بسم الرحمن الرحيم
السلام عليكم ورحمة الله وبركاتة
مساجلات بين الشاعرين:
ضيدان بن صبحان العجمي و سعد بن عبدالله العجمي رحمه الله

وللعلم هم أبناء عم ولكن ضيدان شايب وسعد شباب

سعد بن عبدالله الهتلاني العجمي
الـــــــــرد

لا تحسب انا ياسعد وسط غابه =هاللي تراوى لك تراهن عمارات
وموضوعك اللي جبت كله غرابه =والظاهر انه سابع المستحيلات
واخاف لاتنبح عليك الكلابه =ثم هات نسلم من مخاليبها هات
يابوك ماعمري دخلت النيابه =ومن العمر مابقى كثر مافات
وان كان تبغي الرأي قبل يغدا به =من واحد جرب جميع الحيلات
خل الخطب للي يعرف الخطابه =نهارنا شمس وفي الليل لمبات

ياراكب من عندنا فوق سمبوك =متوجه صوب المنامه بشايب
مع البحر كنك على القار ف بيوك =يلحق ويفهق مسرعات الهبايب
وان طحت في خفر السواحل وردوك =دارك على عود من الحول ذايب
وان باركوا لك بالسلامه وهنوك =لك في الدلاله ياابن الاجواد نايب
ترى خويك كان من قبل صعلوك =ويدل حتى موحشات الخرايب
وصحيح لو تنشد هل الدار دلوك =واهل الوفا ماعابهم ربع عايب
ويامقدرين الضيف لو مامعه بوك =باخلاقكم صارت ثمان عجايب
وارجوك انا ياصاحبي وارجع ارجوك =اياك تنسى انك مودي وجايب
رجع لنا خريج بومبي وبانكوك =وخلك على الزله بعيد الحضايب

سعد بن عبدالله العجمي
الـــــــــــرد

اخطوا عليك اللي بها الاسم سموك =اسمك سعد وانت السعد عنك غايب
والظاهر ان اهلك على العنف ربوك =وطلعت تبحث للنشب والطلايب
وظلمت حظك مااشين الظلم يابوك =وهجيت عود عن هل الغي تايب
ماتدري اني صرت هادي ومبروك =وعلي تثني عمتي والنسايب
وان شفت ديواني على طول مصكوك =اطرد ورا حظ ورزق نهايب
وحتى انت تنغزنا مع الحكي بالشوك =ياهي علينا من كبار العقايب

ألف شكر أبو فيصل

بأنتظار المزيد عن هذان الشاعران

مشكوووووور والله يعطيك الف عافيه