من طلعاتكم ريحوني=جوي يخالف جوكم يارديين ناسٍ(ن) تجاملني وهم مايبوني=مدري وش اللي جابني للمساكين لصوت لآ!!!قربت مايرفعوني=ويصير رمز ويفهمه بس الأثنين وسؤالهم واضح ولو مانشدوني=وعندي على النظرات كل البراهين مادامهم يالذيب ماقدروني=وأنا خويلك على العسر والين أدراء زعل شرواك لايزعلوني=والاترانا لآزعلنا شديدين يمكن يقول الهرج شخص مغبوني=مقهور والمقهورمابين نارين ويكفيه مني بس نظرة عيوني=ومن شيمة الرجال ترك المجانين ودون الكرامه كل شين يهوني=ولاكل كلمه تنوزن بالموازين |
رد: ديوان الشاعر علي محمد الجضعان ((قصائد)) هذة قصيدة في الشيخ جازي الوسوس رحمة الله القصيده قديمه قبل 13سنه وعلشان طلب الغالي على قلبي ابوراكان احمد العود نزلتها * وجازي هو الشيخ /جازي بن هجاج الوسوس رحمه الله رحمة واسعه وجعل الله قبره روضه من رياض الجنه أدعوله ياللي مدحت الجمس بالحيل غلطان=غلطان يوم أنك مدحته زياده والله ماني للتماثيل شفقان=أيضا ولاني مهتون للقراده لاكن نسيت اللي على الخط سلطان=البنز لامنك نويت القياده ماله حلين كود بالجو شيهان=أيراقب الصقار بأول هداده هو منوة اللي مهتون بعد الأوطان=اللي بطول الخط غاية مراده خطو العديم اللي له الطيب نيشان=لآزادحمله صار صبره جلاده يفداه منهو دايم الدوم طفران=ضعيف عقل وزايدن في عناده لاناموا العربان صاحي وسهران=سهران ليله وسط زمرة سراده ومن النشاما فيه ريبه وخجلان=لاشافهم وجهه تزايد سواده اقول وأستثني راع الجودوالشان=اللي مثل (جازي*)له الطيب عاده اللي الى جيته من البعد عنيان=في بيت أبونواف تلقى السعاده تلقى بغاديدن مع العبدفيحان=والحيل تطبخ والسوالف ركاده جازي ولدهجاج مثل القمر بان=مايفعله بالطيب يصعب اعداده ولاهي كثيره من سلايل كحيلان=الطيب والمعروف ترثت أجداده هذا وأقول الجمس شئ مضاء كان=من عام ( أي تي )رافضين أعتماده واللي بقى منه قديم(ن) ومنهان=الوجه غير والمراتب وساده جتك البيوت اللي بهاء الوزن مليان=والليل لايغريك لفحت براده وصلاة ربي عدٌ وبلن وهتان=على رسول الرب أفضل عباده |
رد: ديوان الشاعر علي محمد الجضعان ((قصائد)) عيا الشروكي يلحق الجمس عيا=عيا يجيبه عقب ميـه وتسعيـن وانا أحسب ان الجيب ماله حليا=ولايصخره بالقار حتى الشياهين لكن علوم الجيـب بانـت هنيـا=الفعل واضح مايبيلـه براهيـن قلت أتركه يالجيب ماحنا سويـا=أعرف سواقه صعوط المجانيـن خلف تحداني وانا أصفـق يديـا=يوم الأشاره دقها أيسار ويميـن من حرمايونس كوى الراس كيا=واليا أرتفعلي شفت نار الشكامين عظم العرب ياناس غال(ن) عليا=الله يستـر لآيتعـرض بعاريـن هـذا ولدعتـاق سمـح المحيـا=لآجابوا أسمه قالوا الناس نعمين وأن كان جيبي يابيض الوجه عيا=والله ماخلي حضرتك سجله دين |
رد: ديوان الشاعر علي محمد الجضعان ((قصائد)) هذه القصيده نضمها وألقاها في زواج الأخ وابن الصديق / فيصل بن محمد بن ماجد الذويبي في عام 1430 يامرحبآ تسعة وتسعيـن مليـون=ترحيبة الشفقـان فـي غايبينـه بضيافـة اللـي كلبوهـم يهلـون=ساسٍ لهـم بالطيـب متوارثينـه رباهم اللي ما سأل كيف وشلـون=وإللي عطت يسراه تجهـل يمينـه إلى قال خالد كلبوهـم يحضـرون=قبـل يتكلـم كلـهـم فاهميـنـه محمد ولد ماجد وأنا أدري تعرفون=رجل على فعلـه شهـودٍ سنينـه وبأسم الحضور اللي لفو لك يهنون=دافع وفـاء والطيـب متبادلينـه مبروك أعداد اللي أبيتـه يلبـون=لعريسنـا بحضوركـم معلنيـنـه وأصالة عني وعنهم وأبـا أمـون=تدعـون بالتوفيـق ياسامعيـنـه ونزيد بالترحيب يالربـع مليـون=ترحيبة يسمـع صداهـا المدينـه |
رد: ديوان الشاعر علي محمد الجضعان ((قصائد)) جيت اوصف صاحبي مالقيت وصوف=كل الوصايـف ماتكمـل حـلأ خلـي أن قلـت طويلـه والحشـا ملهـوف=والخشـم كنـه السـيـف لآنسـلـي والعيـن حـرٍ (ن) شايفلـه شــوف=شافها تـدرج مـع الرمـث بالظلـي يوم أعترضلي صاحبي والشعرمكشوف=يضحك فـرح فـي جيتـي مسفهلـي فيه الحياء فيه الخجل داخلـه خـوف=فيـه التواضـع والشمـوخ وتغـلـي من زين مشيه كنـه اليـوم معسـوف=كـل الاصايـل فـي خيالـي طرلـي عندي كلام(ن)كانزه داخـل الجـوف=حسبـي عليكـن يالعيـون أسمحلـي وحللت نظـرات وحولتهـا أحـروف=وحلـلـت رمــز أحروفهالآتقـلـي وكم عاشق(ن) قدامناصادف صـدوف=وصـدوف للعشـاق ماهـي تحـلـي يمكن مع الايام تسمـح لنـا ضـروف=ويقدر بعـال الصـوت خلـي يهلـي |
رد: ديوان الشاعر علي محمد الجضعان ((قصائد)) هذي قصيدة في ابنته الجوري يقول ((الشاعر علي ))جتني تحبوا وهي صغيره وعندما شاهدة وجهي أبتسمه أشاره لى بأنها عرفتني وكانت تلبس لباس مقلوب فقلت هذه القصيده أتمنى أن تنال أعجابكم ياناس بعض العرب مملوح=لويلبس الثـوب مقلوبـي ضحكتك عندي ترد الروح=وأسلوبك يوافق أسلوبـي الى نادت عليه قبل ماروح=كـن المخاليـق هلوبـي من الزعل صوتها مبحوح=تصيح وهي ماسكه ثوبـي دايم على البال لـو أروح=زادي غلاهـا ومشروبـي ياعين حر(ن) يشوف اللوح=توه من أيـران مجيوبـي |
رد: ديوان الشاعر علي محمد الجضعان ((قصائد)) ليه ماتسأل عن اللي ميـتٍ فيـك=ياوليف الروح وش صار وجـرى مـن يـرد القلـب يومنـه يبيـك=بـس يـرجـع بذكريـاتـه ورى كان قلبك نسـى قلبـي مانسيـك=من عذاب الصد طيـرت الكـرى ليـت للحـب قاضـي واشتكيـك=واستمـع للشيـخ لامنـه قــرى ياجميل الكون عمري فـي يديـك=جرٍحه واحكم على مانتـه تـرى طاعتي عمياء ولومـي مايجيـك=والهـواوي لا يشـوف ولا يـرى وش تبي زودٍ على انك صرت بيك=والمولع في دجـى ليلـك سـرى وكان صابك شك من حبـي اليـك=والله ان القلـب لعيونـك شـرى وكان قصدك بعد والخالق لجيـك=لو بدون ازفلت والطلعـه كـرى |
رد: ديوان الشاعر علي محمد الجضعان ((قصائد)) أن قلت أحبك وأعـزك ومغليـك =ردت تقـول أنـا غلايـه زيــاده وأن قلت عيديها عساء الله يخليـك =مانـي بمتأكـد وأبيـهـا شـهـاده ياحلوها لاقلتهـا !بيـن أشافيـك =لاقلتهـا تـراي أحـس بسـعـاده لوهي على كيفي الى أبطيت لاجيك =أنته هـواء نفسـي وغايـة مـراده لاتحسبن الصـد لاهـي وناسيـك =ضايق وأمن النفس صبـر وجـلاده حتى نهـار العيـد ودي مهنيـك =ويردنـي شوفـت مقـرد عـبـاده كنت أتمنى يـوم شفتـك مناديـك =يوم أنت واقف قـدم بـاب العيـاده مشغول بالجوال والكـرت بيديـك =وأرسلت نظراتـك علـى أعتمـاده لكن الخجل طبعك وهـذا محليـك =وهذا الذي خلاك حـال(ن) زيـاده |
رد: ديوان الشاعر علي محمد الجضعان ((قصائد)) القصيدة من خلال مجالس الفرده موجهة للرائد : جالس بن خليوي الفريدي وهي مجرد رد ثناء لمن يستحقه وشيء بسيط من واجب التقدير الذي يستاهله ابو خليوي أنخاك ياجالس سند كـل مظلـوم=يافزعتـي ياعـزوتـي يـاذرايـه البارحه جتني تخاطيـف وعلـوم=ناسٍ تبيني حـول خـط النهايـه ومادام راسك حي ماني بمضيـوم=ولاهمني بالكـون كثـرت عدايـه من راس ربعن بالوغاء تنطح القوم=اللي لهـم بالمجـد رايـه ورايـه عيال راشد لانتخاء كـل شغمـوم=أفعالهم تشهـد عليهـا إغرمايـه ياما كسرنا باس من يـدع الـزوم=قدامنـا راحـت فعولـه دعـايـه وعدونا يحرم على عينـه النـوم=ياقـو باسـي دام ربعـي ورايـه ورسالتي وصلت بلأضرف وختـوم=ياتاج راسي ماتبـي لـك وصايـه |
رد: ديوان الشاعر علي محمد الجضعان ((قصائد)) أبيات موجهها علي الجضعان إلى الأخ /معلاء العنيزان الفريدي والقصيده تعبر عن نفسها __________________________________________________ _ سلام يارمز الوفـاء منبـع الجـود=ياللي علـي أهديـت أجمـل هديـه يمنىً لبذل الطيب تعطي بلا حـدود=أبـوك علمـك الوفـاء والحمـيـه عز الله انك ماسـك ٍ كلمـة العـود=ياحي والله يا بـن عمـي وصيـه ونفسك مزكيها عن النقص بالـزود=ياسعـد والله مانـت دايـم خويـه وأعطيتنا بالمنتـدى كـل مجهـود=وفي كل ماتعطيـه عنـدك شويـه من طيب ذاتك دايم الـدوم موجـود=رغم المشاغل والظـروف القويـه ولا انقص بحق رجالْ بالمنتدى فهود=منـي لهـم أزكـى سـلام وتحيـه عيال راشد والقبايـل لنـا شهـود=ومن اعتزى بالعود نسـي المنيـه كم اسهروا بالليـل والعالـم رقـود=من شأن مايلقـى عليهـم خطيـه ملعون رجل ٍ يخفي الحق ياسعـود=والله علـى ماأقـول يشهـد عليـه أما أنت يامعـلا فانـا أقـول وأزود=راعـي هـلا والكبـش والشاذليـه والطيب ورث ٍ عقّبـه جـد لجـدود=باق ٍ لنـا أيليـن تمحـى البريـه وصلاه ربي عد مـا حجّـوا وفـود=علـى نبـي ٍ للخـلايـق سـويـه |
رد: ديوان الشاعر علي محمد الجضعان ((قصائد)) كتبت هذه القصيده عندما سافروا أصحابي في رحلة صيد إلى منطقة السويداء في دولة سوريا الشقيقة في شهر صفر 1428هــ قالـوا مشينـا قلـت مافيـه حيـلـه=الوضـع واضـح مايفـدن الأعـذار قالوا تشـوف العفـش قدمـك نشيلـه=الله يجنـب دربنـا كـل الاخـطـار السالفـه يالربـع مـاهـي طويـلـه=ماهو على كيفي وأنـا موقـع اقـرار عسـى قـرارن جـاء يلحـق بديلـه=ويسمح لنا يالربع فـي كـل الأقطـار ويسـوى تعبنـا الصيـد لونعنيـلـه=نبي انتهنـا قبـل قصـاف الأعمـار مشيـاً مـع الريضـان يـومٍ وليلـه=يسوى رصيد الراجحي زايـد إعمـار بـرضٍ نباتـه مثـل طلـع الخميلـه=وريح الخزامى كمله شوف الأزهـار غب المطر وتشـوف يـدرج مسيلـه=متحدرٍمـن عالـي الجـال مــدرار جـالٍ وماكـر للطيـور الأصيـلـه=مابيـن عقبـان وشياهيـن واحـرار اليا قال المغـدا قلـت رأس الطويلـه=أبي على مد النظـر شـوف الأقفـار نفسي على الطلعـات مبطـن عليلـه=وصبرت صبر أيوب مابين الأسـوار ومن البكـر صبـوا وزودوا بهيلـه=وتكفون حطولي مع الهيـل مسمـار هذا هـوى نفسـي ولاأبغـى بديلـه=وللنفس فـي غاياتهـا سـر وجهـار وأنـا جمـل كـل الحمـول الثقيلـه=وعلى خفايـا النـاس مانـي بسبـار ولاأمزح ولا أحـب العلـوم الهزيلـه=ترى كثيـر المـزح يجعلـك ثرثـار وراع الغلـط لابـد يسمـع مثيـلـه=وإن كنت تبغى الشر تبلى بالأشـرار والله إن يونـس وسـط كبـده مليلـه=أومثل حاف الرجل ياطا علـى النـار وأنا شرحت الوضع عـن كـل ميلـه=من خوف يقلب هرجتي كـل غـدار وأنتم فـي أمـان الله مالـي وسيلـه=ويني ووين الشـام يالربـع مشـوار وركبوا علـى جيـبٍ جديـد مديلـه=أبيض جميل الوصف من نوع فكس آر راحوا يوم إن الأرض صارت محيلـه=يبون صيدن في حمى الشيـخ بشـار والقارمـن يادهـام هــو الدليـلـه=في ديرتن بـارد هواهـا بـلا غبـار ولاأحـد ينـادي بالجهـاز لزميـلـه=شف الطريق يمين ولا علـى يسـار نـاسٍ علـى البـران مثـل الهميلـه=شوف البر مـن كثـر الآثـار دروبهـم ماهـي عليـكـم سهيـلـه=أنتـم معشاكـم قـريـبٍ لـلأنـوار وربعـي معشاهـم ديـارن مهيـل=ماهابـوا الأخطـار وافيـن الأشبـار علـى الأثـر يتلـون درب الجميلـه=تشرب من الخبراءعقب سيل الأمطار وجوهن على غفلـه بهـاك السهيلـه=وفـزن بـن الوعـر والفشـق ثـار يعجبك صوت الجيب من قـو حيلـه=يوم أونس البنزين عن السهـل طـار هاذي طـرات العمـر قبـل رحيلـه=والله يعـلـم بالخفـايـا والأســرار ياعيـال راشـد عزوتـي بالقبيـلـه=أرجو السموحه عن قصوري وماصار |
رد: ديوان الشاعر علي محمد الجضعان ((قصائد)) قبل طلوع الشمس في نصف ساعـه=على مدى شوفـك تشوفـه بلانـور نبهنـي الجـوال قبـل أنقطـاعـه=برسالة (ن) فيها أعذب الهرج منثور ريم(ن) عطاه الله حسـن وبراعـه=اللـي ذبحنـي بالغلأسيـد الحـور يقول غصب الصد ماهـو قطاعـه=وعلى فراقك ياهواء البـال مجبـور قبل(ن)على فرقـاه عنـدي مناعـه=ولايهمني لوياخـذ أيـام وأشهـور واليوم مالـي بالفـراق أستطاعـه=بابه الـى شفتـه تعديـت مسـرور وقمـت أتذكرضحكتـه وأستماعـه=ضحكت شموخ ولابها زيف وأغرور أليارفـع شقر(ن)ذبحنـي شعاعـه=لون الشفق ممزوج مع لـون بلـور عزاه ياقلب (ن)هواء الزيـن لاعـه=لوع الوحش يوم أنشبك طاح مقهور من عقب ماهوشاهـق(ن) برتفاعـه=رمابه الحظ الـردي داخـل الـدور القلب يابـن مطيـع عنـده وداعـه=أناأشهدأنه في هواء الزين مسحـور |
رد: ديوان الشاعر علي محمد الجضعان ((قصائد)) هلا بها الطله لايبعـد كـل طلـه=الله عطاها الزين وهي أبدعت فيه مزحه يرد الروح هرجـه ماملـه=سبحان ربٍ(ن)خالقه ثـم محليـه واللي عذلني جعل مـاالله يحلـه=عساه تكثر مع أهمومـه بلاويـه وعسى المرض يبلاه حتى يسلـه=ويصير حلمه كيف يقدى مواطيـه راع الهواء لويقضي العمـر كلـه=في حلم يومٍ (ن)يجمعه هو وغاليه لاصارفي مجلس ولاأحدٍ(ن) فطله=يسرح بفكره مادرى من يحاكيـه بس يتخيل مـن عيونـه مظلـه=بحلى كلامٍ(ن)عذب خلـه يناجيـه جميل خلـه بالهـواء ماحصلـه=عاشق بثينه يوم نسمع بطاريـه وقيس الملوح صارهايـم بخلـه=حتى ترداء الحال بآخـر لياليـه أدورد خل العـرش كلـه رضلـه=واللي قراء التاريخ يلقى الخبرفيه |
رد: ديوان الشاعر علي محمد الجضعان ((قصائد)) لو البكاء ينفع على شـوف الأطـلال=والله لازج الدمـع مـن فـوق بابـه عشر وثلاث ( ن ) في هواها ولازال=ياطول صبري مـع بطـاه وغيابـه اللي صفالي بالهواء سمـح الأقبـال=عـزالله أن البعـد عنـي غـدابـه أضحك وأجامل بس خلي على البـال=هـاك الثغربالقلـب جـود صوابـه آخر عهد خمسة عشـر شهرشـوال=في موقف( ن ) عنده كلامٍ(ن) نوابـه لاكن حسبنا حساب واشـي وختـال=للي علـى الغـرات يشعـب ركابـه ثم أنحدردمعـه علـى حبـة الخـال=وصدت تخاف يشوف بعض القرابـه لين أستدارت وأرفعت حافت الشـال=وكلمـة بمـآن الله آخـر جـوابـه ويالوسوس الموضوع في نظرتي طال=أسنيـن راحـت ماحسبنـا حسابـه يابو محمـد بيتهـا صايـر أطـلال=الله وكبـر صـار بيـتـه خـرابـه وأن كان يامنصور تسأل عن الحـال=الــزاد مرٌولاتهـنـت شـرابــه |
رد: ديوان الشاعر علي محمد الجضعان ((قصائد)) اخوى بن مطيع عقود من اللؤلؤ والألماس نثرتها من إبداع الشاعر القدير الكبير العلم / على بن محمد بن جضعان ما أسعدنا بتصفحها وقراءتها صح لسان الشاعر وسلمت ودمت على الجهد المبذول لك كل الشكر والتقدير تحياتي |
رد: ديوان الشاعر علي محمد الجضعان ((قصائد)) أعجز عن الشكر اباصالح وأنت رمز الوفاء والأخوه الصادقه بيض الله وجهك وجمل الله حالك عمل أخذ من وقتك الكثير رغم مشاغلك معروف لن أنساه وعلى العموم يوجد لدي الكثير سوف أزودك فيه الف شكر وأجمل التحايا |
رد: ديوان الشاعر علي محمد الجضعان ((قصائد)) صح لسان شاعرنا المبدع ابو عمر وسلمت يديك اخونا مشعل على هذا الديوان |
رد: ديوان الشاعر علي محمد الجضعان ((قصائد)) كل الشكر لك ابن مطيع على نقل هذا الديوان الجميل والأبيات الرائعه للشاعر الرومنسي علي بن جضعان تقديرنا لك ولمن نقلت له من قصيد كل التحايا لكما |
رد: ديوان الشاعر علي محمد الجضعان ((قصائد)) ماشاء الله وتبارك الله بن مطيع مشكور على ذلك |
رد: ديوان الشاعر علي محمد الجضعان ((قصائد)) أبو صالح ( رمز التميز في مجالس الشموخ ) جمعتها لنا لؤلؤة لؤلؤة وكوّنت بالاخير عقد رائع لشاعر جميل .. يسلم راسك يا أبو صالح .. وزين ما سوّيت فشاعرنا / علي بن محمد الجضعان .. شاعر جميل .. ونتابع شعره .. فأنت جمعتها لنا في مكان واحد ليسهل علينا تصفحها .. بوركت .. ويستاهل / أبو عمر .. |
رد: ديوان الشاعر علي محمد الجضعان ((قصائد)) يقول مشعل الجضعان ,, كنا طالعين في البر ومعي الشاعر/ علي الجضعان وقد جادت قريحته بهذه القصيده وهي تعبر عن نفسها: (((جمريه))) ماكل جـوٍ يعـوض بجـو=ولاكـل الاجـوا رمنسيـه ولا كل من جيتهـم هلـو=أجـنـاب والا بنيخـيـه لا قلت كلمـه بهـا شكـو=وجميعـم طالعـو ا فـيـه ونـاسٍ لا جيتهـم فـزو=وكـلٍ يرحـب بهالجـيـه من قبل ما اجلس بنا حيـو=فيهـم حبابـه ايلاهـيـه ورسلان صفن بجنب الضو=وحطوا على النار جمريـه ولا حدن يامر بقولة سـو=هـذي حـلاة الشقرديـه وان قلت شيله لها شالـو=مسحـوب وإلا هجينـيـه وراح الصدى في بعيد الدو=برضٍ بعيـده خـلاو يـه وان قلـت رده لهـا ردو=مـع الرجولـه هـواويـه الليـل روح ولا حـسـو=جلسـة وناسـه وحريـه |
رد: ديوان الشاعر علي محمد الجضعان ((قصائد)) شوف الأثر حرك مشاعر شجوني = من شفتها رديت يالله مساء خير تكفون بالتصوير لاتقهروني = ياما على أثرها ضربت المشاوير في ديرتن تخلف جميع الضنوني = متشابكن فيها النفل والنواوير تكفون يالأجواد لاتهيضوني = الوقت قيض وجونا به معاصير الله يجيب اللي يريح عيوني = قدامنا تدرج على كفخت الطير عن حالها ياناس لاتنشدوني = ماتت وهي حيه قبل فكت السير لاشافهاطيري تصيبه جنوني = الكامل اللي ماترباء مع الجير |
رد: ديوان الشاعر علي محمد الجضعان ((قصائد)) ابن مطيع بيض الله وجهك على المجهود الرائع وفيت وكفيت وهذي عادة الاوفياء (( وابو عمر يستاهل )) وصح لسانك شاعر الرومانسيه شاعرنا الجزل علي محمد الجضعان بأنتظار جديدك |
رد: ديوان الشاعر علي محمد الجضعان ((قصائد)) ابوعمر صح السانك . وهذا ماعهدنا منك. تحياتي |
رد: ديوان الشاعر علي محمد الجضعان ((قصائد)) يـــــالله طـلبتــــك تالي الليل بخشوع=طلبه عقب سجده لوجهك مذلـــه ياهازم الأحــــزاب يامفرق جمــــــــوع=ياعالـــم بالكـــــون دقــه وجلــــه يـــــالله أنا بجاهك عن الحــقر والجــــوع=وأعـــداي ماتفــــرح عليه بخلـــه وليا نويت الشيء عساه مشــــــروع=عن شرعك المسنون ماأحيد للِه لوطااال بي عمري فاأنا أعده أسبوع=العمر يفنـــى والبقـى دايم لــــه ولابـــد من يومٍ علــــى النعْش مرفوع=وجيب الكتـــــاب مثقـــلٍ بالأدلــه يالله تنجيني من الحشـــــر مشفــوع=عن حر هاك اليوم يــــارب ظلــــه ومن شر نـــــاسٍ وسطها الحقـــــد مزروع=أهل النفـــاق مفرقين الأخلـــــــه سـود القلوب اللي بها الحسد مطبوع=إبليس جاعلــهم للأجــــــــواد عله وتكـــبر الموضــوع تســـــعين موضوع=وتبحث عن اللي ساقطٍ مافطن له ياماسهرت الليل نومي على الكــــوع=والصـدر مشــــــحونٍ تقل فيه مله سبة كلام مصدره شخص جربــــــــوع=ولـــولا العــــواقب عارفيـن محلـــه وصغرت أنا الموضوع غصبٍ بلا طـــوع=لو إن قلبـــــي مانسى ماحصـــــله يــــــــالله ماغيرك عظيمـــــآ ومسموع=تغفر خطايـــه كـــــــان بالقول زلــــه |
رد: ديوان الشاعر علي محمد الجضعان ((قصائد)) حياك يابن مطيع حياك حياك=ياللي خذيت الطيب جوله وجوله عساه يسلم من على الطيب رباك=-عود(ن) على ماضيه تشهد فعوله أبوعوض تتعب دروبه مطاياك=مهما بذلت الطيب مانته بحوله والأ أنت حرٍ(ن) نظرته يم الأفلاك=دايم على العالي تشده ميوله يافزعة المضيوم لأجاك ينخاك=من ماحصله نافذاتٍ(ن) حلوله تحتارفيك أعداك ماتلحق أقصاك=والله مايوفيك هرجٍ (ن) نقوله أسلم سلمت الله من الشر يحماك=رمز الوفاء والطيب رمز الرجوله |
رد: ديوان الشاعر علي محمد الجضعان ((قصائد)) بيتٍ(ن) لمسلط فيه وصفٍ(ن) خيالي=صحيح لاقالوا يستحق الزعامه قالوا هبيل وجايزلي هبالي=هبال طيب ولاصحاوة رخامه ونواف حرٍ(ن) ماكره بالعوالي=عليه من وصف السبيعي علامه هذا ولد جازي كريم السبالي=عسى جهنم ماتجيها عظامه اللي كرم وصحين رأس الحلالي=حتى فرض على الجميع احترامه لو أمدحه ماني بمدحه لحالي=كلاً على طاريه يرفع إبهامه وإن قلت ابو راكان ياحي فالي=خالي وأنا خاله رفيعٍ(ن) مقامه وعيال جازي كلبوهم أبالي=اللي خذوا بالطيب كل العلامه مع الكرم والطيب زين القبالي=كلمة هلا بالضيف تسبق سلامه وبأسم المعزب مرحبا في خوالي=اللي لهم بالمجد عالي سنامه إسم(ن) سطع نجمه قديمٍ(ن) وتالي=سربت طهامينٍ ترد الجهامه وكل من لبى عزيزن وغالي=عسى رفيقه بالطريق السلامه بحفظ الله الواحد عزيز الجلالي=فردٍ صمد علام يوم القيامه ولك الفخر لاقلت شاعر مثالي=أنهى الجدال ولاتجيك الملامه |
رد: ديوان الشاعر علي محمد الجضعان ((قصائد)) أن قلـت أحبـك وأعـزك ومغليـك=ردت تقـول أنـا غـلايـه زيــاده وأن قلت عيديها عسـاء الله يخليـك=مانـي بمتأكـد وأبيـهـا شـهـاده ياحلوها لاقلتها !بين أشافيك=لاقلتهـا تــراي أحــس بسـعـاده لوهي على كيفي الى أبطيـت لاجيـك=أنتـه هواء نفسـي وغـايـة مــراده لاتحسبـن الصـد لاهـي وناسيـك=ضايق وأمن النفـس صبـر وجـلاده حتـى نهـار العيـد ودي مهنـيـك=ويردنـي شوفـت مـقـرد عـبـاده كنت أتمنـى يـوم شفتـك مناديـك=يوم أنت واقـف قـدم بـاب العيـاده مشغول بالجـوال والكـرت بيديـك=وأرسلـت نظراتـك علـى أعتمـاده لكن الخجل طبعـك وهـذا محليـك=وهذا الـذي خـلاك حـال(ن) زيـاده |
رد: ديوان الشاعر علي محمد الجضعان ((قصائد)) قصيده إهداء لوالدتي الغاليه الله يطول بعمرها ..ْ ... سلامٍ(ن) أحلى من بسر شمخ الغيد=يــا أعــز وأغـلـى مـــن تـشـوفـه عـيـونـي مـوجــهــه لأمـــــي مـــــن الـــنـــاس تــحــديــد=وعــــــــن حــبـــهـــا يــــانــــاس لاتــنــشــدونــي أمـــــــي رضـــاهــــا غــايــتـــي يــالأجـــاويـــد=وأمــــــي عـــلــــي بـــكــــل شـــــــيء تــمــونـــي وفــتـــحـــت لــــــــه قــلـــبـــي بــلـــيـــا مـــواعـــيـــد=وغـــيــــره جــمــيـــع الــخــلـــق يـسـتـأذنــونــي وأحلـى هديـة قالتـه فـي ضـحـى العـيـد=شـــوفــــة عــيــالـــك يــاعــلـــي يــســعــدونــي لاشــفــتــهــا مـســتــانــســه هــــمـــــي بـــعـــيـــد=ومـــن شـأنـهــا يــاوســام كــلــش يـهـونــي يامـا سهـرت وأنـا صغيـر علـى الـديـد=تـــســـهـــر عـــلـــيـــه والــــعـــــرب يـــرقـــدونـــي والـيــوم كـبــرت والـرجــل تــقــل بــــه قــيــد=هـــذا الـكـبــر يـخـلــف جـمـيــع الـظـنـونـي ومـادام رأسـي حـي دونــك كـمـا الحـيـد=والله لأشــيــلــك فـــــــوق راحـــــــة مــتــونـــي وعـلـيــك وصــيـــت الـعــيــال الـصـنـاديــد=قـــلــــت ارحــمــوهـــا مـــثــــل مـاتـرحـمــونــي ويالـلـي تـبـي الجـنـة وخـضـر العنـاقـيـد==أخـــفــــض جـــنــــاح الــــــــذل لايــزعــلــونــي ونــبــيـــنـــا كــــــــــرر عـــــلــــــى الأم تـــــرديــــــد==شــفــيــعـــكـــم يــــــــــــوم إنــــــكـــــــم تــبــعـــثـــونـــي ..... أخوكم/ عــلي الجـــضـــعـــان |
| الساعة الآن 11:30 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir