|
عندي سبع بنات خذ وحده منهم ببلاش بسم الله الرحمن الرحيم مساء الخير جميعاً قبل يومين وبينما كنا قاعدين بالدوام ندردش انا واثنين من زملاء العمل دخل علينا المدير وجلس معنا , لكن كان بخاطره شي واضح يبي يقوله !! المهم مع الاحديث والدردشه , قال المدير مين الي يبي تزوج منكم ؟؟؟؟؟ كل واحد فينا قال انا *_* على بالنا الموضوع مزح ؟؟؟ فقال لا بجد والله من ؟؟ الشباب ولا واحد نطق !! انا قلت ليه ايش الي حاصل يا ابو عبدالله !! قال فيه واحد الله يستر علينا وعليه عنده سبع بنات ويقول شفلي ولد الحلال الي يخاف ربه وبزوجه وحده من بناتي ولا ابي منه ولا ريال ولاعزيمه ولا اي شي بس يجي وياخذها من البيت ابيه يستر عليها !!!!!!!! انا قلت شكل البنات كبيرات في السن ؟؟ كم الاعمار يا ابوعبدالله ؟ قال اكبر وحده فيهم 26 !! والله العمر كويس ؟؟؟ هاه فيه احد يبي منهم ؟؟ قلت انا طيب البنات جميلات !! قال لك النظره الشرعيه !! اذا اعجبتك ولا ماكنه صار شي. طبعاً كل واحد فينا يقول ليه كذا وانواع التحليل الي يقول الشباب ما عاد يتزوجون ؟؟ والثاني يقول لا البنات الي يرفضون تبي واحد ملايان فلووس !! والي يقول اكيد فيهم شي وووو اشياء كثيره وغريبه !! ـــــــــــــــــــــــــ ـــــــــــــــــــــــــ ـــــــــــ الان انتم يابنات هل فعلاً ما يجي احد يخطبكم ؟؟ ولا يجون وترفضون ولا ايش الي حاصل !! ولا لكل واحده فارس احلام تتمناه !! السوالف عنكم كثيره , كل واحد يبي يزوج بنته ويرتاح !! وايش تفسيركم لرجل هذا الي يبي يزوج بناته بدون اي مقابل بس يبي الستر ؟؟ راح اكون مناقش لردودكم وشكراً |
رد: عندي سبع بنات خذ وحده منهم ببلاش بسم الله السلام عليكم بالنسبة لهذا الخبر وتلك القصة تحصل كثير ولكن يترتب علينا التكافئ الإجتماعي بالزواج . والبعض يقول إن في البنت شئ ويبي يسترها لأمر ما حصل لها ! وأنا أقول من المفترض أن يبحث ولي أمر البنت على رجل مناسب يزوجها لوليته . وهذه الطريقة واحدة منها علماً أن الكثير الكثير منا لا يستطيع القبول فيها ولا يرتضيها ويقول لن أرمي بنتي أوأعرضها بهذا الشكل الذي يضن أنه مهين ومشين بحقه وحقها . أما أنا مع تلك الطريقة وهناك طرق غيرها مقارب لها . |
رد: عندي سبع بنات خذ وحده منهم ببلاش ذاالحين بنات الوقت مايبغون إلا المناصب أويكون من عائلة له شهرته على الأقل في المنطقة اللي ساكنه فيها حتى لوكان الشاب لاوظيفة ولا أخلاق ولما البنت تاصل للعمر اللي فيه جرس الإنذار تبدا تفكر صح وفذا الوقت الأبو المسكين يبدأ يدور لبناته الرجال الصالحين اللي يستر عليهن والله المستعان |
رد: عندي سبع بنات خذ وحده منهم ببلاش الرآســي يعطيك العافيــه وجزآك الله خيـــر لاكــن جآ في كلامـك [كـل واحـد يبي يزوج بنآتـه ويرتآح ] البعـض يفكـر ان البنآت هـم وانـه يبي يتخلص منهـن لاكـن مآ اتوقع الرجآل هـاذا قصــده بكل تاكيــد ... لانـه مآ رآح يرتآح حتى يئمـن للبنتـه مستقبلهآ قبـل لا يمــوت وانـه مآ رآح يرتاح الا لمآ يحـس ان بنآتــه متزوجآت ومرتآحات حبيــت اوضـح الجملـه لكي لاتفهـم خطأ كما هــو حآصــل الله يستــر على بنآتنآ وبنآت المسلميـــن اجمـل التحآيآ |
رد: عندي سبع بنات خذ وحده منهم ببلاش نعرف جميعا أن المجتمع السعودي حريص جدا على مسألة الزواج والسؤال عن الشاب كثيرا قبل الزواج ومهما بلغ الحرص لن ينفذ صبرهم ببناتهم وما نلمسه من المحيط بنا هو اكرام البنات وارضاهم بكل ما هو ميسور والحفاظ عليهم ولا يقيض ذرعا ببناته الا رجلا قاصر النظر او لديه مشكلة لم يفصح عنها ولو أتيت والد الفتيات السبع لأعطاك مئة سؤال وبحث عنك وتقصى عنك الحقائق ولا تصور أن رجلا تهون لديه كرامة بناته ابدا ابدا وكل قاعدة لها شواذ والله اعلم نازف الحرف |
رد: عندي سبع بنات خذ وحده منهم ببلاش مشكور اخوي الراسي على هذا الموضوع الرائع |
رد: عندي سبع بنات خذ وحده منهم ببلاش كلن بشان بعمره الله يعين الناس |
رد: عندي سبع بنات خذ وحده منهم ببلاش لاتعليق ...................... |
رد: عندي سبع بنات خذ وحده منهم ببلاش موضوع هام والنقاش فيه مطلوب هذه نهاية كل اب او بنت يطلبون شروط تعجيزية للزواج المفروض من الاب هو ان يستر بنته بالشخص الطيب ولا يفعل مثل بعض ضعفاء النفوس الذي يبيع بنته او يريد الشهرة وكذلك المفروض على البنت ان تقبل بالشخص صاحب الصلاة بدون شروط خيالية اتمنى ان تتدخل بعض الجهات للحد من ظاهرة العنوسة المنتشرة وبزيادة اشكرك اخي الكير على طرجك لهذا الموضوع الهام والمفيد |
رد: عندي سبع بنات خذ وحده منهم ببلاش هلا وغلا اخوي الراسي موضوع جداً رائع .وتختلف فيه وجهات النظر . اما أن فأعتقد ان المشكلة الأن تكمن في الشباب . فأغلب الشباب ألا من هدى الله خاصة في سن قبل الثلاثين و مراهقة تصل حتى اطراف الثلاثين لاتجد من هو كفئ . لا تجد المستقيم . الرجل الصالح المكافح . في الماضي كان الرجل يتعب وهو يبحث عن زوجة تكون مناسبة له . والان العكس ابو البنات هو من يتعب والسبب ربما يعود لعوامل كثيرة . فلو وجدت من تنطبق عليه الحد الأدني من الشروط التي تفضلها ستفاجاً بالواقع الإجتماعي والاقتصادي الذي يجعل الشاب اسيراً لمقاعد الدراسة حتى الــ 26 والعشرون من عمره . وماذا بعد ذلك . إن لم يعتمد على والده فهو بالتأكيد سياخذ سنتين الى اربع سنوات لكي يكون جاهزا لتكاليف الحياة والزواج . هذا من جهة واعتقد ان المجتمع سابقاً وطريقة الحياة كانت تؤهل الشاب في سن مبكرة للشدائد وتحمل مصاعب الحياة وعندما يصل الى العشرين تجده رجلاً يعتمد عليه . اما الان فالحال إلى الله المشتكى شكراً اخوي الراسي . |
| الساعة الآن 05:17 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir