مجالس الفرده - اكيد قد صار لك لو واحد منهم

مجالس الفرده (http://www.alfredah.net/forum/)

- استراحة المجالس (http://www.alfredah.net/forum/alfredah19/)

- - اكيد قد صار لك لو واحد منهم (http://www.alfredah.net/forum/threads/alfredah25292/)

اكيد قد صار لك لو واحد منهم

السلام عليكم و رحمة الله و بركاته

أهم قوانين الطبيعة

قانون الاصطفاف :

إذا إنت صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي انت الحين فيه !!

قانون التلفون :

عمرك ما تتصل على رقم غلط ويطلع مشغول !!

قانون التصليح :

إذا كنت تشتغل ويدينك مليانه زيت و شحم , تأكد إن خشمك بيحكك !!

قانون المعدات :

إذا طاح من يدك أي شي، تأكد انه بيبقى يتـدحرج إلى أن يوصل لألعن مكان ما تقدر تطلعه منه !!

قانون الأعذار :

إذا تأخرت عن الدوام وقلت لرئيسك أن كان عندك بنشر في الكفر،تأكد إنك بكرا بتبنشر صحيح !!

قانون المغطس :

إذا بديت تتوضا أو تتروش , تأكد ميه بالميه إن جوالك بيبدأ يرررررن وما يسكت !!

قانون الالكترونيات :

إذا أخذت جهاز عند مصلح تبي توريه انه ما يشتغل، حزتها بيشتغل ولا كأن شي صار !!

قانون الشاهي :

أول ماتسوي لك كاس شاهي ، تأكد إن رئيسك بيجي ويعطيك شغلة ما تخلص الا لما يبرد الشاهي !!

قانون المصادفات :

إذا كنت ماتبي أحد يشوفك ، فجأة كل اللي تعرفهم بيطلعون لك من كل مكان
____________
وش رايكم على الجضعان