مجالس الفرده

مجالس الفرده (http://www.alfredah.net/forum/)
-   دواويـــن (http://www.alfredah.net/forum/alfredah28/)
-   -   ديوان ضيدان بن قضعان.. (http://www.alfredah.net/forum/threads/alfredah11395/)

f15 17-02-09 03:55 PM

ديوان ضيدان بن قضعان..
 
هزك الشوق


هيه يالي اغراك الليل واغـراك النديـم
هيه يالي هزك الشوق والمسرى ضياع
وقفي بين الخطأ والصـراط المستقيـم
وقفي بين التراحيب وكفـوف الـوداع
سولفي مثل المشاريه في صوت الحشيم
واسكتي مثل الشفايف لاطـاح القنـاع
واضحكي مثل النواويير في روضة خريم
واغربي مثل المزاجات في غرب الرفاع
وابعدي مثل المتاهات في حلـم اليتيـم
واقربي بين السوالف وكتفي والـذراع
وانظري لي نظرة الشوق للشي القديـم
واغرقي بالدمع الازرق مضاليل وسـاع
واصبري مثل المسافات في صبر الحليم
واسمعي صوت الهوى يوم فليت الشراع
يوم صرتي عود ريحان ورضاي النسيم
واصبري يانجمة الصبح مال الصبح داع
قد طلبت الله وانا بين زمـزم والحطيـم
شوفتك ياغلا سميـه لاصرتـي ربـاع
العيـون تجـوع تجـوع والله العظيـم
والعشى في عيونك السود وعيوني جياع
ان عطيتـي مايـرد الكريـم الا الئيـم
وان بخلتي قلت تكفيني والدنيـا متـاع
اقبلي يامثل التباشير في وجـه الكريـم
وارحلي مثل التعازي على موت الشجاع

رديـّة مع الشاعر سلطان بن وسـّام


يامرحبـا عـد مـالاح بارقهـا
بالصاحب اللي تعنـى علشانـي
كانه رفيقي على اللين والشـده
كله علشـان لاحـي وليحانـي
ياالهاجـري بندقـك لاتعلّقـهـا
مادام في ديرة القـوم عرجانـي
واللي مع الهاجري مايقف ضده
كله علشـان لاحـي وليحانـي
ياراعي الساعة اللـي دقايقهـا
أطول من أيام غـره وشعبانـي
بالله لاتحسـب الوقـت وتعـدّه
كله علشـان لاحـي وليحانـي
ياليـت لـك حلـة ماتفارقـهـا
مادام أنا وانت صربي وشيشاني
والحلـف لابـده يـزول لابـده
كله علشـان لاحـي وليحانـي
أم الكبائر بعـد شـاب مفرقهـا
طبت على حيد نـاري ودخانـي
ضربة بلنتي وهجمـات مرتـده
كله علشـان لاحـي وليحانـي
سلمت لحيتـك لأحمـد وحلّقهـا
الشغل مجان والمـوس مجانـي
لكـن لاترخـي الحبـل واشـده
كله علشـان لاحـي وليحانـي
ياملفـق السالـفـة لاتلفقـهـا
أرجوك لاتِزعل قبـور جدانـي
والوقت قاسي والأوضاع مشتده
كله علشـان لاحـي وليحانـي
وان شفت أنا القوم رزت بيارقها
وابي على نطحة القوم وصانـي
أُقدم وكـلٍ يوقـف علـى حـده
كله علشـان لاحـي وليحانـي



بنت الشيوخ


بنت الشيوخ اللي يسمون العنـود
من كثرها يـا زيـن حتـى قلهـا
وان ذعذعت لي بالهوى مع كل نود
يا مل عينـي بالهـوى يـا ملهـا
البارحه هبت على صـوت الرقـود
وأنا علـى ميعادهـا شفـقٍ لهـا
طرقا بهمستهـا تعدّينـي الحـدود
ميـر أحتـرم مقامـهـا وجلـهـا
ما في مواريث الفهود إلا الفهـود
وأنـا مواريـد الـذيـاب أدلـهـا




أضحى الضحى


أضحى الضحى وأنا على رجمٍ بديته من عصير
أدرى خواطر كايـد العجمـان مـن منقودهـا
رجمٍ جنوبي طلعة العشّار شـرق أبـو ظهيـر
غربٍ من الصرار والونان أشـوف حدودهـا
ومحمد بن سعود بن حثلين غير الناس غيـر
إمّيـزه ربـي خــوال وقـدهـا وقـدودهـا
حفيد من جابه معزي كنـه الـداب الضريـر
مع ابن لامي والدويش اللـي يقـود فهودهـا
عمود حمـران النواظـر كلهـم قايـد مطيـر
يوم الفغم والسـور حـراس البلـد وجنودهـا



النوخذه


العذر لويحسب على الرجل تقصير
فرضٍ ليا اخطا للرياجيـل يبديـه
وبعض الخطايا تحتملها المعاذيـر
وتدمح وتحسب شبه غلطه وتنبيه
وبعض الخطايا مالها اي تبريـر
ولاعاد فيهـا لا لمـاذا ولا ليـه؟
لكن على شان الرجال المناعيـر
يدمح خطا المخطي من الهيه للهيه
الا ليامن عادهـا عقـب تحذيـر
واخطا علي بالعمـد مالله بحاديـه
واصبح بحلقي من حساب الزارير
وبذ الخفا واطغى غروره تماديـه
آقف واضيع كل حشمـه وتقديـر
ومن قال ياضيدان؟ ماقلـت لبيـه
واجيه لو دونه جموع وطوابيـر
واسوي اللـي ماتمنيـت اسويـه
واللـي يصيـر يصيـر ويصيـر
لابـو ȵبـيٍ مايعـادي معاديـه
واهل النخل لوحسبوا للعصافيـر؟
ماتهيوا ماء بيرهم فـي سواقيـه
والنوخذه لو ما احتمل للاعصاير؟
امداه لاقفى يقطع الياس راجيـه

الجادل


حببتي والقلم يشره علـى أوراقـي
وأوراقي البيض للمشروه خضاعـه
خذت القلم والعيـون تخيـل براقـي
وأمطر قصيدي على صيفه ومرباعه
هلت سحايب قصيدي فايح اشواقـي
وانبت جمȧلك قصيدي باجمل انواعه
يامن جمالـه تعـدا هقـوة الهاقـي
خلا قصيدي على النفنـوف دراعـه
واقول للنـاس هـذي عـز ميثاقـي
اللي لها لين اموت السمع والطاعـه
الجادل اللي من اهل المستوى الراقي
رفيعـة الـذوق للمعلـوق مزاعـه
الله فرقها علـى زينـات الاخلاقـي
بيت الشرف بيتها وتعيش برباعـه
بنت الترف واسم ابيها درعها الواقي
والخال شيخ يحوش الطيب بذراعـه
مـن ماكـر مالجابـه كـل نعاقـي
ماكر حرار تشـوق العيـن طلاعـه
ريحانة في ظـلال وتحتهـا ساقـي
من دونها الموت والسلال واتباعـه
خذت من اوصاف يوسف كل ما لاقي
زعيمة الحسـن مياسـه وجزاعـه
ان اقبلت قلت ماتت لوعـة افراقـي
وان دبرت قلت عاش البين واوجاعه
وان وقفت وقفن تلعـات الاعناقـي
وان عرضت من لمحها دق باصباعه
يخضع لها الراهب العاصي وينساقي
وقلوب الابطال منها شبـه مرتاعـه
حبيبتـي والغـلا ماعـاد ينطـاقـي
شرواي ماتدركـه فزعـاة فزاعـه
انتي مدار الفلـك وعيونـك افاقـي
وانا الذي عاش حبك باربع ارباعـه
لبيه...لبيـه يافـيـي ومشـراقـي
ياغلا غلا في حياتي يااثمن بضاعـه
يالذ من فرحتي بـك لحظـة عناقـي
قلب وهبته عيونك ترفض ارجاعـه
مدامني لك مليك وترفـض اعتاقـي
قلب يكسب الكنز عاش ومات ماباعه
حبيبتي والقلم يشرب مـن اعماقـي
عساي بينك وبين الشـر واطماعـه
لا يابعد عمري اللـي راح والباقـي
ياجعل يومي قبل يومك لـو بساعـه



العمر مشوار


يا لله ياللـي اليـا ضاقـت تفرجهـا
يا فارج الهـم والضيقـات والكربـه
يامخرج العبـد لا ضاقـت مخارجهـا
عن موقفٍ يطحن السربه ورا السربه
افرج لمن كايـد الطرقـات ينهجهـا
لو ماش بكره ولا مزهـب ولا قربـه
بمرك يهوم الدروب ايليـن يسهجهـا
ولولا الرجابك قصر ممشاه عن دربه
ثم الرجا فـي رجـالٍ مـا يخالجهـا
في نفوسها شك والطيـب تفاخربـه
شرواك ياللي اليـا صكـت نعرجهـا
صوبك شمال الشموخ وشرقه وغربه
ننـصـاك نرثعبـهـا ولا ندرجـهـا
ومن شاف وجهك نسى الهم وتباشربه
يامن تسر النظـر والنفـس تبهجهـا
أنا أشهد ان العيون لشوفتـك طربـه
لو حدها عنك شـيءٍ قـام يحرجهـا
من علةٍ جات والاوضـاع مضطربـه
والعله اللـي نحولـي مـن نتايجهـا
ليـه أتعبـر بهـا يالهرجـه الذربـه
لا صار صبري عليهـا مـا يعالجهـا
ماعاد لي عـذر وش عـاد أتعذربـه
هب الهوى والسفينـة قـام يدرجهـا
موج يهول العقل في جمبهـا ضربـه
امـا نطحهـا الهـوى ولا تولجـهـا
ولا كل من غربوا عادوا من الغربـه
البحـر غـدار وامواجـه تموجـهـا
يخفي المنايا وصوت الموت يجهربـه
الاقدار تخفـى نجـومٍ فـي توهجهـا
ويموت ميعادها اللي كـان تظهربـه
قلتـه والايـام مدخلهـا ومخرجهـا
ماهوب مثل الجمـال اللـي تظاهربـه
عادات الايـام لـو يغـري تغنجهـا
لا بد بين الضلـوع تمكـن الحربـه
ومن لا يشد الرسن بيـده ويسرجهـا
ويضرب بها كل ربـعٍ كايـدٍ ضربـه
يموت من ونـةٍ ماأحتـال يزعجهـا
وحسبه على اللي عن اليمه تياسربـه
وكثـر القنـوات ومتابـع برامجهـا
ما تلحـق الرجـل مقصـودٍ يفكربـه
والايام كثر التـرف فيهـا يسمجهـا
والعمر مشوار والرجـل إيتعبـر بـه



سديري وطاقية


كفى يا الأمير أرجوك يكفي كفا يا أمير
ترى الخال مايسمـع نصيحـة بناخيَـه
وترى يا طويل العمر ما عادني بصغير
كبـرت ودريـت بمـا عليَه..وماليَـه
وترى يا طويل العمر ما ينفع التفكيـر
على واحد ٍ ماله عن اللـي يبـي نيَـه
أقوله وأنا ياميـر مـا عادنـي ببخيـر
على بنت ٍ شيخ فـي عبايـه ملوكيـه
طموح ٍ على شاني وأنا شايم ٍ عن غير
هواها..ولا فكـرت فـي ذي ولا ذيَـه
وإلى هب نسناس الهوى للحزين عصير
وربط غترته من تحت حلقـه بأياديَـه
ويم بوجهه للهوا وقـم حومـة الطيـر
وتنهد..وون..وحـط ايديـه بمخابيَـه
تذكر ذعاذيع الهوا يـوم كـان صغيـر
يوم ان أكبر احلامه سديـري وطاقيـه
وقفَا وهو مابين واقـف وبيـن يسيـر
ووقف..من جديد وحط ايدينـه فأذانَيـه




ياباشة الروم


يا باشة الروم لا تطلع علـى متنـي
اطلع على متون رومك وانت شرواها
انا مسيـر فقـط والرجـل جابتنـي
من دار حكام نجد اللي انت بحماهـا
يما اكرم الضيف باول فوح لا يثنـي
والا اترك الداب وشجرته ودعواهـا
لو ادرى مجلسـك والبـرد بيتنـي
ماني من ربعك اللـي تفهـم لغاهـا
جعلك فدا وقفتي لو جلستـي حتنـي
وحبة خشم وانت قاعد جعلك فداهـا
مابيع نفسـي لـو الايـام باعتنـي
ولا جيـت ادور الإهانـه واتمناهـا
الحاجه اللي على شـرواك حدتنـي
والا انت مانت بقد النفس ورضاهـا
ياللي علـى دارة الأقـدار ساقتنـي
ميز هديـر الجمـال وميـز رغاهـا
بداية الـدرب عـن تاليـه كفتنـي
بشعب ذلولي عشاه يطيب مسراهـا
من يوم شفتك الامام وتشرب التتني
حرمة اصلي ورا اللي تجلـد لحاهـا

يامرحبا


يامرحبـا ترحيـبـةٍ كلـهـا لــش
تكسيش من راسش ليا حـد ماطـاش
من قلب مهيـومٍ بحبـه صفـا لـش
يلعب به الغربي ليـا سمـع طريـاش
يفرح ليا مـن قالـش كيـف حالـش
ولولا غلاش وحشمتش كان ما جـاش
وان قلتي انه غايتـش شـف بالـش
كأنه ملك يعرب من الطـاش للطـاش
يابري حالـي كيـف مالـي ومالـش
لا والله الا لي ولـش لعنبـا الـلاش
من هامتي لي محزمي لـش حلالـش
بيتش فديتش واسكني وسـط الجـاش
اما ابتلشتي بي وانـا فيـش بالـش
غديت كأني من شـرى علتـه كـاش
انا في وجه امش وابيـش وخوالـش
ما اجيش لي حاجه واعود على ماش !




لي على الدنيا30وكفاني


الله الـواحــد ولا الله ثـانــي
وحده عبـد سجـد قلـب وعقيـده
مومن يصبـر ليـا جـار الزمانـي
في رجا اللي مدتـه تغنـي عبيـده
وان تحدانـي زمانـي و احتدانـي
للدروب العـوج والكـف الزهيـده
شمت عن باقي حياتي فـي ثوانـي
والجسـد لابـد مـا للدنيـا تبيـده
ما خلقت اعيشهـا عيشـة هوانـي
يا عسى روحي وروح ابي شهيـده
ولا يامـا روح الليـل وسـرانـي
و كم سريته غي و احلامي سعيـده
و كم خذا مني الزمان و كم عطانـي
و كم قصر يمناي عن شـي اريـده
ما سألته لو بعد جـار و iiخذانـي
الا عن عمر غدا وشلـون اعيـده
لي علـى الدنيـا ثلاثيـن وكفانـي
منها العشـر الاخيـرات الشديـده
علمتني كيـف اوقـف ولا دهانـي
ما دهى سعدون فعقـاب وعضيـده
علمتنني كيـف لا ماتـوا اخوانـي
و مات ابي و الكف ما تصفق وحيده
كيف اوقف و اتشهـد فـي مكانـي
و اثبت بيوم عسى الله مـا يعيـده
يوم لحق العلـم الاول علـم ثانـي
والحق والحظ...الفقيـده بالفقيـده
آه من شـي علـى قلبـي كوانـي
لين وقـف دم قلبـي فـي وريـده
والشجاع الي وطاه اللـي وطانـي
عزتي له لـو بنـي عمـي عبيـده
يابنـي عمـي عريبيـن المجانـي
ياهل الوقفـات والاريـاء السديـدة
يا سلايل مـن يـروون السنانـي
لا قـدح حـد الحديـدة فالحـديـده
علموا السبع عن سهيـل اليمانـي
الفريـد اللـي مطاليعـه فـريـده
وعلمو اللي يحسبن ضيدان وانـي
يا عوينـه كـان ذا حـده وجيـده
وقولوا اني فالرفاع مـن الطمانـي
وكل درس مـن حياتـي مستفيـده
ان ثقل حمله فانا الهرش العمانـي
وان تربـق فالقيـود افـك قـيـده
و علموا اللي لاصفت الايام جانـي
وفالرخـا يسـوى ثلاثميـه بديـده
وان قست الايام شفته مـا يدانـي
مترف ماله على الرمضـا كببيـده
وعلموا اللي يوم زانت لـه نسانـي
لا يحسب اني ليا من صحت ميـده
يوم اصيح ...اصيح للي لا غشاني
نفحـه منـه تذكـرت القصـيـده
وان تناوشت القلـم والليـل دانـي
ماغدا لي مـن شرايدهـا شريـده
والله ان اغلى القصايد فـي كيانـي
فالملك عبدالعزيز ...وفـي حفيـده
الكريـم اكـرم كريميـن اليمانـي
الشجاع اللـي لـه امجـاد تليـده
الفعـل هـو عنتـره والغيهبانـي
والكرم هو حاتمـه وابـن مهيـده
ابلـج مـن دون سيـاه الحسانـي
رايتـه عليـا ونظراتـه بعـيـده
أذكـره لا لفنـي الوقـت وطوانـي
واعتزيت وكل قلـب صـار حيـده
واتذكر لا قسى الوقـت و رمانـي
في دروب التهلكه والـدرب سيـده
اتذكـر بسمتـه و العمـر فـانـي
وجود كفيـه ومساعيـه الحميـده
ذاك ابو عبدالعزيـز اللـي كسانـي
بالجمايل مـن قديمـات و جديـده
أشهد انه قصرنـا زيـن المبانـي
من حداه الوقت شوفه يـوم عيـده
درعنا اللي فوق الامتـان امتحانـي
ضافـي هجـل مقاضيبـه جويـده
وسبفنا اللي لا تولى الضـد لانـي
في نهـار ياقـف الضـد لضديـده
عدنا هداج لا اجـدب كـل سانـي
كن مورادنـا علـى جالـه تزيـده
الفخـر للفيصلـي ريـف العوانـي
خالد اللي يكسـب الطـالات بيـده
ياهـل التاريـخ جزليـن المعانـي
يالرجـال اللـي مصادركـم وكيـده
انشدوا منهو الحصان ابن الحصاني
ومن زعيم الطيب ولا مـن عميـده
عن حفيـد موحـد الدولـه وبانـي
مجدنـا اللـي باربعينـه مستعيـده
اشهد ان الجد شـرف يـوم بانـي
واشهد ان العود عقب لـه وليـده
ياطويل العمـر وقـف لـي ترانـي
كان ما وقفت لي طحـت النضيـده
موقفك ما هـوب لفـلان الفلانـي
وعن مقام الذيب ما يغنـي وليـده
بيض الله وجه من وقـف عشانـي
ساعه كـل طـرف بشتـه قعيـده
والا انـا لله شكـري وامتنـانـي
ثم ملكنـا ثـم حكومتنـا الرشيـده
سيدي يا سيدي لـو كـان اعانـي
مـا درت الاذن القريبـه والبعيـده
وان وصل صوتي لصقهان الاذانـي
كيف اصب العلم فقلوب بليـده ؟؟؟
فـي كتـاب الاصفهانـي للاغانـي
خير ممـا فـي المجلـة والجريـده
و الشعر لو مـا تحاكيتـه حكانـي
موهبه من واحـد يصـدق وعيـده
ان بغيت ادلعـه قمـت و زهانـي
و ان بغيت أطوعه عمـه و سيـده
وان بغيت يقال : صح الله لسانـي
سعد من خالد على الدنيـا رصيـده




خطر غصن القنا


أنا .. أنا وأعوذ بك يـارب مـن كلمـة أنـا
عبد وهبته من بديعـات المواهـب ماوهبـت
آمنت بك وأسلمت لك أمـري وأناوأنـا وأنـا
المنتهي كل أربعاء والمبتدي فـي كـل سبـت
أخاطب عقـول الرجـال الفاهمـه وانـا هنـا
وان شاء ربي ثم أمرنـي ماتحاكيـت وكذبـت
أجمل نساء الارض غنت لي بصوت ((الله لنا))
وأنا الفقير اللي رزقه الله بمرعـى كـل نبـت
طرقا عرض فستانها الازرق خطر غصن القنا
نازل على الوادي بنا يشرب وانا قبله شربـت
حبيتها ليـن انفـرط سلسالهـا بعـد وعنـا
وأبعدت عنها في حياتي كثـر ماعنهـا قربـت
قولوا لها يا أجمل نساء الارض ((أما آن لنا))
أن ننهي الحلم القديم ونكبـت الغايـات كبـت




لبّا عيونك


لبّـا عيونـك ولبّـا خـدّك وخـالـه
ولبّـا المحيّـا ولبّـا الليـل والشّفّـه
فديـت عمـرك بتجريحـه وغربالـه
لو تشربه لارض غيره والبحر جفّـه
هلّي كما البدر غيضـي كـل حفّالـه
وسجّي عن الليل لا يلهيك في صفّـه
وهزّي على صوت رجف القلب وهباله
الطـار قلبـي وكـفٍ توجعـه شفّـه
يا شفّة العيـن قبـل تجيـن جمّالـه
وجيتي ولا شفت غيرك لو رفع كفّـه
كنّك لحالك حضرتي الحفـل فالصالـه
ولا شفت غيرك بشر يا قمّـة العفّـه
أنتـي زعيـمٍ رفـع للقـوم فنجالـه
وكـلٍ تعـذّر شروبـه ليلـة الزّفـه
وانتي بيمنى الحلا والنـاس بشمالـه
ثقيلة العقـل فيـك الـدم يـا خفّـه
احيي قصيدٍ بغيت ابكي علـى اطلالـه
في غيرك يموت لـو أحييـه وازفّـه
وان عـوّدت للغـلا غـلاك بلحالـه
أنتي بكفّه باقـي النـاس فـي كفّـه



يا وجودي


ياوجودي كل ماهـب نسنـاس الشمـال
وجد من حدّه زمانه على اللي ما يبيـه
وياوجودي كل مااغفيت ثم مال الظـلال
لاغفت عيني ولاذقـت شـيٍ مشتهيـه
وجد من قفّى وهو في رجا كلمـة تعـال
والتفت من عقب مااقفى ولحدن لدّ فيـه
وياعذابي لادنا الليل من روس الجبـال
وانتهى يومٍ من العمر ماعـاد ارتجيـه
وانتي ابعد من سما الحلم ووصالك محال
يابعد من هلّ دمعي ضحى الفرقا عليـه
ياغناتي لاتحسبين دمعـي يـوم سـال
ضعف والاّ خوف والاّ كـذا والاّ كذيـه
والله اني من رجـالٍ يضـدون الرجـال
لكن الحظ الردي سـاق دمعـي كلبيـه
ووالله اني كل مـادار حوليـك الجـدال
قمت كن الموت يشر على قبري يإيديـه
ووالله ان قد لي وانا اصد لاجالك مجال
صدّت اللي لاتضايق تذّكـر قبـر اخيـه
ومن سألني قلت مدري واذا عاد السؤال
قلتله تكفى سؤالك تـرى ماهـو وجيـه
وش تبيني اقول عماََ ترى ذبحي حـلال
والخطا منها علي صرت احبه واهويـه
عذرها لو ماتعذر مثل واضـرب مثـال
واحدن مايعرف الحر الأشقـر يشتويـه
وان رجعنـا للتواصيـف لله الكـمـال
لا انتهى ليل المزاييـن جاتـك تبتديـه
كنها غفلٍ مع البـدو طاويهـا الحيـال
ما يميز وصفهـا الاّ نبيـهٍ مـن نبيـه
واهني اللي وصلها وذاق امـن الـزلال
رشفةٍ مع غفلة الناس من فيهـا لفيـه
واعزتي للي سواتي عشق ما لا يطـال
ويوم طاله ضيع الحلم بين أمه و ابيـه
يااول احلام الطفوله على حـد الخيـال
الرجا بللي حمى البيت من حملة بريـه
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
هيه يللي غرك الحسن واطغاك الجمـال
والله ان اموت ماشفت لاوصافك شبيـه
لو يسام الحسن والتيه بجنيـه وريـال
مابقى في سوق غيرك لا ريال ولاجنيه
كيف اهدك للمقابيل وانتـي راس مـال
راس مال ومال والماال مايعطى السفيـه
حافظك حفظي لعيني ورمشي لك جـلال
وانتي تشحّين بالما وانا شفّـي مويـه
شايفن ظلمك وساكت وطال الليل طـال
لاتركتي طعن قلبي وانا ماقلـت ليـه ؟
لو بقا للهيل صبرن على فـوح الـدلال
مابقى للقلب صبرن علـى شـيٍ يجيـه
كنت احسب ان الغلا زال واثره لايـزال
في الحشا ماكنه الا دخيـلٍ فـي وجيـه
ساقني حبك على الموت وسنيني هـزال
والظروف اقسى من الظلم للعرض النزيه
وانتي تسوقين عقلي على حـد الهبـال
تحسبين ان من بغى شي يقدر يشتريـه
والاّ انا ياوجد حالـي وجـودن مايقـال
وجد من ضحى بغاليـه لرضـا والديـه
وياوجودي يااول العمر قبل ألبس عقال
وجد من باع آآخر العمر في رغبة ذويه
وياوجودي كل ماهب صوتش من شمال
وجد من حدّه زمانه على اللـي مايبيـه




بـرج الـعاج


الدلو والميـزان والقـوس والحـوت
ماغير بـرج العـاج تغـري وصوفـه
وبرج بقلبـي بـرج لولـو وياقـوت
لا يـا بعـد بـرج الحمـام ورفوفـه
ما يسكنه غيرك من السيـف للكـوت
لو ينتحـي راس الولـد عـن كتوفـه
علـم وكيـد بالمواثـيـق مثـبـوت
ما هـو عـذر اللـي يفـرك كفوفـه
والله لا سافر لك لـو ارجـع بتابـوت
وانا من اللي مـا ربـوا فـي مروفـه
على الشقا لاع الهـوى كـل شفلـوت
وانتـي تلوعيـن الحشـا بالطروفـه
والوقـت للجاحـظ والايـام هـاروت
والقلب حاتم وانتـي اغلـى ضيوفـه
يا مرحبا ترحيبـة عقـاب يـا نـوت
والحـي يلحـق لـو تحـده ظروفـه
صوتك يكفيني عن الشـرب والقـوت
وشوفـك غناتـي والحيـاه مخلوفـه
يااقوى من اللوعات واسخف من التوت
وابلغ مـن البيـت الاخيـر وحروفـه
رجـل تنادينـه ولا يسمـع الصـوت
خسـارة سمعـه وصوتـه وشـوفـه
ورجل يضمك بيـن اياديـه ويمـوت
والله مـا يلحـق حيـاتـه حسـوفـه




المصرعيه


يقول من وقع علـى تنـدت الجيـب
عصر الخميس بفيضـة المصرعيـه
عزي لمن جاففـوه روس المعازيـب
واضحت يدينه مـن حزامـه خليـه
ياوجد حالي وجد شالح علـى ذيـب
على طويـق اللـي ركونـه ذريـه
وين أنت ياريف الخوي منبع الطيـب
يـوم ولـد الـلاش يضهـد خويـه
ياعين لاتبكيـن تـرا البكـا عيـب
حتـى ولـو صكـات بقعـاء قويـه
ويارجـل لـو جبارتـك للعراقـيـب
ابدايـة المشـراف حقـك علـيـه
لابد ماتجبر اكسـورك وأنـا أطيـب
بـإذن الله الرحـمـن رب البـريـه
وأبدي عصيـر بنايفـات المراقيـب
وأجر صوتي عادها الشمـس حيـه
وأن كان ماهيضت غيـري فلانيـب
كفـوا تلاحـي صوتـي الراعبـيـه
من طلعتي لين أمتلا عارضي شيـب
وأنـا ورا الهقـوات عينـي شقيـه
أرقى بلعبي فـوق لعـب اللواعيـب
ومـن المطالـع طلعتـي عالمـيـه
أغوص غبات البحر نكـس وأجيـب
غنـاة نفـس مـن صباهـا غنيـه
مانيب من يقنـع بهـزل المكاسيـب
ولانيب من يجزي الحسانـي بسيـه
القلب غير الحب مرتـاع أصاحيـب
والنفس غيـر العـز ماهـي دنيـه
والكف غير الجـود تنـدا مواجيـب
والراس غير الشعـر يقـدح حميـه
عادة هل السمراء هل الشيخ وعضيب
لادخنـت يـردون حـوض المنيـه
وإن ساقت الدنيا السرايـا مراكيـب
تنطـح سراياهـا سريـه سـريـه
علـم لمرواسـه تسـاق المناديـب
ولا تجـيـه الصـبـح وإلا قفـيـه
وأنا ولد منصور عطـب المضاريـب
اللـي كفوفـه فـي الشدايـد نديـه
لويالـدن مـع الخشـوم الرعابيـب
ماجابـن اللـي جابـت الجابـريـه




سكر الخط


سكر الخط صبري وصل حده
او تراجع لو الخاطر كسرتـه
صرت تلعب بقلب منت قـده
غربلته الليالي وانت بورتـه
عقب ذيك الموده صرت ضده
ولو تجاهلت حبك مانصرتـه
بين مزح الزمان وبين جـده
لا قبلت الغـرام ولا نفرتـه
كنت اقدر غلاك وكنـت اوده
قبل ساعات لكنـي خسرتـه
حتما انسى الغلا لو بعد مـده
وان ذكرته نسيته ماذكرتـه
شي عادي وسد الخط سـده
يلعن الليل كان أني سهرتـه
ويلعن الحب ويلعن جد جـده
انتهينا وسعيـك ماشكرتـه

وتقبلو تحياتي

منقووووووووووووووول


__________________

أبو وسيم 19-02-09 01:54 PM

رد: ديوان ضيدان بن قضعان..
 
الله يعطيك العافية على هذا النقل الرائع

وبارك الله فيك وفي جهودك

ولك تحياتي

العــود 19-02-09 06:55 PM

رد: ديوان ضيدان بن قضعان..
 
f15

الله يعطيك العافيه على نقل
ديوآن الشآعر الرائع ضيدآن بن قضعآن
الفـ شكر وتحيه لـ مجهودك المتميز
وعطآؤك اللا محدود

على المحبة نلتقي

f15 20-02-09 09:32 PM

رد: ديوان ضيدان بن قضعان..
 
اقتباس:

المشاركة الأصلية كتبت بواسطة mazel alfreidy (المشاركة 88013)
الله يعطيك العافية على هذا النقل الرائع

وبارك الله فيك وفي جهودك

ولك تحياتي

اشكرك على المرور تشرفت بمروك

طلال الحمـاد 21-02-09 02:23 AM

رد: ديوان ضيدان بن قضعان..
 
الله يعطيك العافيه مشكورر

f15 04-03-09 08:42 PM

رد: ديوان ضيدان بن قضعان..
 
اقتباس:

المشاركة الأصلية كتبت بواسطة mazel alfreidy (المشاركة 88013)
الله يعطيك العافية على هذا النقل الرائع

وبارك الله فيك وفي جهودك

ولك تحياتي

اشكرك على المرور تشرفت بمروك

قرناس 12-04-09 04:36 AM

رد: ديوان ضيدان بن قضعان..
 
يعطيك العافية على هذا النقل الرائع

f15 08-05-09 05:22 PM

رد: ديوان ضيدان بن قضعان..
 
اقتباس:

المشاركة الأصلية كتبت بواسطة قرناس (المشاركة 94419)
يعطيك العافية على هذا النقل الرائع


سليلة المجد 26-06-09 06:53 AM

ديوان جميل
وروعه

نواف فارع 02-10-09 06:31 PM

مشكوووووور والله يعطيك الف عافيه


الساعة الآن 02:09 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52