مجالس الفرده - قصة وقصيدة لمحيا بن رباح

ذكر الأمير تركي بن سعود الكبير أن محيا بن رباح الطايلي العتيبي رجل فقير لاكنه كريم وكل حلاله معزى واكثرهن لزوجته بنت عمه وكان كل مابغى يذبح منهن لالضيوفه ترفع صوتها زوجته وتسمع الضيوف ان المعزى لها وانه فقير من كثر مايذبح للضيوف وتمن عليه الذبيحه

ويوم من الايام جا محيا ضيوف لهم قيمه وهيبه وخاف محيا ان ازوجته تفضحه عند الضيوف وقال لها روحي عند عمي ابوك واطلبي منه ان يرسل لي ذبيحه لضيوفنا اخاف اذبح العنز وتزعج الضيوف بالثغاها
وكان وابو زوجته يبعد عنه يمكن 10 كيلو وعندما راحت زوجته وابعدت
راح محيا لاحلال وذبح منه وطبخها عند جيرانه

اما ابو زوجته كان عارف ان بنته بخيله ولاهي سنعه وان محيا يجاملها عشان ابوها ودرى ابوها ان ثغى العنز اللي يقصده محيا هو صوت زوجته

فقال ابوها لها اقعدي يابنتي الطريق طويل وزوجك بيدبر نفسه مع ضيوفه
وكان لابو البنت بنت ثانيه جيده وكريمه وسنعه وجميله يرد عنها الخطاب واخلاقها عاليه ومحترمه
فارسل ابو البنت لمحيا يطلب منه طلاق بنته ليزوجه اختها

فقال محيا بن رباح العتيبي بعد زواجه الاخير من اخت طليقته
الله خلقني واعتنابي عن الضيق
-------------والفقر عن سلم العرب ما حداني
ماقد مني راح ضيفي على الريق
-------------ولاشان وجهه يوم شان الزماني
والله رماني في خيار المطاليق
-------------اللي عطيته عنز وهوه عطاني
عطاني اللي به كثير الذهب سيق
-------------بنت الشيوخ اللي تعز العواني
الله موفقها على الخير توفيق
-------------لا غبت عن بيتي لها الف اماني

ان شاءالله اعجبتكم القصه

تقبلو تحياتي