|
||| مــلتــقـــى عـــشـــاق الـــمـــطــــر ||| صبــــاح \ مســــا المطـــر والخيـــر حبيت انزل الموضوع لانه مره أعجبني واتمنى يعجبكم حياااااكم هنـــا ||| مــلتــقـــى عـــشـــاق الـــمـــطــــر ||| هنا 1- دعـــوه صادقه من القلـــب لـرب العالميــن تطلب منــه نــزول المطــر... 2- أبيـــات أو قصــائد مخصــصه للمطـــر ... 3- كلمـــة توجهونها للمطــر لحــظه نــزوله ... وانا أطلــب من كــل عضو/ه لو ع الأقل يكتــب دعــوه صادقه لعز الجلاله تطلب نزول المطر 4-عبر عن احساسك بخاطره لحظة نزول المطر,,, {... طق يا (مطر)واغسل همومي والأحزان واروي الضــلوع اليــابسـه مـن ضماها ليــت الــعمر وقــف! على هـك الأزمان ليــت الـــسعاده ماعطتـــني قـــفــــاها ...} ودي بشب النار والجو هادي.. في صحصح توه من الوسم ممطور.. هذا هوى بالي وغاية مرادي.. ومعي مثل شرواك والبال مسرور.. نبعد عن الديره وكثير الدوادي.. في موقع مابه من الناس جمهور.. {... الــبــر يعجــبني إلــيا زان جــوه والارض خــضرا والـسما كله اخيال وريــح المطــر توه على الأرض تـوه هتــان بــادي يشــرح الصــدر والبال وقـام السنـافي فالضــحى وشب ضـوه وغنــى عــلي مــن أعــذب الشـعر مــوال ...} وش يـقول الجـو في صبح الربوع.. من يترجـم للـبشر حكي 'الـمطر'.. غير نفس تعشـق البر وتـجوع.. للـربيع وشوفت <الـعشب الخضر>.. والـدلال ونـار رمش مع قدوع.. {والخـوي اللي كـلامه كـالـدرر}.. أتمــنى الموضوع ينال اعجابكم ويحوزعلى رضاكم.. |
رد: ||| مــلتــقـــى عـــشـــاق الـــمـــطــــر ||| ....هين يجيب الله مطركانك تبي تعاند معـاي والله وانا بنت الرجال انك لتبطي ماقويـت عود وراك من العنادوخلنـي ارجـع وراي انا اذا صارت عناد انهيـك لامنـي بغيـت لكن على ماقيل بالله حل بالله عـن سمـاي بدري عليك انك تحدا خافقي لامـن نويـت ....} |
رد: ||| مــلتــقـــى عـــشـــاق الـــمـــطــــر ||| امطاااااااااااااااااااااا ار على القصيم اللهم اجعلها سقيا خير ورحمة وبركة لاسقيا عذاب |
رد: ||| مــلتــقـــى عـــشـــاق الـــمـــطــــر ||| وش يـقول الجـو في صبح الربوع.. من يترجـم للـبشر حكي 'الـمطر'.. غير نفس تعشـق البر وتـجوع.. للـربيع وشوفت <الـعشب الخضر>.. والـدلال ونـار رمش مع قدوع.. {والخـوي اللي كـلامه كـالـدرر}.. |
رد: ||| مــلتــقـــى عـــشـــاق الـــمـــطــــر ||| يا مطر يـا مـطر يـا ماسـح جفـاف الســـنين من خد الصحاري وجبين المساكين يا راوي أرض الشـجـر والبسـاتـين من عطش الزمن ومفجر بها العـين يـا مطـر أرحـم غــيـرك من الأنـين كل شيء تسـمع له صـوت حـــزين حـتى الجبـل من دمعـتـك يبـدأ يلـين وتسمع بين الصخور صوت الحنين والرعـد يصـرخ بيـن السـحـب وين أضـرب بالبـرق بـصــوت غــبــين والبـرق يفـلق كوم الســحب نصفين ويرســم حــروف الويــل لكل عـين والدمـعة من الألم تسـري مــلايــين عـلى المـلأ تـتقسم شـمال ويــمـين والوادي يكبر ويصبح مسيل بطـين ويتفرع من حـوله حـبال وشرايـين والدنيا تتبسـم ببسـمة فـرح متلونين وتهدي الحزن عن المـزن الحزيـن |
رد: ||| مــلتــقـــى عـــشـــاق الـــمـــطــــر ||| قصيدة نثريه ... ------------- دمع السحاب على الارض سال ضحكت له بدل البكاء ورحبت بدل الجفاء واستبشرت بهذا الوصال ،،،،،،،،،، نغفو على امل كبير ونضل ننتظر البشير وعيوننا نحو الشـــــــمال ،،،،،،،،،،،،، هي ارضنا مهد الجفاف لكنها وطن العفاف حق وليس به جدال ،،،،،،،،،،،،، هل المطر هل المطر وله رائحة العطر اغث البلاد ياذا الجلال اغث القلوب ياذا الجلال ،،،،،،،،،،،،،،ن ياااااااااااااااااااااااا ااااااااااارب |
رد: ||| مــلتــقـــى عـــشـــاق الـــمـــطــــر ||| رائع الموضوع بروعة ناقله والمشاركين المطر لا شك أنه بنزوله يغسل قلوبنا من أدرانها ويفرح صدورنا استغل هذا الموضوع لأخبار المطر فقد هطلت اليوم الثلاثاء امطار غزيرة على محافظة الاسياح ( خصيبه ) نسأل الله أن يعمّ بنفعها البلاد والعباد |
رد: ||| مــلتــقـــى عـــشـــاق الـــمـــطــــر ||| اللهم أنزل علينا الغيث ولا تجعلنا من القانطين رائعة دائما تعاند |
رد: ||| مــلتــقـــى عـــشـــاق الـــمـــطــــر ||| المدينة المنورة , الساعة 12:06 . . عجاج و ريحة مطر .. |
رد: ||| مــلتــقـــى عـــشـــاق الـــمـــطــــر ||| اشكركم على المرور الرائع |
| الساعة الآن 08:20 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir