الشاعر سعود جمعان المطيري من الشعراء المبدعين

وقد حصل له موقف مضحك قبل فترة قصيرة
يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
وهو يتشكى كان مركز بعيونه على سعودجمعان
قال له سعود هالأبيات:

يا ابن الحلال اللي تشكى علينا=حنّا لنا بوضع على الله مشاكيـه
كانك تحرى للعطا مـن يدينـا=عزالله إنك عندنا ما أنت لاقيـه
ماهو ردى بس أرثع الوقت فينا=ماعندنا ماناكلـه دون نعطيـه

ومرة كان سعود جالس بمجلس
وكان فيه شيخ يحدث ويقول من ضمن الحديث إننا بأعظم نعمة بتاريخ البشرية
قال له سعود : ياشيخ أنا عندي مداخلة
قال له الشيخ تفضل

قال سعود هالأبيات:

ياشيخ ......الضحى فوق ثوبك=وانته تروغ عن نحور الصواريخ
النعمة اللي بس ياشيـخ دوبـك=ماتحسب أكبر نعمـة بالتواريـخ
وإن كان هذا بالتحدث أسلوبـك=فعز الله إنك لقطة غليس ياشيـخ

يابنت ياللي بالمساجد تطوفيـن=كفي يدينك قبل نأخـذ ريالـك
حنـا ترانـا كلنـا مستحقيـن=ماهو أنتي اللي مستحقة لحالك
لو لا الحيا شفتي وزانك ثلاثين=أحد يمين منك وأحـدٍ شمالـك
مرفعيـن إيديننـا ومتقاعيـن=الموجب إن أحوالنا مثل حالك

ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري

أنـا لقيـت البنـك مثـل اخويايـه=مايقضي الحاجة إلى جـاه محتـاج
أمس الضحى مريـت كـل زملايـه=وكلٍ عطـى لـه بالمعاذيـر منهـاج
وضنيت باقي فـي رصيـدي بقايـه=وحركت ناصٍ حارس البنك هجـاج
ودقيت رقمـي صـح مابـه روايـه=طلع على الشاشة : لا داعي للإزعاج

يا أهل الوظايف قولوا الحمـدلله=على معوشتكم ولو رزقها ضنـك
أنا وجنسي رزقنا لـو وصفنـاه=حوذ الحنك مافيه زودٍ عن الحنك
ماطاح قرشٍ في يدينـا قرشنـاه=ودايم طفارى الله يجيرك ويامنك
البنـك لـولا لوحتـه ماعرفنـاه=من قل ماندخل على موظف البنك
ماغيـر نقـرا لوحتـه ونتعـداه=وإن قيل هذا البنك قلنا اتركه عنك
لاوا هنيـك يالغنـاوي هنـيـاه=ترقـد وحنـا بالدراهـم نمونـك
نفرح إلى من المعـاش استلمنـاه=ويهـج منـا قرشنـا ويتزبـنـك
والله يالوتصرف ربع ماصرفنـاه=ليصيبك السكر مع الضغط والتنك
ولولا جهدنا وجهدنا اللي بذلنـاه=ماتنفخ ذروبك وتمـلأ مخازنـك
مير المقدر مالنا غيـر نرضـاه=مرزقك منا وسقمة أرقابنا منـك

طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم
والقصيدة هي

لاصار جدك ماترك لـك ملاييـن=ماهوب لازم تشتري لـه ضحيـه
قل له ياجدي جعلك من المناجيـن=والله ماتسـوى قيمـة البربـريـه
عقبتني للديـن ومصـارع البيـن=ومن زين طبعك كاتبٍ لك وصيـه؟
لو أنت ما أخذ لك من الخد حوشين=يوم الأراض بلاش وسـط العليـه
إن كان تلقاني من أهـل الدكاكيـن=مطنطـخٍ هالحيـن ميـة بمـيـه
لكـن ياجـدي ضحيتـك بعـديـن=إن سهـل المولـى ثمنهـا عليـه
حنا بوقتٍ شين وأشين من الشيـن=فيه الخـوي ماعـاد ياثـق خويـه

المشاركة الأصلية كتبت بواسطة ابوحمد (المشاركة 275752) أنــــا لـقــيــت الـبــنــك مــثـــل اخـويــايــه مايقـضـي الحـاجـة إلــى جــاه مـحـتـاج أمـــس الـضـحـى مـريــت كــــل زمــلايــه وكـــلٍ عـطــى لـــه بالـمـعـاذيـر مـنـهــاج وضـنـيـت بـاقــي فـــي رصـيــدي بـقـايـه وحركـت نــاصٍ حــارس البـنـك هـجـاج ودقــيــت رقــمــي صــــح مــابــه روايـــــه طلع على الشاشة : لا داعي للإزعاج المصدر : سعود جمعان المطيري - مجالس الفرده http://www.alfredah.net/forum/thread...#ixzz2hs11exvg الف شكر ابو فيصل على الاضافه الرائعه جداً لاهنت وصح لسان الشاعر سعود جمعان المطيري دائماً قصائده قريبه من الجمهور

اخوي
نائب المشرف العام ابو حمد
اشكرك على المرور العاطر الراقي كماهي عادتك
تحيتي

المشاركة الأصلية كتبت بواسطة علي الجضعان (المشاركة 275754) غازي بن عجاب الف شكر على الاضافه أثريت القسم بقصصص جميله ولك والشكر والغرفان

علي بن جضعان
الف شكر على المرور الراقي
تحيتي