الليلة أهديكم من الشعر هملول=يشبه لهتان الحيا في هطوله
بعد السلام ابا ابتدي بافضل القول=صلوا على رمز السلام ورسوله
شعارنا التوحيد والسيف مسلول=لاصار بالميدان صوله وجوله
الشعر هاجس له معاني ومدلول = ماكل من غناه يقدر يقوله
وانا وقفت وبيرق العز مفلول = وافخر باعز ملوك واعز دوله
باب الفخر والمدح ماهو بمقفو = يستاهله من جاب كاس البطوله
بقيادة "الكبتن" ولاهو بمجهول = رمز الوفاء والتضحيه والرجوله
"سعد" صراحه نجم ماهو بمعقول = هو سر تتويج الفريق ووصوله
والشكر لأبطال المنصات موصول =اللي لهم في ساحة المجد صوله
رائد تحدي...يجمع الفعل بالقول = حقق نتائج ماتجي بالسهوله
بذل جهود...مضنيه..واوجد حلول=بارواح وثابه ولاهي ملوله
مرت ظروف حلمها شبه مقتول = ماقالوا إن الكاس صعب ننوله
جمهورهم يطرب ليا سجلوا قول =جمهور صادق في وفاه وميوله
للنادي الأحمر وفاهم على طول = يشجعونه من زمان الطفوله
وابا اختم أبياتي بتصريح مسؤول = نهدي "لأسير الشوق" كأس البطوله