(( كيف تشترك بالأنترنت Dsl وماهو المطلوب منك ومنهم ))
 

--------------------------------------------------------------------------------




(( كيف تشترك بالأنترنت Dsl وماهو المطلوب منك ومنهم )) :-
=============================================== المطلوب منك و منهم :-
1- أول شي تتأكد من خط تليفونك انه يدعم (dsl ) ... وذلك بطريقتين يا أنك تشيك
على رقم تليفونك عن طريق موقع الأتصالات أو انك تدق على اي شركه انترنت
ويعلمونك .

2- أذا كان خطك يدعم ,,,
تروح بعدها لأي شركه عندها ( Dsl ) مثلا سعودي نت , تعطيهم فاتورته التليفون
حقتك وبعدها يعطيك ورقه تمليها وتختار السرعه الي تبيها ...
(( وهي 3 سرعات : 64 , 128 , 256 )) بدون ماتدفع شي
الين تركب الخدمه عندك ,, وتعطيهم رقم جوالك علشان يعلمونك عن كل شي ..
وتاخذ رقم جواله علشان تستفسر .

3- تروح لبيتكم وتصبر شهر او 3 اسابيع ,,, واذا [ فعّلوا ] خطك يدقون عليك على
جوالك ويقولون خطك تراه [تفعل] .
يعطيك الرقم السري واسم المستخدم علشان تدخل الانترنت ...
وعلشان تدخل الأنترنت ... يبيلك مودم Dsl تشبكه بالكمبيوتر وسعره مابين
( 1200 - 350 ) ريال .
وهذا المودم تشبك فيه سلك التليفون العادي فيه ... وباقي الأعدادات سهله .
وبعدها تروح لهم (( شركة الأنترنت )) وتسدد المبلغ الأشراك الأنترنت حق 3 اشهر .
===============================================
* ملاحظه :-

1- في فرق بين كلمتين (( الخط يدعم )) ... (( الخط مفعل )) :-
(( الخط يدعم )) : تعني بأن الخط يسمحلك بأن تشترك فيه Dsl ... وهذا شي
بسيط .. خطك الحين 80 % يسمح بـ Dsl , واذا كان مايدعم
... (( يبيلك تتصل على الأتصالات و تقول يالليل مأطولك ))
(( الخط مفعل )) : تعني بأن الخط سمحوا له شركه الأنترنت ..
بالأتصال بالأنترنت Dsl ,, وهذا بعد شهر من التقدم
للشركه الأنترنت (( سعودي نت )) مثلا بطلب هذه الخدمه .
----------------------------------------------------------------------------------------------------------
2- كل شركه أنترنت تتفاوت بأسعارها للـ Dsl ... ورح للي يعجبك .
----------------------------------------------------------------------------------------------------------
3- السرعات :
سرعه 64 ... تعني سرعه التحميل بين 12 - 8 و كل شركه وحسب الضغط الي
عليها .(( افضل من الأنترنت العادي بقليل ))
سرعه 128 ... تعني سرعه التحميل بين 17 - 12 و كل شركه حسب الضغط الي
عليها . (( ممتازه ))
سرعه 256 ... تعني سرعه التحميل بين 32 - 25 و كل شركه حسب الضغط الي
عليها . (( أقوى شي ))

( [ مع العلم بأن سرعه التحميل المستخدم الطبيعيه 5 ونص ] )

* كلمه ضغط الشركه تعني : بان بعض الشركات تاخذ منهم سرعه 64 ... ويوصل التحميل عندك من 8 أو 9 أو 10 أو 12.
حسب الضغط عليها (( ضغط المستخدمين ))
----------------------------------------------------------------------------------------------------------
4- شراء المودم الخاص بـ( Dsl ) :
وتختلف أسعاره مابين 1200 الي 350 ريال .
ويجب ان تحصل على المودم اذا كنت تنتظر تركيب الخدمه خلال الشهر التفعيل ,,
لأنك تقدر لحالك تعرف ان الانترنت
ركب عندك ولا لا ... من خلال تركيب السلك التليفون العادي ...في المودم .. والمودم
تشبكه بالكهرب وتولع اللمبه التفعيل
اذا ولعت يعني انه ركب الدي اس ال ... تتصل على الشركه وتاخذ الرقم السري
للاتصال ...
(( مافيها تعقيد ... زي الانترنت العادي )) .
----------------------------------------------------------------------------------------------------------
5- حساب التكلفه :
مثال لسرعه 64 ... 220 ريال اشتراك شهر X في 3 اشهر = 660 ريال تدفعها
لشركه الأنترنت كل 3 اشهر .
+
فاتوره التليفون ... 120 ريال في الشهر X في شهرين = 240 ريال تدفعها
للأتصالات كل شهرين.


* ولا ننسى تكاليف تركيب اول مره للشركتين ... (( 300 + 200 )) = 500 لمرة واحده تدفع للشركتين لخدمه الدعم .
===============================================

رد: (( كيف تشترك بالأنترنت Dsl وماهو المطلوب منك ومنهم ))
 

الله يعافيك مرسمي صغير وفيت بالشرح سملت يمناك ولاهنت

اسمحلي ابسط الموضوع

خط تلفونك بامكان الاستفسار هل هو بالامكان تركيب الدي سي ال بالاتصال على 907 وسؤالهم اذا كان يدعم حلو واذا كان مايدعم بالامكان طلب خط جديد اي رقم جديد يدعم هذه الخدمه

** اذا قال الموزع لايدعم ليس موزع الحي بل يقصد موزع نفس الرقم **

( البعض يقولون له شهر او اكثر ومن هالكلام اعرف ناس قالو شهر والحين لهم 9 اشهر ماجاهم ولله الحمد انا بنفس الحي وطلبته ولم يكمل اسبوع الا وهو راكب)

طريقة تركبه من الاتصالات فقط يوصل موقع بيتك ويركب جهاز معاه على نفس الخط ويرسل اشاره للاتصال ومن بكره يكون تركب الدي سي ال من الاتصالات

ورسوم التركيب 300 ريال تجي مع الفاتوره لكن الاتصالات حذفت هذه الرسوم مادري مؤقته ولا لا انا ركبته من دون هالرسوم

ويبقى عليك الاشتراك من الاتصالاتبالسرعه 64 ,, 128 ,, 256
والفرق بسيط جدا لايتعدى العشره ريال او العشرين

واذهب الى اي محل كمبيوتر والمودم كما ذكرت يتراوح سعره بين 1200 و 260 حاليا

والاشتراك على حسب السرعه ونوع مزود الخدمه وبنفس المحل يعرف جهاز المودم والكارت للاشراك بالجهاز

بعد هذا الشرح اختصر واقول تقريبا تفدع شهريا للشركتين مابين الـ 160 شهريا الـ 280

والانترنت شغال اربع وعشرين ساعه

ملاحظه الدفع للشرعه بنفس الوقت اما الاتصالات فهو يجي مع الفاتوره

رد: (( كيف تشترك بالأنترنت Dsl وماهو المطلوب منك ومنهم ))
 

مشكورين على هذه المعلومات


ولاهنتم

رد: (( كيف تشترك بالأنترنت Dsl وماهو المطلوب منك ومنهم ))
 

مشكور على هذه المعلومة

رد: (( كيف تشترك بالأنترنت Dsl وماهو المطلوب منك ومنهم ))
 

مشكورين الله يبارك فيكم جميعا

شرحكم مكمل لبعض لاهنتم