مجالس الفرده - قصة وقصيدة

هذه قصيدة لشاعرة مشهورة أصيبت بمرض السرطان - حمانا الله وإياكم- وعند خروجها من المستشفى أقام لها زوجها احتفالاً ذُبحت فيه الخراف وعزم الأقارب والأحباب فرحاً بخروجها .. وقد كانت تعلم بمرضها وتحّس بدنو اجلها ..فوجهت أبيات هذه القصيدة لزوجها معبرة عن الحب الحقيقي بينهما ..فأسأل الله ان يتولاها برحمته و وجميع موتى المسلمين ..[/SIZE]

ترى الذبايح وأهلها ماتسليني
ان ادري ان المرض لايمكن علاجه

ادري تبي راحتي لايا نظر عيني
حرام ما قصرت يديك في حاجه

اخذ وصاتي وامانه لاتبكيني
لو كان لك خاطرن ما ودي ازعاجه

ابيك في يديك تشهدني وتسقيني
امانتك لايجي جسمي بثلاجه

لف الكفن في يديك وضف رجليني
ماغيرك احد كشف حسناه واحراجه

ابيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
ايام نمشي عدل وايام منعاجه

همي عيالي وانا اللي في كافيني
علمهم الدين تفسيره ومنهاجه

================

بعد ذلك رد عليها زوجها بأبيات معبرة قال فيها :

حاولت أنام وحاربت عيني النوم
وجريت صوتن مثل صوت‏ الذيابه

الجفن كنه صار ضايق ومهزوم
ودموع عيني مثل رش‏ السحابه

على وليف قالوا اليوم مرحوم
فارق وراح وماتهنى في‏ شبابه

زرت القبور اللي على بعضها ارسوم
وخطيت رسمن فوق ذيك ‏النصابه

قلبي من الدنيا عليه مرسوم
والرسم توه عقب خط‏ الكتابه

أحبها مير القدر صار مقسوم
ويحبها كل الأهل‏ والقرابه

الموت أخذها واودع القلب مثلوم
جرح عميق مايداوي ‏صوابه

الموت أخذ شجعان وارخوم وقروم
وأخذ رسول الله وباقي ‏الصحابه

رحمها الله رحمة واسعة وجبر مصاب زوجها وأولادها..

وســـلامتـــــــــــــكم : http://alfredah.net/vb/images/smilies/vip/sm248.gif