إبن ساري الليل

رجل حكيم

وكان اهل القرية يرجعون له في اكثر الازمات ويحترمونه ::

وكان من اوائل العمالة التي دخلت المملكه من الجنسيات الاسيوية

هي الجنسية الكورية ...

القصة :::

كان فيه عامل كوري

مايعرف عربي يعمل سايق شيول

ومرة وقف الشيول ونزل يفطر بالبوفية

ومار يدحدر الشيول على بيت واحد ويطيح جدار الحوش 0


http://alfredah.org/up/uploads/a46f697383.bmp

قام راعي البيت مسك الكوري يصايح عليه

والكوري مايفهم منه شي....

والاثنين مايفهمون على بعض ...

وجو .. المصلحين فهموا القصة

قالوا:: مالنا الا بن ساري الليل يفهّم هذا الكوري

واستدعوا حكيمهم علموه القصة

قام يكلم الكوري

والكوري يتكلم ويأشر بيدة

قال بن ساري الليل :::شوفوا الرجال يقول لكم علي الصراحة....

(مامعي قرش ذالحين وعيالي ينتظروني و دخيلكم اصبروا علي الى آخر الشهر وابشروا بالخير )

قالوا::: هو قال كذا ؟؟؟

قال::: بن ساري الليل::: نعم (وهو مايدري ايش السالفه )

تركوا العامل واخذ شيوله وراح ....

وخلص الشهر وراعي البيت ينتظر .....

وجا راعي البيت هو والمصلحين ل ‘بن ساري الليل يسألونه::: هاه.... وين خويك0؟؟؟

قال بن ساري الليل :::والله يالربع اني مدري وش اقول لكم ...وهو والله ما ادري وين دج لكن ان كان صاملين فالله يعين انا بابني البيت عن الرجال وان سامحتم فانتم تقدرون وانا استاهل0

قالوا :::ماشالله عليك يابن ساري الليل واحسبناك حلال المشاكل وتفهم الامور

قال :::هذا علمي

قالوا::: تدري الله يسامحك يابن ساري الليل 000