|
((قصة غصين وأخوه ســـالم)) قصة وابيات من التراث ( غصين واخوه سالم ) http://esyria.sy/sites/images/daraa/...9_14_24_26.jpg http://www.albdoo.com/vb/albdoo-vb-d.../insaed_04.gif جبت لكم سالفه عن ثلاث اخوان من قبيلة الظفير ، واحد اسمه سالم والثاني غصين وكان اصغرهم بالعمر وغصين دايما يسبب لهم بعض المشاكل مع جماعتهم ، والمقرود كل ما صارت مشكله طلع اسمه فيها وحصل مره انه ... زعل عليه اخوه الكبير وضربه وطرده من البيت .... وزعل غصين وتضايق من اسلوب اخوه اللي ما توقعه ، قال: لك اللي تبي انا طالع مو من البيت بس .... انا طالع من حياتكم كلها رد عليه سالم بحالة غضب: روحه بلا رجعه .... جعلك ما تعود وبعد رحيل غصين انشد هالابيات: عزى لكم لا غبت ولا جيت ــــــــــــــــــــ من عقب جمعاكم غديتوا شتاتي اضرب لكم بالسيف لا مني ادليت ــــــــــــــــــــــ ما يــدب العيال ضــرب القنـاتي واسرح لكم بالذود لا مني ألفيت ـــــــــــــــــــــــ واثني لا من هجن بكم مقفياتي وبعد مدة من غيبته أخذ له دم ذبيحه ورش فيها ذلوله وشداده وعطاها لواحد وقاله وصلها لاخواني واذا سألوك قولهم انذبح اخوكم وهذا دمه علشان يصدقون، وبعد ما وصل الذلول لاخوانه بهالحاله وسماعهم بذبحته بكوا وتكدروا وأنبهم ضميرهم باللي سووه بأخوهم وبالذات سالم وصل خبر وفاته لبعض جماعتهم اللي بينهم وبين أهله مشاكل ومنافسه على مارد الماء وعلى منزل البيوت وكان غصين بالنسبه لهم مصدر قلق وازعاج، وصاروا يضايقونهم ويبعدون ابلهم عن الماء ..... اما غصين اشتاق لشوفة اخوانه وحالهم من بعده ... رجع لهم من غير ما يدري احد عنه وصار على مقربه من جماعته وشاف اللي يعانون منها اخوانه من بعده ، وبعد ما حل الظلام قبل لا يدخل البيت سمع سالم اخوه ينشد بالربابه: البارحه بالليل ما نامت العين ـــــــــــــــــــــــــ ــــــــ والدمع من جفني تزايد ذريفه قلبي تدالن كثير الشواطين ـــــــــــــــــــــــــ ـــــــــ كبر الهضـاب العاليات المنيفه حملت همن لي مع القاط قاطين ـــــــــــــــــــــــــ ـــــــــ والبال مني غير الــوقت كيفه الذود عندي له عن الماء اظماوين ـــــــــــــــــــــــــ ـــــــــــ يحن من فــرقــا دلالــه وريفه شرهه تحن وتزعج الصوت لغصين ـــــــــــــــــــــــــ ــــــــــ وتجاوبه بالصوت بنت الرهيفه واخوي لا جتنا من الربع الادنين ـــــــــــــــــــــــــ ـــــــــــــ ارجح يعدي منكبه كل عيــفه ولا ليا قالوا لى الغزو ملفين ـــــــــــــــــــــــــ ـــــــــــ فزيت فزت عاشق شاف اليــفه وبعدها دخل عليه اخوه وقال : ابشر بالفرج يا خــوي تحياتي للجميع |
رد: ((قصة غصين وأخوه ســـالم)) القديره ميس الريم عمل دؤوب وجهد مشهود ويعطيك العافيه على القصه والقصائد تحيتي |
رد: ((قصة غصين وأخوه ســـالم)) حقيقه استمتعت بهذه القصه والقصائد ... تسلم الانامل ياميـــــــــ الريم ـــــــــــس ... |
رد: ((قصة غصين وأخوه ســـالم)) أخي غازي بن عجاب مرورك زاد من جمال ومكانة القصة لك من الشكر أجزله ومن التقدير أحسنه |
رد: ((قصة غصين وأخوه ســـالم)) تسلم ابو حــــمد على المرور الرائع العـطر كل الشكر والتقديرلك |
رد: ((قصة غصين وأخوه ســـالم)) أهب ياغصين من أسمه شري بس فاك أخوانه من الأعداء ياشين الضعف وياحبي للقوه الف شكر على تعطير قسمي بهذه القصه الرائعه من رائعك |
رد: ((قصة غصين وأخوه ســـالم)) قصه رائعه واستمتعت بقراءتها ،،،،، سلمت اناملك على الاضافه يااختي ميس. ((دمتي بحفظ الرحمن)). |
رد: ((قصة غصين وأخوه ســـالم)) أخي علي بن جضعان مرورك بالقصة مرور قوي ممزوج بإسلوب مرح دائما لك تميز عند الرد وفي المرور هاه لاتحسبه المرور اللي بالشارع عاد نروح فيها لك أجزل الشكر وأحسن الإمتنان |
رد: ((قصة غصين وأخوه ســـالم)) الله يحفظك اخي عايض دائما مرورك معطر بالدعاء ولك بمثله أدامك الله بعافية كل الشكر لك |
رد: ((قصة غصين وأخوه ســـالم)) ميس الريم أختيار موفق ويدل ع حسن الذائقة لديك تقبلي تحياتي |
| الساعة الآن 02:38 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir