|
شفتها ياسعود صدفة صباحكم ورد ومساكم عسل قصه رائعه واثرت فيني قلت انقلهاااااااااا لكم ...... سـعـاد+فــهــد= سعآد هي بنت عمرهآ 15 سنه ؛ وتحب فهد وعمره 17 سنه ! سآكنين بنفسَ الشآرعٍ بمدينه من مدن السعوديهُ . . مآإطول عليككٍم المهم آنهم يعشقوَن بعض مثل شمس وقمر ؛ < طبعآ‘ آهلهم مآيدرون آنهم يموتونِ فيً بعضضِ ولآ صآرت علوممَ الموهمِ آنهم عآيشين حيآه ولآ آططٍلق وفي يوم من الايام جئ لأبو سعاد نقل مفاجئ الا منطقه بعييده عن منطقة فهد المهم ان البنت كانت في المدرسه تدرس وابوها يشيل العفش استعدادا لرحيل .وكالعادة جت سعاد من المدرسة وراحت لابوها آللي مهدود حيله وقالت ابوي علامكم على الاثاث بتغيرونه حق البيت ؟ قال لها لا يمه حنا بننقل لديره ثانيه عنى 500 كيلو الا آلبنت آنكبت > تورطتَ < شلون تعلم فهودي حبها ( اول الجوالات بس مع الكبار ) المهم هي ماعنده جوال مابه الا ابوها بس ابوها نشبه وشكاك المهم خطرت ببالها فكره تكتب لفهد رساله مع اخوها الصغير عشان يوصلها لفهد بعز القايله وكتبت فيها (( حبيبي فهد والله مو بودي ولا ادري الا الحين ان احنى بننقل بالسرعه هذي لاكن حبيت اقولك اني اموت فيك يا أغلا من مر بحياتي يا اعز الناس ولاتصدق اني بنساك يانظر عيني وتراني انتظرك بمدينة **** الي تبعد 500 كيلو شارع *** رقم البيت *** خلاص حبيبي حاول توصلي بأي طريقه محبوبتك سعاد ..)) طبعا عطتها الولد الولد بطبيعته ماسك الورقه بيده اليمين وماشي بالحوش بيطلع برا الا وابوه يناديه قاله خذ 50 ريال جبلنا غدا من المطعم الي جمبنا الا والاب يدقق بالورقه قال هذي ايش ياصلوحي قال هذي من سعاد تقول عطها فهد ولد جيرانا !! المهم الأبو عصب وتل الورقه من يده وقراها وحقد على الخيانه الي تصير في بيته وقرر القرار التالي ؟... راح يم بيت جيرانهم وطق الباب ويوم فتح فهد الا وابو البنت في وجهه قاله اقلط يابو سعاد اقلط قال لا لا تسلم لاكن حاب اعلم ابوك ان احنى اليوم بننقل عن بيتنا وحبينا نعلمكم حتى تزورونا فهد بدون استيعاب وين تكفى عنوانكم وين قال ابو سعاد سجل العنوان طبعا ابو سعاد عطى فهد العنوان الخطاء 100% غير الجهات يعني اذا فهد بيروح للعنوان بيكون ماله امل يلقاهم ( قطعا ) المهم حرك ابو سعاد لبيتهم وهو صامت وشالوا العفش ومشوا وهم ماشين الا فهد برا ينتظر طلعتهم يوم شافهم ركبوا اندس ورا سيارته عشان ابو البنت مايشوفه المهم ويمر الجيب من قدام فهد وسعاد تطالع فهد وتودعه بيدها ؛ وفهد يسويلها اوكي بيده يعني انه اخذ العنوان وهي تحسب قصده انه استلم الورقه المهم اهل سعاد اول موصلو جو أناس يزورونهم وتعرفوا على ناس واجد وفهد شال أمتعته وراح بيسير عليهم في ديرتهم الجديدة << وجهه بليوت ) المهم سافر ويوم وصل للمنطقه الا ويسأل على العنوان وهو يروح الا ماقدامه الا ورش سيارت ولا حولها منطقه سكنيه عشان يشك المهم راح استأجر له غرفه شهر كامل وهو يروح يدور نفس سيارتهم وعلى ها الحال 3 شهور لين مل ورجع لبيتهم وهو مهموم ومغموم ؛ وقال مالي الا اعيش على الذكرى صار يزرع نفس الورد الي هي كانت تحبه وبس يطالع بباب بيتهم المهجور ( وتمر السنين وتمر السنين ) وهو يدخل الجامعة الي عنهم 500 كيلو ويدرس بها طبعا سعاد مازالت تنتظر والناس يقولون لها انسيه هو نساك ولا عاد تطرين عليه اصلا وتراه يعرف العنوان وماجاك المهم وكالعاده الابويه لدينا زوجو سعاد بدون رضاها المؤكد وصار عندها بنتين وولد وهي تدرس بجامعه وتطبق في نفس المشفى في قسم التمريض وعمرها الان حوالي 23 سنه وفي يوم من الايام يلعب فهد كوره في ملعب الجامعه في قسم الرجال الا وتجيه اصابة في رجله وقرر يروح للمشفى حق الجامعه الي بين القسمين الرجال والنساء المهم راح واخذ ورقه من الاستقبال وجلس شوي مر على جلوسه حوالي نصف ساعه قرر يروح يشوف ايش الموضوع يوم راح الا بذيك البنت نفس عيون سعاد قالها لو سمحتي ممكن دقيقه بكلمك كلمتين بس الا وسعاد تلتفتله وتقول حدك ترا انا مو بنت صايعه احترم نفسك وراحة البنت شوي الل وهي راده وتقول لفهد ياسنافي احس ان عندك كلام ودك تقوله وش عندك من كلام ظروري شوي الا قالها ان اذكر اني احب بنت ولا تدرون اخليكم مع القصيده احسن هي بتاصفلكم القصه احسن وقال فهد لخويه سعود بعد مارد للبيت في القصيده : شفتها يا سعود صدفه بعد ما غابت سنين *** عند قسم المختبر وسط مشفى الجامعه جيتها ثم قلت ممكن في سؤالي تسمحين *** ناظرت فيني بدهشه نظره متواضعه قالت انته تحسبني من بنات صايعين *** تحسبني في زماني عن طريقي ضايعه قلت انا ماراح اطول xxxوها كلمتين *** وابعدت عني شويه ثم جتني راجعه قالت اسال واضح انك من رجال طيبين *** بس هرجك يالسنافي وشهو دافعه قلت انا حبيت وحده يوم كنا صغيرين *** ومن ثمان سنين راحت للمواصل قاطعه عقبها ماذقت نوم يهتنيه النايمين *** ساهر في طول ليلي لين شمسي طالعه اذكر انه فيه حبه فوق ثغره من يمين *** واذكر انه لاجرينا كن شعره تابعه واذكر انه عاشق الورد والياسمين *** وصار قلبي بالورود اللي عشقها زارعه طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه قاطعتني بقولها سبحان رب العالمين *** كررتها مره .. ومرتين .. ورابعه قلت وشفيك وشبلاك يابنيه ترجفين *** ليش عينك يابنيه من كلامي دامعه قالت الموقف وقلبي والمحبه والحنين *** كيف اشوفك بعد ماكنت عنك قانعه قلت انا بسألك ان كانك انتي تذكرين *** عن مواثيق ثمنها من حياتي دافعه قالت ظروف الزمان ماتطيع العاشقين *** بيعوني غصب حبك لو هو ماني بايعه انا في دنياي حالي كنها حال السجين *** حتى لو فكوا سراحه فيه شي ٍ مانعه زوجوني غصب واحد وحرموني حاجتين *** السعاده في زماني والحياه الرائعه والحين انا ام لثلاثه ريم وياسمين *** والولد اسمه على اسمك والمشاعر جايعه ...!! وسلامتكم |
رد: شفتها ياسعود صدفة مساكين أهل العشق حتى قبورهم عليـــــــها تراب الـذل بين المــقابــر القديره ميس الريم كم تأثرت بها القصه والمؤثر الاكثر القصيده ما أروعكـ ميس الريم وما أجمل إختياركــ سلمتي وسلم بنانكـ ويراعكــ تحيتي |
رد: شفتها ياسعود صدفة اقتباس: المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfred...s/viewpost.gif مساكين أهل العشق حتى قبورهم عليـــــــها تراب الـذل بين المــقابــر القديره ميس الريم كم تأثرت بها القصه والمؤثر الاكثر القصيده ما أروعكـ ميس الريم وما أجمل إختياركــ سلمتي وسلم بنانكـ ويراعكــ تحيتي أخي غازي بن عجاب أولا:- أُريدُ من قال هذا االبيت عن قبور العاشقين وياليت إذا لهذا البيت تكمله تزيدنا بها ثانيا : -الأروع من ذالك كله مرورك الذي يدعي قلمي لسؤال يلي سؤال مرور جميل أشكرك شكرا جزيلا على حسن اختيار كلمات الثناء تقديري لك |
رد: شفتها ياسعود صدفة اذكر انه فيه حبه فوق ثغره من يمين *** واذكر انه لاجرينا كن شعره تابعه واذكر انه عاشق الورد والياسمين *** وصار قلبي بالورود اللي عشقها زارعه طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه مساكين اهل الهوى القديره ميس لااجد ما اقوله سوا الف الف الف مليووووووون شكر |
رد: شفتها ياسعود صدفة والحين انا ام لثلاثه ريم وياسمين *** والولد اسمه على اسمك والمشاعر جايعه الله قصه مؤثره فعلاً وأعجبتني يعطيك العافيه سجلي مروري وتقديري |
رد: شفتها ياسعود صدفة لك تقديري ابو حمد مرورك وشكرك بالملايين غمر متصفحي دُمت ودام مرورك الرائع |
رد: شفتها ياسعود صدفة اقتباس: المشاركة الأصلية كتبت بواسطة علي الجضعان http://www.alfredah.net/forum/alfred...s/viewpost.gif والحين انا ام لثلاثه ريم وياسمين *** والولد اسمه على اسمك والمشاعر جايعه الله قصه مؤثره فعلاً وأعجبتني يعطيك العافيه سجلي مروري وتقديري مرورك وتقديرك على الرأس اخينا علي الجضعان أشكرك الشكر الضافي مع التقدير الوافي دمت بيرق في متصفحي |
رد: شفتها ياسعود صدفة القديره ميس الريم هذا البيت أحفظه للأصمعى عنما وجد الغلام ميتاً بعد أن كتب سمعنا وأطعنا وبلغوا = سلامى إلى من كان للوصل يقطع لذلك كتب الأصمعى ذلك البيت ويروى مساكين أهل الحب حتى قبورهم = عليها غبار الذل بين المقابر الفرق بين تراب وغبار بالروايه لكن اللذى أعرفه إنه بيت واحد فقط تحيتي |
رد: شفتها ياسعود صدفة اقتباس: المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfred...s/viewpost.gif القديره ميس الريم هذا البيت أحفظه للأصمعى عنما وجد الغلام ميتاً بعد أن كتب سمعنا وأطعنا وبلغوا = سلامى إلى من كان للوصل يقطع لذلك كتب الأصمعى ذلك البيت ويروى مساكين أهل الحب حتى قبورهم = عليها غبار الذل بين المقابر الفرق بين تراب وغبار بالروايه لكن اللذى أعرفه إنه بيت واحد فقط تحيتي الآن تذكرت هذا البيت ولكن لك شكري ومزيد تقديري على اهتمامك بسؤالي دُمت لنا مرجع ومُصحح هنا أخي غازي |
| الساعة الآن 06:37 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir