سلام من الله عليكم .. يغشاكم لتزدان به ايامكم والليالي

.’


قبل عشرين سنه .. شاف رجال ابوه مهموم له يومين وخاطره ماهو شئ
سكت هالرجال مايبي يضايق ابوه بالسؤال وعل وعسى من باكر يزين حال ابوه

جاءه عقب صلاة الفجر وابوه على حاله
ضايق وشارد بتفكيره وقرر يسأله .. " لايكون تعبان ولاشئ "


قاله : يبه عسى ماشر .. لك يومين كله سارح وضايق ولاتكلم احد
طالعه ابوه بعينين يملاءها الاسئ وقال : والله ياولدي لي يومين لا اكل ولا اشرب

قال ولده : عسى ماشر وش فيه
قال الاب : كنا بمجلس فلان من يومين وعد واحد من اللي بالمجلس سالفه كذب
وإني ياولدي لليوم ما ادري ولا قادر افهم .. وشلون يعد الرجال سالفه كذب في مجلس رجال ..!!

.’


إنظروا حال هالشايب ووش اللي مكدر خاطره من يومين لا اكل ولا شرب ولا كلام
بس إن واحد من اللي بالمجلس قال سالفه ماهي صحيحه وكذب فيها

إنظروا لهذا وإنظروا لليوم
كم وكم وكم وكم وكم .. إلى مغرب الشمس وحنا بنقول كم

.’

لاتزيدني سالفة هالشايب كل ماتذكرته
إلا تمني لو انني ولدت في زمن الحقيقه
لا زمن الضباب الذي بات المستغرب به ان يتصف فلان من الناس بالصدق


[ ودي لكم وإمنياتي ان نصحو بيوم ونجدنا في زمن الاجداد