مجالس الفرده - ماهو حلا والابعد سكر بشاي ...

أسعد الله جميع أوقاتكم ..

جبت لكم قصيده غزليه للشاعر :

بـــدر الخالدي..

وعسى أن ينال أختياري ..

أعجابكم ..

حياكم ...

[youtube]http://www.youtube.com/watch?v=TKo6Hq4xHBI&feature=player_embedded[/youtube]

يامرحبا ترحيبت كانها اياي
جزله ومقبوله و فيها لباقه
للصاحب اللي شدت يدينه ايداي
على طريق اهل العشق والعشاقه
يامرحبا به عد ماداجت خطاي
او عد عيني ما اشخصت بانسراقه
في ناطره لاسلهم وقال الي ياي
كنه من المشتل مجمع فباقه
ورد عبق ريحه يجاذب له غناي
ريحه علق في جوف خشمي علاقه
احب شوفه حب ويحب لقياي
واموت في شوقه فديت اشتياقه
ماهو حلا والابعد سكر بشاي
اطلق عسل ممكن يحالي مذاقه
له مبسم لاعد رايه غدا الراي
وساقه اليا كشف وضح مخ ساقه
من كثر ما ردفه كما نغمه الناي
مشيه اليا دبر تقل فيه عاقه
ياحبني له كثر ما حاول اغواي
مسكانه بقلبي بحكم الصداقه
القلب بيته والحواجز حناياي
والله ليقطن به وما شاف راقه
ودي مثل شرواه لاشرف حماي
يحل يومي قبل موعد فراقه
وانا بدوي ويعيش مثلي وشرواي
ما كبس المجداده اهل العراقه
من لاذ بحمانا عن الرايح الجاي
يبقى دخيل ولا يشوف الحماقه
وانا من رجال على كل وشاي
روس لها بالموت الاحمر علاقه
دخيلنا لاقبل على القوم عواي
يسلم ويهدى فوق تسعين ناقه
وانا وريث المجد والمجد مرماي
المجد طلابي وانا في سياقه
والصاحب الي قاطن في حناياي
والله ليقطن به وما شاف راقه
ون كان مل القلب واوعز لفرقاي
يقطع عروقه قبل يعلن فراقه
وشلون اخير بين سيفي وشلفاي
في ساعه والموت حاصل عناقه

وسلامتكم ..