|
ديوان الشاعر الكبير شريف بن راكب الفريدي الشاعر الكبير / شريف بن راكب الفريدي شاعر متمكن سوف نضع بين يديك اخي القاري الكريم عدداً من قصائده والتي جمعناها من خلال ماشارك به عمنا في مجالسنا حيث انه من الشعراء الذين اثروا المجالس بالعديد من القصائد التي تعتبر من درر الشعر النبطي كيف لا وقائها ومهندسها هو الشاعر الكبير شريف . ومن المعروف انه من الشعراء الذين يناقشون بعض القضايا الاجتماعية والآداب العامة وهنا يتحدث الشاعر عن بعض الصفات الذميمة لمن يقاطع المتحدث أثناء حديثه وخصوصا إذا كان كبير قدر وسن ويحكي من واقع تجربة ومعرفة أترككم مع القصيدة فهي تشرح نفسها وارجوا أن تنال إعجابكم .......
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي مشكور يا منصور لكن فيه قصيده سمعتها من شريط لشريف اتمنى لوتأتي بها كاملة لأني بحثت عنها ولم اجدها وهذا بيت منها لوالغلطة على الصاحب احملها .... فقدت ثلثين من مجموعة اصحابي |
رد: ديوان الشاعر الكبير شريف بن راكب الفريدي اخوي منصور الوسوس مشكور على النقل الرائع |
رد: ديوان الشاعر الكبير شريف بن راكب الفريدي أضافة رائدة جميلة لقصائد الشاعر الفذ الكبير صح لسانه وعلا شأنه مشكور ابو محمد على الجهد النبيل الرائع و سعدت بهذا الموضوع و اثلج صدري فلك فائق التحايا وعبق شذى الاقحوان بورك العمل |
رد: ديوان الشاعر الكبير شريف بن راكب الفريدي الله يعطيك العافية على هذا النقل الرائع |
ياعــلّــك دايم فالوجود يالوسوس |
مشكور على النقل الرائع يابو يارا ويعطيك العافيه |
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
............................. |
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
................... |
رد: ديوان الشاعر الكبير شريف بن راكب الفريدي =منصور الوسوس;33779]الشاعر الكبير / شريف الفريدي عندما تقرا قصائده تجد أنها تحاكي الواقع وتتحدث عن بتلقائية وعفوية عما يدور في المجتمع شاعرنا أهدى للمجالس مجموعة من القصائد منها هذه القصيدة الجميلة ، أرجو أن تحوز على أعجبكم كما أعجبت ناقلها لكم . ياحبني لاهل النوايا السليمه=اللي مثل غيثٍ يعزّل نفيضه عند الحشام تشوف نفسك حشيمه=وعند الليام يقال مافيك عيضه من لادعى النفس لهواها خصيمه=يشوف من نوع الخطا مايغيضه لي سيرةٍ هي تاج راسي قديمه=حملتها قدام حمل الحفيظه نفسي لها عندي معزه وقيمه=واخاف يكسرها الغلط كسر بيضه ما زتها مع كل طاري عزيمه=واعدها وسط المحافل حضيضه اخشى يجي من لايعرف الوسيمه=اللي يشيّل له فشقةٍ نقيضه تثور من حظي واحصل قسيمه=وابقى ورا قصه طويله عريضه اليا انسحبت يقال شاف الهزيمه=ويحبك سداها بالسلوك الغليظه وتساوت الذله معي والجريمه=واصبح حدى الامرين مثل الفريضه اليا اعترض قدمي خطات البهيمه=ذبحه حرام وتركتي له غميضه بعض القصور يعوض به سمل خيمه=لياصار تلقى به قلوبٍ مريضه بعدك عن اللي مايودك غنيمه=وفراق من قلد خلايف قريضه لويمسح المجرم دموع اليتيمه=تشوف نظرات العيون البغيضه .................. |
رد: ديوان الشاعر الكبير شريف بن راكب الفريدي [quote اقتباس:
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي اقتباس:
وسوف يتم اكمال ماتبقى قريبا باذن الله تعالى وتقبلو اجمل تحية .............. |
رد: ديوان الشاعر الكبير شريف بن راكب الفريدي مشكور يامنصور والله يعطيك العفية |
رد: ديوان الشاعر الكبير شريف بن راكب الفريدي فرصة ثمينة ولايمكن توفرها = والله ماافرط بساعة من تمانية سلام ياديرةٍ تنشر بشايرها = اللي يسمونها كبد الحديديه بسم الحديد اشرقت باجمل مظاهرها = وفازو هل المجد بالثقه الملكية ومن لايدسم شوارب مايغبرها =ولايدرك الطايلة من نام بالفية هدية من هل الحفله وشاعرها = عنوانها أزكى الصراحة واطيب النيه يامرحبا بالرجال اللي نقدرها = جميع من زارنا وإلا نوى الجيه ترحيبةٍ دايم الدوله تكررها = بوفود الإسلام ترحيب السعوديه الدوله اللي عسى الله مايغيرها = على الوفا واحترام الدين مبنيه تقدر الشعب وتهلي بزايرها = وتكوي مريض الفواد وتنجض الكيه مرحوم ياقايدٍ علاَ منابرها = كتبه على كلمة التوحيد مطويه على مسار النبي وجه دوايرها = في طاعة الرب ماموره ومنهيه زاول وحاول على وحدة عشايرها = وابلاغهم بآخر الكتب السماويه وخلَى القبايل توقف عن تناحرها = وقضى على مصدر الفتنه من البيه ياصعب طرق مع البيدا يعاصرها = ليا غابت الشمس حط النجم ماريه سدد وهدد على مدنٍ يحاصرها = لين المكابرخضع له وانتهى غيه شرًق وغرًب وحدد في معابرها = واعاد دوله لها الماضي اسلاميه قضى على شرًها وامًن مسافرها = من سيرة الغدر واهل الغدر محميه اخذت جزل السوالف من مصادرها = من روس قومٍ بهاك الوقت معنيه ادركت من جملة الوقعات خابرها= ينقص ثلاثين من عمره عن الميه كن المعارك على شاشة يصورها = ويسمي القوم خياله ورجليه هذي عناوين عن سيرة محررها = مافيه شيخ كهل ماقالها ليه واقفت ركابه وسلمها نوادرها = اللي عسى نارهم طول الزمن حيه من سادها قادها واكمل تطورها = وركز على امن البلد والجيش والهيه تحظى بترسانهٍ ترهب ذخايرها = ولنا الشرف زود لونملك نواويه ماقولها قصدي العالم ندمرها =من شان يصحي هذاك وتنتبه ذيه والشله اللي جليل الملك عاثرها = اللي لها اسماء عديدة منهن الفية افعالهم كل من بالكون ينكرها = واوكارهم من بلاد العدل منفيه ياجاهل الدين نفسك لاتفجرها = وش ذنب طفل يوارى القاع بدميه وياجب على رب كل إسره يحذرها = ويرسم لها السيرة الحسنه من السيه قلت القصيدة ولي تعريف بآخرها = ازف لأهل الوفا كامل تهانيه لي ربعة واتفاخر من تفاخرها= اولاد راشد سيوف العز بيديه الطيبة مابهم من لايعاشرها = والسالفة ماتجي من يمهم نيه واثني على حرب غايبها وحاضرها = صفحاتهم بالذهب والماس مطليه يوم إن الأتراك في طيبة عساكرها = دارت رحى المعركة مع حرب حوليه وخلينا الأتراك ماتنسى خسايرها = اربع قطارات بالعاقول مرميه نسألك ياغافر الزله وساترها = منك الخطايا بيوم البعث ممحيه وصلوا على هادي الأمه وآمرها =اللي بعث للبشر رحمة وماويه |
رد: ديوان الشاعر الكبير شريف بن راكب الفريدي أعرض لكم قصيدة الشاعر شريف بن راكب القيت في حفل زواج ناصر بن مبارك ابن ناصربـن حـديـد بسم الله الرحمن الرحيم هذه القصيدة نضمها وألقاها الأخ الشاعر/ شريف بن محمد الفريدي بمناسبة زواج الأبن ناصر بن مبارك بن حديد في تاريخ 6/5/1431هـ.. نقلتها لكم لأنها درة ثمينه وشكر موصول للأخ الشاعر مبارك بن ناصر بن حديد على القصيده خـــيـر مـــاقـيــــل قـبـلي مـن كـلام يـفـيـد=نـبـتـدي بــالـسـلام ونـنـتـهـي بالـسلام نـحــمــد الله هــدانــا للــعـــبــاده عــبــيـــد=عــارفــيـن الحلال من الطريق الحرام نـقـتـدي بــالــرســول ولــســيــر نـسـتـعيد=نــور بـدرٍ تـجـــلى مــاغـطـاه الـظلام يــأبــن آدم مــع الله خــل حـبــلك جـــويــد=وأعــرف أنــك تـنـام وفـيه مـن لا ينام وكــــل شـيٍ تــريـــده دام مــالله يــــــريـد=لـــوتــكــرس جـهــودك ماتـحقق مرام جـيــت أشــارك وأبــارك بـأحتـفال الحديد=الــمــيانـه تـراها طـبع ضيف الكرام عــرفتــي بـــالنـشــاما مــن زمـانٍ بــعــيد=بـيـنـنا أقـوى عـلاقه فوق خمسين عام الــوفــاء وآرثــيـنــه مــالــفـــوا بــه جـديد= مـــن سنـيـنٍ طـويـله عـنـدهم له وسام مــايــحـصـل وراهــم كــل ســاعـي بـريد=كــود جزل السوالف محكمات الخطام كــل مــاشـفـت واحـــد قــلـت طبعه فـريد=مــابــهـــم مــايـقــال ومــاعـليهم كلام وعــد مــاهـــل وبــلٍ مــن خــيــالٍ سـديد=وعـــد مانـاض برق وعـد ماطير حام مرحــبا بـالجـمـيـع وســاعــةٍ يــوم عــيـد=كــل غــالي نـشــوفـه لـه محل أهتمام شـوف جـمــع الجماعه عندنا أكبر رصيد=تـثـلجـون الــصـدور وترفعـون المقام وأنـقــل أعــلـى تـحـيـه مـثـل بـرج الـوليد=للــشيـــوخ الأكــارم مـنـزله وأحترام قــدرهم مــايـهــان ومــستــواهــم يــزيــد=وارثـيــن الـشـــداد ومــالـكـين السنام يــوم وقــت الـقــســاوه والـظـعن والشديد=نـعـتـبـرهم دروع ونـعـتـبـرهم حـزام مــانـجـازي وفــاهـم بـالــردى والـجـحيد=ولانــضــيع جــهــود معـــدلين الجهام النــهـأيـه نـســألك يـــالحــمــيـد الـمـجـيد=يــوم تـفـنى الجميع ويوم تحيى العظام رحمـةٍ مــنك فـيــنا يـــوم هــاك الـوعـيـد=يــوم تـبــقـى الـخـلايق تنتظر لأنقسام احــدٍ يــودعــونتـه بــيـــن نــار وجــلـيـد=يبـــتـــدي لـه حيـــاةٍ مـــاتـــغير دوام شـف طريق العذاب وشف طريق السعيد=بـيـن حـور الجنان وحدر بيض الخيام النـهـــايـــه ســـلام وشــكـــر لله قـــــــيد=وكــل شــي بـنـظام وديننا أحسن نظام الشاعر.شريف بن محمد الفريدي |
رد: ديوان الشاعر الكبير شريف بن راكب الفريدي شريف الفريدي احد الشعراء المجيدين في منطقة القصيم له قصائد رائعة اتمنى من يعرف شيء منها ان يقوم بنقله لنا وله وافر الشكر . وكذلك بالنسبة للشاعر / مبارك بن ناصر الحديد الفريدي من الشعراء البارزين في منطقة القصيم ويعتبر من مشاهير الفردة في هذا العصر ومن المشهورين بالكرم والعلم الغانم وله وقفات رائعة وهو من الرجال المحسوبين امد الله بعمر الشاعرين على الطاعة ذكر لي احد الاخوه هذه المساجلة بينهما فرغبت بنقلها لكم مع اجمل وارق تحية يقول الشاعر / شريف يأبن حديد المشكلـه مالهـا حـل=إلا أن قلبـي يتـرك الـود كلـه مـدام قلبـي لاتوانـا ولا مــل=الود عنـده صـار مثـل الجبلـه ذكرت له سن الهوى عقب مـازل=وضحت للجانـي جميـع الأدلـه وحتى من الي يتبع الشيب مـاذل=بقى مثل جـدى النجـوم أمحلـه أن كان مالله دلـه الـراي مـادل=مـن لايدلـه خالقـة مـن يدلـه إليا ذكرت أرموش عكشا لهن ضل=من نظرت الحاسد عليهن اسملـه وقفت لين أن العنـا يكتمـل فـل=وراجعت لي ماضيا بعيداً أسجلـه الجادل اللي تلنـي بالهـوى تـل=تلـت قطيعـاً قفـي الـدق جلـه اللي بقلبـي لـه عمـارات وفلـل=ليتـه بقلبـه حطـي ربـع فلـه والله ماقول لمنجرح روحي بحـل=عقب الدروس القاسيـة والمذلـه هاذي عيوبي وأنت للي بقاء فـل=أن كان مانته ساتـراً كـل خلـه والله لو أملك عقـل ماذكـر الكـل=لون مع عقلـي عقـل كـان فـه وأقبل تحياتـي عـدد كـل ماهـل=مزنا صدوق أخيـال وبلـه يهلـه ونهايت المعنى على المصطفى صل=وسبح لمن نركع ونسجـد رضلـه الواحد الخالق هو المعتلـي جـل=عسـاه يسمحلـي وقوفـا بظلـه ثم وصلت القصيدة للشاعر مبارك بن حديد فرد بهذه الابيات لابـاس ياللـي بالـغـرام يتـغـزل=اللـي شكـا مـن ماقـف حـاصلله يالي عذلـت القلـب والقلـب ماكـل=جـددة للـي قـال بصـري بحـلـه جـددة لـلـي قــال بـصـري أول=وللي لقاء الطيـار مـن جـور خلـه من الوحيد اللي من الحب مـن سـل=كم واحد قبلـك هـوى الغيـد سلـه ولنت الوحيد اللـي بنـاء للهوى تـل=بـروس الهضـاب النايفـه مرقبلـه عندك خبر ويـش الوليعـي تحصـل=من راس رضواء وادع الكـون كلـه وعندك خبر وش جاء الدجيما من أحيل=وعقب شرب كأس الهوى وش عملـه وبحر الهوى غبـات ومـواج وهـول=وكـم واحـد در البحـر ماحصـلـه مابيـن جـزر ومـد يقطـع وياصـل=ولـذات نفعـه ماتقابـل عـن لــه إليا قـام مقصـوف الشبـاب يتغـزل=ولـد ونظـر نظـره غـرام وتولـه وهنف دلـع وأعلـن تحديـه وأقبـل=تقـل يعـد أخطـاه والـردف تـلـه ومن شافها بالوصف لو كثـر أمقـل=يحتـار فـي شكلـه وقـده ودلــه الله عطـاه مـن المحاسـن وكـمـل=وكمل جماله في حسـن منطـق لـه لو شافها اللي فـوق مركـاع يغـزل=جـدد فعـل بصـري بنفـس مغلـه وهذي أدروب أهل الهوى أجداد وسمل=وراع الهوى طـرد الهـوى مايملـه وأصفح وسامح مـن سطابـك وحلـل=لجـل جمـالـه قـلـه الله يحـلـه وختامهـا وحـد وسـبـح وهـلـل=وقـت التهجـد تالـي الليـل صلـه وعـداد مالاحـت أبـروق تشـاعـل=صلوا على العصـوم عـن كـل زلـه |
رد: ديوان الشاعر الكبير شريف بن راكب الفريدي السلام عليكم ورحمة الله وبركاته هديه لجميع اعضاء مجالس الفرده ........... الشاعر الكبير : شريف بن راكب لا اقابله الا ويسال عن المجالس وكيف الوضع فيها عندما اعطيه الاخبار يفرح ويثني على الجميع واتقبل منه مجموعة من التوصيات الا انه خلال زيارتي له اختلف الوضع حيث او جز وصاياه بقصيدة جميلة جدا يريد ان يشحذ هممنا جميعا ويهدي بعض التوجيهات من خلال ابيات قصيدته التي تقول : يقول من صاغ المثل عن قناعه=يارب تجعلني عن الحق ماتيه ابجتهد وابشترك بالطماعه=من شان صرحٍ كل الاشراف تبنيه اطماعتي توحيد راي الجماعه=لو كان كلٍ فاهمٍ دون توجيه مفروض مع غزو الفضاء والصناعه=ناضع لنا مركز تضامن وترفيه وان خلي التحليل بعد الاشاعه=ونبعد عن الصورة مجال أي تشويه مطلوبنا بالسوق غال البضاعه=قدم يجي لكنوزنا يوم تمويه نبي من الشاعر طرايف ابداعه=ونبي من الراوي خبر صح يرويه ونشره على يمناً تجيد الطباعه=لاصار ما تاخذ من العقد صافيه وترى اهمال المال سبة ضياعه=يطمع به السارق الياغاب راعيه ويقال عن من لاشرب في ذراعه=يدين غيره ما يعوضٍ بيديه ما كل من حصل خبر علم ذاعه=من لايركز للهدف نوب يخطيه ولاكل رجالٍ يجيد اندفاعه=من دون عرف مكحل الطرف يعميه ومن كان ماله بالمجال استطاعه=محدٍ يقول لفاقد الشي يعطيه ويعيش من ذي فكرته واختراعه=برضاه خلاق البرايا يجازيه ويشكر بعد من طال بالمجد باعه=وعلي للطيّب حقوق ومشاريه وصلوا على المبعوث راع الشفاعه=وشكراً لكم باول كلامي وتاليه اخوكم الشاعر : شريف بن راكب 15/02/1429هـ |
رد: ديوان الشاعر الكبير شريف بن راكب الفريدي هذه القصيده للشاعر الكبير / شريف بن راكب الفريدي وهي مسنده الى الشاعر القدير / مبارك بن ناصر بن حديد يا مبارك قصة الربع القديمه=حاصلٍ لي مثلها لكن الحالي فرحةٍ صارت عواقبها وخيمه=اعترضت لموقفٍ ماهو أبالي كلمةٍ مختارها راع العزيمه=كنها من ناتج القطب الشمالي ولا نقول ان نيته ماهي سليمه=لكن المنطق سعد من ذا الجلالي قمت احسّب يوم ذبيت الخريمه=بالخطأ اللي صار ماهو من إهمالي والله إني ما توقعت القسيمه=ما سكن خطي مع السيد الموالي وخابرٍ لي مع هلا المعروف قيمه=دارجٍ معهم وارداتٍ حبالي والسلامه ياولد ناصر غنيمه=يا خلف من عادته فك التوالي قلتها لو مابها نصر وهزيمه=عارفٍ رد الإجابه من سؤالي جتك ذاهبتي ابلا اسم ولاوسيمه=وخلها تبقى مثل بير الهلالي ولو تخليها بعد عندك عقيمه=ان سكت او قلت طول الوقت غالي |
رد: ديوان الشاعر الكبير شريف بن راكب الفريدي وهنا رد الشاعر القدير : مبارك بن حديد دار خطٍ من ندي اليا نديمه=مرحباً به عد دورات الليالي للكتاب ومرسله قدر وحشيمه=وقيمته ما تزول لو طويق زالي ابن عم وجار ويدينه كريمه=وله مقامٍ عاليٍ بين الرجالي لامدحته مالحق حضي ضليمه=عارفه ومجربه مرٍ وحالي ما سلك من خلقته درب الشتيمه=ولاطلع صوته على الجيران عالي وبالمواقف عادته لطمت خصيمه=وايتجاهل ما يجيه من الموالي هو خويي عارفه سيره وقيمه=ومن عرفته بالوفاء رجلٍ مثالي يا شريف خلها مرواح غيمه=كانها ماهي من الوزن الثقالي كان مايقصد بها راع الوليمه=غايةٍ يلحقك منها شي تالي وانت قلت ان نيته تبدو سليمه=لكن المنطق تعثر بالمقالي خلها ما دامها كلمه سقيمه=لاتشقق ثوبها خله اجلالي |
رد: ديوان الشاعر الكبير شريف بن راكب الفريدي هذه القصيدة من الشاعر الكبير / شريف بن راكب موجهه للشاعر المبدع / محمد بن شعيبان . سويت لي توجيه في مبتدأ القاف=ولا امدح خطا ويصير مدحي ظلايم يبن حمد مافيه داعي للاسراف=تعبت بين المنتدى والعزايم تنشاف يوم وباق الايام ما تشاف=ومن طول الغيبات جاب الغنايم لاجيت خبرني عسى مابك خلاف=ما فيه حيٍ ما اسئله عنك دايم ولي حق يوم اني على مثلك اخاف=ولالي على الطيب ليا خفت لايم ولا الوم من يسعى ورى كسب الاهداف=الا ليا كثرت عليه الهزايم الذيب كم يركض وكم يهرف اهراف=ويصبر على برد الشتاء والسمايم واليا حصل له طردةٍ عقب ماحاف=عود على صوتٍ يدن الهظايم هذا وانا لي معك كلمه وميقاف=واصحى يكون بجوك الشك حايم كلمة وفا احلى من لبن كل معطاف=بوادٍ خضر ممطور والجو غايم هات الخبر ياصاح من كل الاطراف=على العلوم البيض قلبي مهايم تراه محذورٍ عليك التلفلاف=بالكذب مالك يامحمد قدايم انته شريف ومن طرف ناسٍ اشراف=قبلك عليك مسكرات الخرايم لاحظت رجعت جيشكم وقت الانكاف=حفى الخفوف مصلبات القوايم ورزة الخروج وكلها صارت اخفاف=وهذا خطا بنفوسكم والبهايم وانذرك عن من عشرته وقت الارياف=لو كنت صعلوكٍ تدور الظمايم لاجيت له لوكنت في حاجة اسعاف=اروغ من الثعلب لعين الرسايم واليا سمع صوتك قرط فوقه الحاف=قولوا مريض ولاتقولون نايم لاصار ماتكسب فالاسفار تنعاف=عرف الديار ولابسين العمايم واعلم ترى العالم من الكاف للكاف=تسبح على لوحٍ ورى المال عايم تم الكلام ولابقيلي تحساف=عساك ماتلقى عليه قسايم وخذلك مثل نقد الذهب عند صراف=غير انت مغليهن على كل سايم ابيوت من عندي جديدات ونظاف=في وسطهن تضميد جرح وحزايم وتراك كد حكّمت واحكم بالانصاف=خلك كما اللي يدرجن النعايم وكان المعاني يامحمد بها اضعاف=قلي هذاك وذاك فيهم هلايم واحذر تعاتبني على المنطق الحاف=تسمع كلام مروجين النمايم اخاف تحصل قصةٍ شرحها طاف=ياليتني عنها هكاليوم شايم لقطة غليص اشتالها فوق الاكتاف=جابوه لي اللي عسى للثلايم والهرج كله قابلٍ للتحراف=تكثر به الاهداف عند التهايم وابا احلف لك كان تقنع بالاحلاف=يمين مظلومٍ بعدت جرايم وحياة من نزّل تبارك والاعراف=انك خليل وبيننا الوصل قايم وتراه ميّدني على الراي نواف=لولاه ما ذبّحت كل التمايم واخير مما قلت من حج وطّاف=وصلى الفروض وواجه الرب صايم وهذا رد الشاعر المبدع / محمد بن شعيبان الفريدي |
رد: ديوان الشاعر الكبير شريف بن راكب الفريدي حي الرفيق اللي تماثيله اعفاف=حذرات منقيات بيضٍ جسايم شرهات نزرات وعلى عدة اصناف=ومخزمات اخشومهن بالزمايم من شاعرٍ في بدع الامثال عسّاف=شريف محمد للامجاد رايم من قدر راعيهن تقل در معطاف=ابا اعتبرهن كلبوهن سلايم جزلات مافيهن هزيلات وصخاف=لو كل قافٍ للحقيقه ملايم يابو محمد يابعد كل هلاف=اسمع لعلك ماتشوف الندايم من ظامر اللي للثمينات هداف=مايهدّف الاطيبات النظايم جابه صريحه مابها زيف واجحاف=ترضى بها عقول الرجال الفهايم ما غبت عن واجب ولارحت سواف=ما فيه داعي للظنون الوهايم رد الوفا عند العرب مثل الاسلاف=ماينكره كود الضعوف الخمايم على النقا والعز في كل الاعراف=قدره وكاره للقلوب الحكايم وطبايع العالم تفاخت والاشواف=وهبه من الله ماترهم رهايم ان كان تقصد بالوفاء جمع الاولاف=انا اهدفي مرضات ربعٍ حشايم وكسبت عرف ديار ورجال عراف=فيهم على الطولات قوة عزايم ولولا الوفا الرفقه تعرض للاتلاف=ورفقة هل المقصد تعود هدايم واكبر غنيمتنا الوفا ماله اوصاف=حشمة رجالٍ تنحسب باللزايم وارافق اللي للجزيلات ميلاف=ماني رفيق الخامدين الظرايم حق النظر واطلع على راس مشراف=مافيه امورٍ ياشريف عظايم دعواك ماتحتاج ناظور كشاف=لانته بمظيومٍ ولانته بظايم وانت تحذف قدام وتناظر اخلاف=تنذر وتفتح باب لهل الشتايم اعلومك اللي بين جد وتعجراف=بيني وبينك ماعليهن كتايم عندي خبر ما انته على جال مهياف=لكن ياعقب مطوّعت كل زايم مهما حصل لون مابنودنا اقضاف=احسب لها لاذعذعاً النسايم قدام لايعطيلهن كل ملقاف=اللي لهن لوما نصنه تطايم يحرّف الكلمه على شر محراف=وعلى حسانيها يحط الردايم هماز لمازٍ كذوبن وبلاّف=العوج سلعه للنفوس السقايم حلوقهم على ارخص الهرج نشّاف=مشاركه بالسلم سمر اللثايم يم النفاق يجرهم سلك شفاف=وبعراض خلق الله عيالٍ صتايم وبعض العرب يرجف على الحروه ارجاف=باسبابه الطيب يسوق الغرايم حذراك ثم حذراك من بعض الاصداف=وقت الرخا ينذر بوقت الزحايم دنياك ماتصفي ربيعٍ ومصياف=من غدرها كم راح حيٍ حطايم وخذ للسّباع سيوفٍ احداد ورهاف=وذهن لهن لاتروح روحك لهايم واشتر تبيع اجزال لو طالك اكلاف=ولا الطيب مثلك من ركابه همايم وتطلبني احكّمك قضية بالاطراف=ماتوخذ الغايب حقوقه قسايم خل الخبر يشرف على قور وشعاف=ولاتروّح الخطر بعضها كظايم لاعلم ينقص ولاعلمٍ يضاف=لو الخبر مايستحق الزعايم ذكرتني كلمة رجا الله لصياف=وعن ما طرى بيض النوايا عقايم ولا ودّي اذكرك بيام زلاف=ماراح من بعض الدلايل علايم شايب ومن ربعي ومن خيرة اسلاف=وخذت درس من السنين الصرايم ومن كرم الضيفان يشره اليا ضاف=حيل السوالف نوب تنجب توايم غلفتها من شان خاطرك بغلاف=ومن شان خطّر طيبين الزمايم وعندي ثقه ما انته شكوكي ومزهاف=قبل تحلف بايات محي الرمايم ومشكور ياشريف ومشكور نواف=يا اهل العلوم الطيبات الجسايم واقبل سلامي عد ماهل هتاف=وما لاح برقٍ في مزون الوسايم |
رد: ديوان الشاعر الكبير شريف بن راكب الفريدي شريف الفريدي احد الشعراء المجيدين في منطقة القصيم له قصائد رائعة اتمنى من يعرف شيء منها ان يقوم بنقله لنا وله وافر الشكر . وكذلك بالنسبة للشاعر / مبارك بن ناصر الحديد الفريدي من الشعراء البارزين في منطقة القصيم ويعتبر من مشاهير الفردة في هذا العصر ومن المشهورين بالكرم والعلم الغانم وله وقفات رائعة وهو من الرجال المحسوبين امد الله بعمر الشاعرين على الطاعة ذكر لي احد الاخوه هذه المساجلة بينهما فرغبت بنقلها لكم مع اجمل وارق تحية يقول الشاعر / شريف يأبن حديد المشكلـه مالهـا حـل=إلا أن قلبـي يتـرك الـود كلـه مـدام قلبـي لاتوانـا ولا مــل=الود عنـده صـار مثـل الجبلـه ذكرت له سن الهوى عقب مـازل=وضحت للجانـي جميـع الأدلـه وحتى من الي يتبع الشيب مـاذل=بقى مثل جـدى النجـوم أمحلـه أن كان مالله دلـه الـراي مـادل=مـن لايدلـه خالقـة مـن يدلـه إليا ذكرت أرموش عكشا لهن ضل=من نظرت الحاسد عليهن اسملـه وقفت لين أن العنـا يكتمـل فـل=وراجعت لي ماضيا بعيداً أسجلـه الجادل اللي تلنـي بالهـوى تـل=تلـت قطيعـاً قفـي الـدق جلـه اللي بقلبـي لـه عمـارات وفلـل=ليتـه بقلبـه حطـي ربـع فلـه والله ماقول لمنجرح روحي بحـل=عقب الدروس القاسيـة والمذلـه هاذي عيوبي وأنت للي بقاء فـل=أن كان مانته ساتـراً كـل خلـه والله لو أملك عقـل ماذكـر الكـل=لون مع عقلـي عقـل كـان فـه وأقبل تحياتـي عـدد كـل ماهـل=مزنا صدوق أخيـال وبلـه يهلـه ونهايت المعنى على المصطفى صل=وسبح لمن نركع ونسجـد رضلـه الواحد الخالق هو المعتلـي جـل=عسـاه يسمحلـي وقوفـا بظلـه |
رد: ديوان الشاعر الكبير شريف بن راكب الفريدي ثم وصلت القصيدة للشاعر مبارك بن حديد فرد بهذه الابيات لابـاس ياللـي بالـغـرام يتـغـزل=اللـي شكـا مـن ماقـف حـاصلله يالي عذلـت القلـب والقلـب ماكـل=جـددة للـي قـال بصـري بحـلـه جـددة لـلـي قــال بـصـري أول=وللي لقاء الطيـار مـن جـور خلـه من الوحيد اللي من الحب مـن سـل=كم واحد قبلـك هـوى الغيـد سلـه ولنت الوحيد اللـي بنـاء للهوى تـل=بـروس الهضـاب النايفـه مرقبلـه عندك خبر ويـش الوليعـي تحصـل=من راس رضواء وادع الكـون كلـه وعندك خبر وش جاء الدجيما من أحيل=وعقب شرب كأس الهوى وش عملـه وبحر الهوى غبـات ومـواج وهـول=وكـم واحـد در البحـر ماحصـلـه مابيـن جـزر ومـد يقطـع وياصـل=ولـذات نفعـه ماتقابـل عـن لــه إليا قـام مقصـوف الشبـاب يتغـزل=ولـد ونظـر نظـره غـرام وتولـه وهنف دلـع وأعلـن تحديـه وأقبـل=تقـل يعـد أخطـاه والـردف تـلـه ومن شافها بالوصف لو كثـر أمقـل=يحتـار فـي شكلـه وقـده ودلــه الله عطـاه مـن المحاسـن وكـمـل=وكمل جماله في حسـن منطـق لـه لو شافها اللي فـوق مركـاع يغـزل=جـدد فعـل بصـري بنفـس مغلـه وهذي أدروب أهل الهوى أجداد وسمل=وراع الهوى طـرد الهـوى مايملـه وأصفح وسامح مـن سطابـك وحلـل=لجـل جمـالـه قـلـه الله يحـلـه وختامهـا وحـد وسـبـح وهـلـل=وقـت التهجـد تالـي الليـل صلـه وعـداد مالاحـت أبـروق تشـاعـل=صلوا على العصـوم عـن كـل زلـه |
رد: ديوان الشاعر الكبير شريف بن راكب الفريدي هذه قصيدة للشاعر / شريف بن محمد الفريدي موجه للشاعر عوض بن خاتم الروقي خاصة ولقبيلة عتيبة عامة مع التحية والإحترام لهذه القبيلة ياحمود بالله كان عندك زياره = يم الديار اللي جنوب(ن) عن الحيد لاصحابك اللي معرفتهم تجاره = معهم قضينا ليلة (ن) كنها العيد خذلك عليهم جولة(ن) وأفتراره = وسلم على الوافين جمله وتفريد عم الجميع وخص راعي العماره = وصل لبوبدر الخبر مثل ماريد حاول على موعد يتم اختياره = وترا البطا يحبط بعيد المواعيد وإن تم بشرني وخذلك بشاره = من شأن يبقى للعلاقات تجديد الطيب باهل الطيب ماهوخساره = دين(ن) يجيله عبر الإيام تسديد ياللي منازلكم بعال الصداره = حاضر وماضيكم عن الواقع يشيد العــز يالهــيلا رفعتم شعــاره = وعندي على قولي دلايل وتأكيد انتم مثل سورن صعيب انهياره = بالصين صاغوه الطغاه الصناديد وانتم مثل مبنى قديم الحضاره = بارض الكنانه غيره البنى تقليد وانتم مثل سيف(ن) لياجا نهاره = مال الجروح اللي تحطون تضميد وانتم مثل موج(ن) يزته اعصاره = ليا هاج صار المد للجزر تهديد وانتم هل الفزعات رمز الاشاره = تردون يالهيلا صعيب المواريد وانتم لكم رمز(ن) فريد العباره = ذباحة الحايل ومن خالف السيد رجـــالكــــم وحــده يمثل وزاره = يحط له فوق الصعيبات تمهيد ويسمح من اسمه غاب عني إحضاره = الشك زايل والثقه دون تحديد ولويخطي الشاعر يصيب اعتذاره = وعسى الدفاع يصير فزعة جلاعيد ماكل من هدف يحقق عياره = احد(ن) يعود من الجوازي بلاصيد واخير من كثر الكلام اختصاره = ماينفع الزايد ليا صار مايفيد وصلوا على اللي فوق قبره مناره = مع سيرته حكمه ورحمه وتوحيد وســــــلامـــــــــتــــ ــــــــــكـــــــــم |
رد: ديوان الشاعر الكبير شريف بن راكب الفريدي الشاعر الكبير المبدع دائما / شريف بن محمد بن راكب الفريدي قرأت له قصيدة في جريدة الجزيرة هذا اليوم احببت ان انقلها لكم ارجو ان تنال اعجابكم: بعض القصايد يقول من قال واهدى بالشعر شوره= رجلٍ يقول الحقيقه سر وجهاري نفسي على كلمة التوضيح مجبوره= لو كان ضدي علي أو لي ما داري هاذي نصيحة تخص أفراد مغروره= لعل كلٍ يشوف حسابه الجاري من لا يجيب الهدف لا يلعب الكوره= ومن لا يعرف الخطا والصح لا يباري والشعر ما هو وليد ابيات مكسوره =نحتٍ بصم الجبال ونقش معماري بعض القصايد علمها الصوت والصوره= ومن المعان الثمينه جسمها عاري اليا تتبعتها بالصحف منشوره= اتملل المستمع وتعقد القاري واليا صفا صوت راعيها وديكوره= وصفق له اللي يعرف الشعر بالطاري حدر الثلاثين معظم سن جمهوره =روح عن الليل قدم الناس يا ساري وبعض القنوات تقل احيان ماشوره= تنشر مثل ما يلمه بالذرا الذاري كلٍ يقدم لها مده وميسوره= ما همها كلمة الميّد من الزاري يا ليت مع غيرها تاخذ لها دوره= وتشوف وش مطلب البياع والشاري والا تقفل برامجها ومشكوره =اللي بلا فايده ما نشره اجباري ولا قول انا الفاهم الناقد لدستوره= لا كن ماني لتطويف الخطا ضاري ويا الله عسى الروح يوم العرض مستوره= في رحمتك يالعظيم الخالق الباري |
رد: ديوان الشاعر الكبير شريف بن راكب الفريدي ومع مواصلتنا لمساجلة شعرائنا من عيال راشد واللي اشترطنا فيها ان تكون المساجلة بين شاعرين من شعراء الفرده اليكم هذه القصيده لشاعرنا المبدع دائماً / حمود العويني ويسندها للشاعر الكبير / شريّف ابن راكب الفريدي . الناس ياشريّـف قصـيٍ مداهـا=ماهم على يامسنـدي ماتوقعـت حيثٍ ما احدٍ سالـمٍ مـن غثاهـا=كيد البشر لاتامنه لـو تواضعـت خلقٍ يا بن راكب قليـلٍ حلاهـا=مايتركونك بالسعه لـو توسعـت لو انت مقفي ماسلمت من اذاهـا=ولاييدونـك بالسنـع لوتسنعـت تذكـر مفاخرهـا وتقـل تجاهـا=عميا بصر تفسيرها يوم طالعـت ماتنتعـدّل غديتـه لـو غداهـا=خبل العرب ماينتقنّع لـو اقنعـت عفوش الرجال اللي قليلٍ حياهـا=يبون حذفي يمهم مار مـا طعـت خل المسفـه تستشيـط بعماهـا=عن الهزيله والهزايـل ترفعـت عسى نفوس الحقد تلقـا جزاهـا=يامن تحت عرشه وبسمه تشفعّت لولا الرجال اللي تعـز اقرباهـا=قلت الكلام اللي ليا قلته اوجعـت حبوس الرجال اللي يذري ذراهـا=في سمعت الغالين لااعطي ولابعت اهل العقول اللي ملكنـي وفاهـا=اللي ليا جيبت سيرهـم تشجعـت اولاد راشد مكرمت مـن نصاهـا=قلته وبا اقوله مثل ماقبل ذعـت يتلون ابن حماد مـن دور طاهـا=شيخٍ بحومات الوغا ينّعت نعـت يـوم القبايـل تفتخـر بومراهـا=سيفي ليامنّي للاضداد صارعـت ماكـر صواريـمٍ تضـد اقبلاهـا=قولٍ على وضح النقا ماتصنعـت دايم وغيبات الرفيـق انحماهـا=حطيت روحي دونهم يوم ذرّعـت قومٍ جوايحها بـروس خصماهـا=وتلقا النقا في ساسهـا لاتتبعـت كم سابقٍ منهم عطيـبٍ شضاهـا=لقال مصطور النشامـا تبرعـت نعم الرجال مزبنت مـن نخاهـا=لي الفخـر بافعالهـم لاتطلعـت ازعل زعلها والرضا من رضاهـا=ون حل بي ماجوبهم ماتجزعـت والا الضعوف اللي ترهّم حكاهـا=لااقوالهـا وافعالهـا ماتسمعـت يابايع الذمه ويـا مـن شراهـا=ماعاد ينظّفك البحر لو تسوبعـت |
رد: ديوان الشاعر الكبير شريف بن راكب الفريدي وهذا مرد الشاعر الكبير شريّف حيث يقول رداً على العويني الله مـن نفـسٍ زعلـهـا حـداهـا=قعدت اجاحـد غيضهـا ليـن ولّعـت فزيـت كنـي والقـدم قـد وطاهـا=جمرة غضا مع غاوي الرجل وارتعت سمعـت بالدعـوه واجبـت لنداهـا=وعيبٍ علي ان كان بالحل ما ابدعـت والله لخـل الخيـل تقـرع احـذاهـا=اما جدعت امبارزي والا انا اجدعـت حمـود لـه قصـه عليّـه شكـاهـا=قصة شرف مع نشرهـا قـد تمتعـت لـه قبـةٍ فـوق الثـريـاء بنـاهـا=ولـو اشتركـت ابّنيهـا ماتراجعـت ياحمـود رجلـك لاتقصـر خطاهـا=دامك على عـرش الحقيقـه تربعـت لاصـار حافظـةٍ سواقيـك مـاهـا=والله يمين انك عن الحـق ماضعـت ومـن لايعـرف الطيبـه ماقنـاهـا=والحـر يلقـى واحـدٍ يثعتـه ثعـت واهـل النمايـم قطّـع الله اعـراهـا=ما انت الوحيد لمرهـا لـو تجرعـت اهل القلـوب اللـي تراكـم صداهـا=اليا وثقت بعملـة الخايـن اخدعـت عسى ارضهم تجدب ويصحي سماهـا=وتبقى مثل وادٍ اليـا جيتـه اسرعـت عنـدي نصيحـه ياحمـود وتراهـا=وجهت نظر وللاّ انت بالصاع قد صعت بيـر الهلالـي لاتبـيـن غطـاهـا=تراي من مـوح الدلـي قـد تملعـت يزتّـك اللـي ماحسـب وش وراهـا=ويضحك اليا منـك لبيضـك تنزعـت وعـن القبيلـه بالفـعـول انتـبـاه=ترقـى العـلا بحبالهـم لوتمنـعـت قبيلـةٍ يلقـى الوفـا مـن نصـاهـا=ما هو على اني غرسها يـوم دافعـت والله لصـادم مـن يقـرب حمـاهـا=وعيبٍ اليا مني عن الحـذف خرعـت ماهي بعـوز لمدحنـا مـن صباهـا=ما قول انا سمكرتهـا وانـت لمعـت وفعـل القبيلـه منتـدى لشعـراهـا=وتدوم يانجمٍ على الكـون شعشعـت |
رد: ديوان الشاعر الكبير شريف بن راكب الفريدي اقتباس:
|
رد: ديوان الشاعر الكبير شريف بن راكب الفريدي السلام عليكم ورحمة الله وبركاته الشعراء الكبار عندما تقرأ لهم او تسمع لهم فإن إعجابك بالقصيدة يجعلك لاتهتم بتاريخها او كون مناسبتها قديمة وتحرص ان تكرر سماعها هكذا الحال بالنسبة لتلك القصيدة التي بين ايدينا للشاعر الكبير : شريف بن راكب في مناسبة مشهورة وهي مزايين قبيلة حرب للابل عام 1427هـ حيث ارتجل هذه القصيدة في ذلك الحفل الرائع ... طابلي حلو النبا ساعة وصوله=يوم شب اشعار وافين الخصايل يوم نادا الشيخ قام الجمع حوله=وقفتٍ مع درب وقفاتٍ سمايل طبعنا سود الليالي ما تزوله=لو تزول من الوطن ضلعان حايل اسمعوا يا اولاد راشد ما نقوله=يوم كلٍ قال عن قومه مثايل فوزنا مضمون غصب بكل جوله=واثقين بفعلنا والشك زايل ما توصلنا العلا بطرف سهوله=لين قدنا بالشكيمه كل عايل جمعنا اللي ضدنا يكره نزوله=من تعرضنا عرف نجم القوايل يمنا الميزان مانقبل ميوله=ولانطيع اليا عرفنا الضد مايل يوم كلن بندقه تسوى ذلوله=ما نجيب من السلع كود الاصايل ويوم صار الدين حنا من فلوله=خيركم بالدين هم روس الحمايل كان صار الفوز بامجاد ورجوله=جامعينٍ للوفاء كل الدلايل وكان صار الفوز للبل والسيوله=كد تقدمنا وسوينا الهوايل عندنا اللي مالكٍ درع البطوله=كاس ابو تركي مع الوضح الاوايل جايزتنا جت على تقدير دوله=بين سكان الخليج من القبايل وانتهى في جاه من ثبّت رسوله=بالبقاع اللي تشد الها الرحايل |
رد: ديوان الشاعر الكبير شريف بن راكب الفريدي هذه القصيدة موجهة للشاعر الكبير / شريف بن راكب حيث اسندها له الشاعر العذب والمبدع دائما أحد أبرز شعراء الفرده بالنظم شاعر يعرفه الجميع من خلال جمال طرحه وروعة مفرداته وجزالت معانيه انه الشاعر : عبيد بن نهار الفريدي . وسوف أنقل لكم قريبا رد الشاعر العلم : شريف بن راكب . وش حل حلمي كان ماهو تخاريف=يا مفسرة حلم السواد وصدفها اشوف ميقافي بعال المشاريف=من عصر لين الشمس كفت طرفها ادرج نضر عينن تهل الذواريف=على بقايا دار ما الله خلفها غيّم سماها من كتام العواصيف=واستسرجت نار الدمار بسعفها قامت تنسفها الصواريخ تنسيف=تنسيف ندافن لفرشن ندفها باسراب ميراجن سوات الخواطيف=ببطونهن موتن مصفى ارففها شفت العماير يوم راحت تناتيف=من عالي اسطحها لسافل غرفها اكبر عماره بالمدينه هكالصيف=صباتها كبر الاضافر شقفها حلمٍ على ودٍ من العلم به زيف=يابو محمد شمس عمري خسفها تباً لهل دنياً يكيلون تطفيف=وتباً لنفسٍ عذرها ما عسفها متقلدٍ شيطانها صارم السيف=اركى عليها ولعن الله جدفها ماهو غرام بحب حشو النفانيف=حقي من الخفرات حضي قطفها فاتن ثمان سنين جردٍ مراديف=وضحكات صفران الشدوق نعرفها ما زعزعني بايهات السواليف=وحلوف كذابٍ بربي حلفها يوم النجوم المبرهزه مكاسيف=وكلاب مسعى السوق ينضح قرفها طارن طرالي راوده طاري السيف=اما صلاح الحال والا تلفها اما به المركب تزفه مجاديف=على اخر الميناء ونركز هدفها والا تصير حكايتن للمزاهيف=يفرح بها نقال هرجٍ حذفها يجرها بعصير سوق الهفاهيف=ريحة هواء طبخ الحرام وصلفها هذا كلامي يابعيد الاطاريف=خذ واردٍ صرف المصارف صرفها من سلم سوق النقد تبرى المصاريف=صاف الثمين اللي تلاعج صنفها وعطني من مصيبك ردود المضاريف=دامه ورد جم البحور وغرفها ما ينتعلى سد روس الشفاشيف=لانهل من عالي روابي شرفها تم الكلام ولابقي لي تحاسيف=والنفس ماتلحق عليها بأسفها وهنا رد الشاعر الكبير وأحد أعلام الشعر المعاصرين شريف بن راكب الفريدي ... عديت راس اللي لها بالوحش قيف=كم عاد غيري واحدٍ مانصفها واتعبت رجليّه بكثر التواقيف=وقفت وقفه صاحبي ما وقفها من هاجسٍ خلاني ارجع وانا معيف=وانسى الضعون اللي ترفرف عطفها واسباب مابي ياملا دون توصيف=عبرت عزيزٍ من عيونه ذرفها من قال سم بسم حرش الزواحيف=وراح وتناول فروته والتحفها عبيد كتفني بالامثال تكتيف=صدّدر بصافيها وخلا عذفها يا عبيد ما نارك حطبها من الليف=وعلي معصير الهبايب نسفها وعندي خبر باسباب كل التخاليف=وسير السفينه والهوى اللي جعفها لكن عسى ماصار رحمه وتخفيف=اصبر على ميلت زمانك وطفها دام انها مابين نجران وطريف=والسيل دارك سالمه ماجرفها قدام يوم يقال عندك لها ضيف=وغصبٍ على من كان تاخذ ضيفها يا عبيد لو دنياك تمشي على الكيف=كلٍ تعرض دربها ثم حرفها هذا وبين الحلم والعلم والطيف=ابعاد لو دكتورها ماوصفها يا عبيد خذ رايي وراي المناكيف=كلٍ ذلوله باركه من ضعفها خل الفقارى اللي تنشد عن الريف=ترى هل البـل منذرين بحوفها كم واحدٍ ركب المراكب ولاشيف=يخطف بليل وصيدته ما خطفها وليا انحدر فيه الرشاء للغراريف=حط الملام بلحيته ثم نتفها اليا شاف له يومٍ كثير التكاليف=يلقاه من شيطان نفسه لقفها يا عبيد ما ودي يقولون يا حيف=دارٍ بها ماترفع الراس عفها دام ان صفحاتك قمر وسط الارشيف=تكفى عليهن صورة الشمس ضفها وساير زمانك لو على مد وانصيف=لو تطرد الوجبه ولو تستلفها وحظك معك لوكنت بالجو لجنيف=حكمه لنا الله في كتابه كشفها وكم واحدٍ حقه من المال توليف=ركب القطار وخبزته ما شلفها اللي على بابه عن المد تغليف=وكّل على يده البعيد وكتفها الله ينظف دار الاجواد تنظيف=من عالمٍ شيطانها في حففها من راح حطو فوق راسه غطاريف=ومن شد حاجه تلها ثم لهفها وتباً لدنياً برقها له رفاريف=من فوق صيرانٍ تشح بحجفها وتباً لرجلٍ مايعرف المعاريف=نفسه على درب الوفاء ما كلفها طال الكلام وبلغت الهرج تقطيف=واسمح بلفاتٍ عميلك شطفها ان كان بالمعنى تناقض وتحريف=وحرفتها قدام تجي محرفها |
رد: ديوان الشاعر الكبير شريف بن راكب الفريدي صح لسان الشاعر الكبير شريف بن راكب وبو سلطان كفو يستاهل بيض وجهك يابويارا على الاضافه تقبل تحياتي |
| الساعة الآن 05:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir
