|
رد: ***حياكم الله في ديوانية خيال*** تبا تسولفون علينا ولا نلعب بلستيشن مع الاخوان ههههههه http://www.mzaeen.net/gallery_files/cT409296.jpg |
رد: ***حياكم الله في ديوانية خيال*** الف مبرووك افتتاح الديوانية انت افتتح الموضوع |
رد: ***حياكم الله في ديوانية خيال*** اقتباس:
حياك الله الساطع نورت المجلس . |
رد: ***حياكم الله في ديوانية خيال*** لا اله الا الله هاذا الكرم اللي على وصوله اما اليوم والحمد لله على النعمه والفضل خيراً كثير ولاعاد يبين الكريم او صاحب الرياء اللي يذبح لك حشو ومادري كم من الغنم وقوة تبذير عشان يقولون فلان كريم . الف شكر على القصه |
رد: ***حياكم الله في ديوانية خيال*** واليكم قصه يقولون انها للرواف من اصاحب بريده عاد ماتدري هو صاحب المخطط والا اسم على مسمى المهم يقول لك ان ابن رواف كان فقير وحلم حلم وهو ان ياتيه رجلا ويقول له ان رزقك بالشام عند الحداد فلان من اهل حمص ثلاث ليالي ويتكرر معه هاذا الحلم فقرر ان يذهب الى الشام فذهب وراح يسأل عن الحداد فلان فوجده في حمص وأخذ يراقبه فلايدري كيف يفعل وصل الى صاحب المحل وجلس يطالع يمين يسار مافي شي كل شي عادي وهاذا الحداد فلان الرجل كل صبح وهو يشتغل في المحل ولاحوله رزق ولا غناه يالله يحصل قوت يومه فأخذ له مده وانتبه له صاحب المحل وقال وش عندك قال فيه حداد ثاني بنفس الاسم هنا؟؟؟؟ قال مره انا الوحيد بحمص قال اجل ابي اشتغل عندك قال اسف والله انا يالله يكفيني شغلي دون تبيني امشي لك راتب بعد.. فكر الرواف فكر وقال انا ليه مصارحه بالحقيقه قال له تبيني اعلمك ادعوى خربت انا قبل ماني قايل لك الحقيقه وهالحين جالس صار لي شهر ماطلعت بنتيجه قال الحداد اسلم وش عندك قال ياخي انا حلمت لي حلم وتكرر معي هاذا الحلم قال وش هو قال يجيني منابي يقول ان رزقي وغناتي عند الحداد فلان وسالت عنه وطلع انت قال له الحداد يارجال هاذي كلها اضغاث احلام قال كيف قال كذا انا يجيني بعد رجل بالحلم يقو لي شف الكنز تحت مربط بقرة الرواف في نجد في مكان يسمى بريده واليا والله انت ياابن رواف هاذا عنده بقره قال بس هاذا انا وهاذا مفتاح اللغز فرجع الى اهله وراح الى مربط بقرته وحفر ووجد كنزاً كثيراً وصار من كبار التجار في نجد وسلامتكم .. هاآآه وش رايكم تكانه هالمره لا هاذا وانا بعد ماني فاضي خخخخخخخ |
رد: ***حياكم الله في ديوانية خيال*** كان ساكر الخمشي في مجلس ابن رشيد عندما وضع ابن رشيد ذلول حمرا لمن يوصفها بأحسن الوصف فهي له فوصفها ساكر وابن رخيص وفاز بها ساكر . يقول : سـاكر الخمشي انـا شفاتـي حـايـل حيلـوهـا=ليامـا تعـادل بالاباهـر شحمهـا مثل القموع ديودها مـا احلبوهـا=فصلت بدن ما بين فخـذه وفمهـا وصايف الريمي إلـى وصفوهـا=مار أن في عينك تكابر اقصمهـا لو أمها بضرابها مـا احفظوهـا=كان أتهموا غدي الوضيحي غشمها عوصى نجيبـه للسفـر ولموهـا=حايل ولا عمـر الحويّـر لغمهـا ذلول من هجن اللحاوي شروهـا=يا كبر حظ اللي قناهـا وغنمهـا عينه تشـادي جمـرة خلصوهـا=أركا عليه السمكري مـن فحمهـا عين السروق وسرقته كد لقوهـا=نتفت سواعد لحيته مـا حشمهـا شيبا ضهر من كثر ما غربلوهـا=ولا هي برغايـه كتـوم نسمهـا جهال غادين البخـت وأجهلوهـا=قامت اتقرط بالمزاهـب اعممهـا وأن مهلوله بالرسـن وانهموهـا=تفصم قراريص الرسن من حدمها وإلى حداهـم واهـج واعتلوهـا=راحت تقل دلـوٍ تقّطـع وذمهـا أسرع من اللي بالولـع نفجوهـا=تزبنـت قـور تقـادح رضمهـا يرجون منها الماء إلـى وردوهـا=لا حل في تالي الركايب وهمهـا اليا روحت كل الرفاقـة رجوهـا=الكل يركض عدهم مـن خدمهـا تشدى تجضور خفـرة زوجوهـا=لخطو الغشيم اللي بكفـه رشمهـا وسلامتكم |
رد: ***حياكم الله في ديوانية خيال*** السلام عليكم ورحمة الله وبركاته جبت لكم قصة شعبية قصيره فيها حكم وفوائد الفناجيل الثلاث شرب القهوة هي عادة تميز بها سكان الجزيرة العربية ، و شربها ليس مجرد شرب فقط بل لها معاني فيجب على الضيف ان يشرب بالقليل ثلاث فناجيل ، الاول يسمونه فنجال الضيف والهدف منه تكريم الضيف والثاني فنجال السيف والهدف منه انه اذا حدث غزو على المضيفين في نفس الوقت فعلى الضيف مساعدتهم وحمايتهم حتى لو كان ذلك ضد قبيلته ، اما الفنجال الثالث فيسمونه فنجال الكيف ومعناه ان القهوة طابت للضيف . من الافضل ؟ في احد الايام لقى رجل يقال له ( ابن عشوي ) خاتم ذهب فقامت زوجات أبنائه يطلبونه في الخاتم ،فاقترح ان كل وحدة منهن تمدح زوجها ببيت واحد والي تجيد المدح لها الخاتم فقالت الاولى : انا حليلة من يسفي الجاثم .. لا جا الضحى يسفي عليه السافي وكان زوجها حايف وهو الي ياخذ الابل من راعيها في الليل فقالت الثانية : انا حليلة من يفك التالي .. لا ردو لحاهم على الاكتافي وكان زوجها شجاع فقالت الثالثة : انا حليلة من يجر ردونه .. وسط الجماعة يحتري اللافي ارها علىالخطار والجماعة .. ليلة نزلنا بالشعيب الجافي وكان زوجها كريم فقال ابن عشوي الاخير احسنهم فنفعه دايم وعطى الخاتم لزوجة الكريم . |
رد: ***حياكم الله في ديوانية خيال*** السلام عليكم ورحمة الله وبركاته : اليوم ابحكيلكم قصه حدثت في عهد الملك سعود رحمه الله رواها علينا واحد من اهل الشمال يقول :كان فيه واحد فقير ايام كانت الدنياضعيفه ذاك الوقت خطر عليه واحد راعي ذلول وتحفل منه ولد للبيت يدور له شي يكرم فيه الضيف وجاب له المقسوم لكن الضيف رفض ياكل وقال هذا ماهو حقي وحاول فيه مارضى ولا يوجد عنده الاعنز تحتها جفر وهي منيحة عياله قام ذبحها وقعد الجفر يبغق ولحقه امه ورجع لضيفه يقهويه واثناء تحضير العشاء خطر عليهم واحد راعي سياره وكانت السيارات ذاك الوقت قليله واصبح من هم واحد في همين قلط الضيف الثاني وقهواه ثم قام وقلطهم على العشاء حط العنز وبجانبها صغيرها وقالهم اقلطو على واجبكم نظر الضيف صاحب السياره الى الصحن وقال وش الصغير الي بجنب الذبيحه قاله قومو على واجبكم ورفض انه يقوم حتى يعرف قصة الذبيحه فاخبره بسالفة رفض الضيف الاول وفي اثناء الكلام جت سياره ثانيه عليها كم واحد فقام الضيف راعي السياره وناداهم وقالهم كتفو الضيف الاول وحطوه بظهر الوانيت ولد لراعي البيت وقاله الذلول هذي منهيله قال المعزب للضيف فقال لاخوياه انحروها وزعوها على اهل الفريق ومشى ثم راح المعزب للي ينحرون الذلول وقالهم هذا منهو قلو ماتعرفه هذا الامير محمد بن عبد العزيز الملقب بابو شرين وفي الغد ارسلهم الامير سيارات محمله بالخير وقامو بتوزيعها على اهل الفريق |
رد: ***حياكم الله في ديوانية خيال*** هذه القصة واقعية حدث هذا في أحد البيوت حيث كان هناك امرأة مع ابنتها هند في البيت ومعهما الخادمة ففي النهار أوقعت الخادمة صحناً مزخرفاً غالي الثمن فكسرته فصفعتها صاحبة البيت صفعة قوية فذهبت إلى غرفتها تبكي ومر على ذلك الحدث سنتان وقد نسيت الأم الحادثة ولكن الخادمة لم تنسى وكانت نار الانتقام تشتعل داخلها وكانت الأم تذهب كل صباح للمدرسة وتأتي وقت الظهيرة وتبقى ابنتها هند مع الخادمة وبعد أيام قليلة أحست الأم أن ابنتها في الليل تنام وهي تتألم فقررت الأم أن تتغيب عن المدرسة وتراقب الخادمة مع هند سمعت هند تقول : لا أريد اليوم هذا مؤلم , فلما دخلت الأم علهما فجأة فوجئت بما رأته رأت الخادمة تضع لهند الديدان في أنفها فأسرعت وأخذت ابنتها إلى الطبيب ماذا حدث بعد ذلك ؟ لقد ماتت هند , فانظروا صفعة واحدة نتيجتها حياة طفلة بريئة . |
| الساعة الآن 05:25 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir