بناتنا والمفاضلة للوظائف التعليميه المحتكره للمناطق
 

المشهد الاول:



الموظفه : نعم وش عندك؟

المتقدمه : ابي اقدم على الوظائف المطروحه

الموظفه : من نفس المنطقه؟

المتقدمه : لا

الموظفه : يالله وش ذا البلوى ماقريتي الشروط انتي؟

المتقدمه : الا بس انا خريجة بكالوريوس خبرة خمس سنوات مع شهادات تقدير وشهادة حاسب آلي
الموظفه : اوووه ماشاءالله ( ترتشف رشفة من كأس الشاي) ووين ساكنه؟

المتقدمه : بمنطقة . . . . . .

الموظفه : ماشاءالله اسواقكم غير اسواقنا والفساتين الجديده تنزل عندكم قبلنا وانا جيتها اكثر من مره تضيق الخلق منطقتكم
المتقدمه : ((ضمنت دخول ملفها للمفاضله)) ايوة صادقه بس انتم عندكم الجو لطيف جدآ

الموظفه : شكرآ بس ياليت تشرفي لان المتقدمات كثير
المتقدمه : عــــــفــــــوآ

الموظفه : اقووول تقذرفي >>>يعني امسكي الباب لإنك مو من نفس المنطقه
المتقدمه : طيب خريجات معهد اعداد المعلمات مديرات مدارس عندكم وانا بكالوريوس اتقذرف

الموظفه : ماشاءالله تطالعين لمستويات اعلى انتي
المتقدمه : طبعآ ولم لا لاني استحقها بكل جداره

الموظفه : يإختي اخوك ابوك زوجك في احد منهم بنفس منطقتنا

المتقدمه : طبعآ لا لاابي ولااخي
الموظفه : طيب زوجك
المتقدمه : مو متزوجه انا

الموظفه : بكل وقاحه ( عانس)؟؟؟؟؟
المتقدمه : وبكل فخر نعم
الموظفه : اوكي اختي قلنا مافيه
المتقدمه : طيب شوفي ملفي وقولي رأيك فيه بس ارفعي معنوياتي عالاقل
الموظفه : آسفه ليس لدي وقت ويالله اختي على باب الطائره عشان تروحي لاهلك قبل مايسافروا ( تقولها بإستهتار)


المشهد الثاني:

الموظفه : اهلين ،، اشوف ملفك
المتقدمه : تفضلي

الموظفه : عندك خبرات
المتقدمه : ايوه بمدارس اهليه ادارتها اجنبيه وكنت ادرس 25 حصه بالاسبوع وامسك اشراف وملزمه بنشاطات لامنهجيه ومشاركاتي مشهود لها براتب 1800 ريال ولله الحمد والمنه والطالبات يحبون تدريسي وطريقة شرحي واتمنى ان اخدم وطني

الموظفه : (تقاطعها) طيب ، طيب ماشاءالله بس كأن لهجتك من خارج المنطقه ؟

المتقدمه : لا لا انا من هنا ومن مواليد المنطقه ومن خريجات المنطقه حتى بيتنا في حي كذا شارع كذا

الموظقه : آسفه غاليتي لابد من خبرات ومن شهادات لان غيرك ملفها فية خبرات اكثر منك والا اقولك ندخل ملفك وانتي وحظك لانك تشوفين الملفات كثيرة والوظائف قليلة ولاانتي مقتنعه
المتقدمه : طيب دخلي ملفك وانا وحظي

الموظفه : (ابتسامة عطف) قلنالك مستحيل تتوظفي فيه من هو اكفاء منك (يرن جوال الموظفه ترد))
الموظفه : الو
المتصل : هلا
الموظفه : نعم
المتصل : فيه وحده بتعطيك الملف وبتمشي لانها مستعجله مانامت البارح دخليه في المفاضله الله يحييك
الموظفه : تامرين امر يأم عبدالله
المتصل : الف شكر في امان الله
الموظفه : ياهلا وغلا
تستأذن الموظفه من المتقدمه بليز لحظة وراجعه

(( تأخذ الكثير من وقت المتقدمه بإنشغالها مع المتقدمه الاخرى اللتي جاءت بالواسطه ))

ترجع الموظفه

الموظفه : مارحتي لسى انتي هنا؟
المتقدمه : ايوه انا هنا
الموظفه : خلاص مثل ماقلتلك والا ادخل ملفك ونهايته سلة المهملات
المتقدمه : طيب انتي رديتي على وحده تتوسط وانا بصراحه مااعرف احد وتكفين خليك واسطتي

الموظفه : ههههههه لاوالله ياخيتي ماهي بواسطه الا هذي امر من شخص ذو مكانه اجتماعيه عاليه

المتقدمه : طيب وانا وشلون ؟ وش اسوي

الموظفه : ابد جيبي واسطه وابشري نحطك محاضرة اذا رغبتي بعد مااكتشفنا المحاضرات اللي ماشاءالله مزورات شهاداتهم ماجستير واجنبيات بعد

المتقدمه : طيب انا مااعرف احد

الموظفه : من هو والدك ؟
المتقدمه : ابي فلان بن فلان الفلاني
الموظفه : (تسترجع الذاكرة قليلا) ماقد سمعت فيه ابد

الموظفه : يالله انا بروح افطر وانتي عطلتيني الله يجزاك خير تفضلي السنه القادمه اراك على خير
المتقدمه : (وبكل احباط ) يعني ارجع لمديرتي بمدارس الاهليه؟
الموظفه : مالك الا كذا وحتى لو قالت بعطيك 30 حصه ارضي فيها وهذي معروف ((لاهل المنطقه))

المتقدمه : آآه ليتني مثل البنت اللي دخل ملفها وهي بسيارتها مانزلت عشانها مواصله مانامت وانا نائمه من الساعه 9 عشان اكون الساعة 6 الصباح عندهم يالله الرزق على الله

اسردت لكم المشاهد التي فعلا تقع بمقر القبول للمفاضلة للوظائف التعليمية النسوية وبكل شفافية
وانا اتحمل المسئولية التامه بهذه المشاهد



المطلوب: ارائكم على هذه الشروط ؟ اليس من حق كل بنت سعودية ان تتوظف بأي منطقه؟؟؟؟

رد: بناتنا والمفاضلة للوظائف التعليميه المحتكره للمناطق
 

أشكرك أخي على هذا الطرح وهذا التنسيق ..

حاط بعض الخطوط بلون وردي عشان البنات يهوون هذا اللون هههههههههه !!

وبالنسبه للواسطه مو بس على البنات حتى حنا لاعبه فينا ..


ولاهانت جهودك في هذا الطرح ..

رد: بناتنا والمفاضلة للوظائف التعليميه المحتكره للمناطق
 

مشكور على طرحك الجميل


وبالنسبة للأحقية أهل المنطقة أحق ولكن الذي نشاهده أن اهل الشرقية يتعينون بالقصيم !

وأهل القصيم ينتظرون المفاضلة اكثر من سبع سنوات !


هذا الموضوع لو نكتب ليلا ونهارا لا حياة لمن تنادي ما دام الورازة لم تتخذ أي أجرى

لتنسيق التعيين بين المناطق

والله يعين المتعين أو المتعينه ويجبر بخاطر اللي ما تعين

نازف الحرف

رد: بناتنا والمفاضلة للوظائف التعليميه المحتكره للمناطق
 

اخي
امير العاشقين
الف شكر لمرورك الكريم


نازف الجرح

بالضبط هذا ماردت ان اتوصل اليه والف شكر للطله الجميلة

لاهنت

رد: بناتنا والمفاضلة للوظائف التعليميه المحتكره للمناطق
 

وانتهت مدة التسجيل وياللأسف

صارت هذه المشاهد واقعية وتكررت للمرة الثالثة

مع التحية لوزير الخدمة المدنية

رد: بناتنا والمفاضلة للوظائف التعليميه المحتكره للمناطق
 

ابن منيديل

شاكره لك هذا الجهد بالطرح الجميل والمتناسق ،،

من وجهة نظري الأحقيه لبنات المنطقة من اجمل القرارات التي سمعت بها ،،
لعدة اسباب اهمها /
اولاً : ماهو ذنب بنات المنطقه من تقديم بنات غيرها عليهن بالتوظيف ،، مع انهن متقدمات _اي بنات المنطقه_بالمؤهلات والنسبه ومن التخصصات المطلوبه والفارق الوحيد هو وجود الواسطه والتي تدعم البعض دون الاخرين وهي الظلم والاجحاف بعينه !!
ثانياً : هذا القرار هو الحل الوحيد والنهائي لمشكلة المواصلات والنقل والسكن في غير منطقة السكن والذي تجد البعض منهن هداها الله هي وولي امرها تسكن بلا محرم !!!!


تقبل مروري

شموووخ بدويــــه

رد: بناتنا والمفاضلة للوظائف التعليميه المحتكره للمناطق
 

ابوتركي
صباح الخير

ممتع هذا الطرح وبهذا الشكل الرائع
والجميل
قطعة ادبية رائعة
تكاد تكون قصة قبل ان تكون مقالة
اثرت كل الاعجاب بالاسلوب
ناهيك عن الموضوع الحساس الذي طرحته.
اعذر مداخلتي اذ اقتصرت على هذا
وذلك عائد الى اني اريد الاستمتاع بما يدون باقلام الاعضاء حول هذا الامر .


اخوك ابوبندر

رد: بناتنا والمفاضلة للوظائف التعليميه المحتكره للمناطق
 

اختي شموووخ بدوية

شاكر لطلتك على هذا الموضوع الذي يخصك ويخص بنات جنسك
وانا هدفي من هذا الموضوع واضح ومنها

1: الواسطه
2: كل بناتنا بنات هذا الوطن فلهن احقية التقديم بأي مكان ( ان شاءالله بالقصيم)

3 : المدارس الاهلية وظلمهم الواااااضح للمعلمات السعوديات تحت ادارة عربية غير سعودية
ويجعلن نصاب المعلمة السعودية اكثر نصاب

4: قتل الطموح لدى المراءة السعودية التي كل مدرسة اهلية تدخلها بحثآ عن خبرات وبالنهاية
أسفين انتي لاتستحقين التوظيف


اشكرك جدآ للتعليق على موضوعي

رد: بناتنا والمفاضلة للوظائف التعليميه المحتكره للمناطق
 

اخي ابو بندر

صباحك احلى من السكر
صباحك ورد ياود
صباحك نرجسي برائحة الكادي


هلا وغلا بمرورك وطلتك الذي البس موضوعي وشاح التميز والابداع


التحفه والابداع مرورك يالغالي

رد: بناتنا والمفاضلة للوظائف التعليميه المحتكره للمناطق
 

بارك الله فيك