مجالس الفرده - ترفع الضغط

الأشياء اللي ترفع الضغط؟؟
________________________________________
الأشياء اللي ترفع الضغط كثيرة ... ومنها مايلي

* أنك تشرب ببسي حار

* أنك تصلي وأنت لابس شراب مشقوق

* أنك تعطي أخوك سيارتك ... ويرجعها والتانكي فاااضي

* أنك تدخل المسنجر .. وما تلقى ألا اللي ماتبيهم

* أنك تـتـفاهم مع رجل امن سعودي

* أنك تناظر مباراة على الأي آر تي وأنواع الحماااس وفجأة ينقطع الاشتراك

* أنك تلعب كوره وأنت حافي .. وتشوت غطا البياره

* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

* أنك تعطي جوالك لواحد ويرجعه لك والرسايل محذوفه

* أنك تقوم من صباح الله وتروح للجامعة تمشي مليون .. وتلقى الدكتور معتذر

* أنك تقوم الصبح وتلقى معجون الأسنان مخلص

* أنك تنزل للبقاله وما تلقى عنده عسكريم جلكسي

* أنك تـَـشرق بالماء

* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

* أنك تكتب موضوع طويييييييل ... وأذا جيت ترسله يطس .. مدري وين يروح

* أنك تغص ولاتلقى أحد يطق ظهرك

* أنك تتفرج على اجتماع دول مجلس التعاون الخليجي

* أنك تلبس نظاره وسخه

* أنك تشوف فـلم .. وواحد جنبك يقولك القصة

* أنك تمسك خط وفيه ذباب بسيارتك وأنك تفتح الدريشه ولا يطلع

* أنك تاكل حنيني بارد

* أنك تسوي فيها متابع مع الدكتور وتتوهق ويسألك سؤال وماتقدر تجاوب
اما هاتين النقطتين فسا ضيفها نظرا لطلب احد الاخوة ممن لم يتم تعيينهم
انك تدقها مشاوير مراجعات بين وزارة الخدمه والتربية وبعدين يظهر لك ( نأسف من عدم تعيينك )
انك تحصل اسمك من بين الاسماء المرشحه للتعيين وعندما تراجع ادارة التعليم يقولوا لك نأسف هناك تشابه في الاسماء .
انك تنتظر تعييييييييييييييييييييييي ييييييييييييييييييييييييي ييييييييييييييييييييييييي يييين في المجال التعليمي .