|
شيلة عذب - يقولون ماللعبد ند عن المقسوم يقولـون ماللعبـد بـد عـن المقـسـوم وأنا أقول صح ويقنع العبد مقسومه عسـى الله يعيـن اللـي توافـد علـيـه إهـمـوم هـمــوم تـخـلـي طـبـلـة الـــراس منـجـومـه تـــرى والله انـــه مـايـكـدر عـلـيـك الـنــوم سوى كلمة من بعـض الاصحـاب مسمومـه إلياجـت مـن الغاليـن وإلا الرخـوم رخــوم ولا أمحـق مـن الغالـي إليـا شانـت علومـه ضعـاف الروابـع تبتـلـش والـقـروم تـشـوم ولاهـيـب لاشـامــة مـــن الـشـيـم ملـيـومـه ولا أزين من القـاع الخلـى والوجيـه سلـوم ولا رفـقــة بـعــد طـــول الايـــام ملـغـومـه ولا ألذ من عشرة شريف من أقصى القـوم يـبـادلـك فـعــل الـطـيـب مـعـنـاه وسـلـومـه ولا شفت فـي جـو الصداقـه غبـش وغيـوم عطيت الدروب اللي مع الارض مرسومـه ولا مثـل عـز النفـس لــو مامـعـك مطـعـوم وعن أهـل الشماتـه خـل الاسـرار مكتومـه معي لو سمحـت شـوي عقـب عـداك اللـوم أبعطيـك عـن بـعـض الرجاجـيـل معلـومـه ترى اللاش لو وقف معـك فـي حياتـه يـوم تـشــوف الـــردى متـبـيـن فــيــه مـنـيـومـه وأنا أقول لو إن فـي وجيـه الرخـوم وسـوم عـرفـنـا نـمـيـز قـيـمـة الــنــذل بـوسـومــه علشـان نجلـس مـع رجـال الـوفـى ونـقـوم ونبعـد مــن الـلـي عـنـد الاجــواد مذمـومـه وأنا أسمع مع أهل التجربة في الحياة علوم بعضها صحيـح وبعـض الاخبـار موهومـه يقـولـون وكــر الـحـر مـــا يعتـلـيـه الـبــوم وأنـا شـوف عينـي وكـر حـر تحـت بـومـه وسلامتكم للشاعر راجح العجمي |
رد: شيلة عذب - يقولون ماللعبد ند عن المقسوم صح السان الشاعر وصح بدنك مليووووووووون مرة انا شهد أنك مبدع في الأختيار!! تقبل مروري مع خالص تقديري |
رد: شيلة عذب - يقولون ماللعبد ند عن المقسوم أنا أشهد أنه من أعطاك لقب أمير الكلمه ماظلم نفسه ((رائيي الشخصي )) مرورك عرف على ظهور الأقلام شهاده أعتز بها لأنها منك اخوي مشعل 0 |
| الساعة الآن 10:49 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir