مجالس الفرده

مجالس الفرده (http://www.alfredah.net/forum/)
-   مجلس قصة وأبيات (http://www.alfredah.net/forum/alfredah104/)
-   -   دقـه بنجـر يسمعـه كـل مشتـاق= راع الهوى يطـرب إلا دق بخفـوق (http://www.alfredah.net/forum/threads/alfredah20711/)

ذيبان 15-05-10 12:01 AM

دقـه بنجـر يسمعـه كـل مشتـاق= راع الهوى يطـرب إلا دق بخفـوق
 
الشاعر محمد بن عبد الله القاضي

وهو شاعربليغ ومعروف له شعر في الغزل

هذا الشاعر القاضي كان هو وجيرانه كل ليله القهوة عند فلان ,

المهم في يوم من الأيام وهم جالسين صار الرهن بينهم وبين القاضي

على أنهم قالوا يا أبو عبد الله كل القصيد اللي نسمعه منك كل أكثره في الغزل هل أنت ما تقدر تجيب ؟
قال إلا أقدر أجيب ؟
لكن وشو ومن عليه حتى أني أجيب ؟

قالوا أبداَ يقول راعي البيت ::عشا الجماعة القابله علي
أن جبت قصيدة ما فيها طاري غزل لا تقل عن ثلاثين بيت وإلا يصير عشاهم عليك!! إذا تعرضت للغزل
قال تم , مايخالف ,,,,ا.
قعدالقاضي معه السبحه يومي بها ويونون بينه وبين روحه يتكلم ويومي بالسبحه ويهوجس ,

عاد راعي البيت خاف أن القاضي ياكلهم في الرهن .
المهم أنه خذ هاك الغضاره خذها يبي يجيب فيها ماء من داخل يوم دخل وإلا البيت فيه الحريم ,,,
الكبيرات في السن دائماَ يصيرن في جهـه منعزلين
وفي جهـه ثانيه البنات عاد تخبرون البنات يدورن مكان يقعدن فيه يا أما في راس الدرجه وإلا في أسفل الدرجه يجتمعن ,
الحاصل يوم دخل هو وتلاقيه واحده من هالحريم الكبار والأ والله أن صوتهم طالع ,
قالت ::سليمان كن حسكم طالع شوي ,
قال :أيه والله عندنا القاضي وقاعدين نتجادل في كلام متراهنين حنا وياه أنه يجيب قصيدة ما يجيب فيها طاري غزل
وأن حنا خايفين يا أم عبد الله أنه ياكلنا في الرهن
قالت : لا ما ياكلكم
قال : وش لون ؟
قالت : نشوف له دبره خل الماء ويسهل الله
قال : زين ...و راح .
وتقوم واحده من هالحريم ودور واحده من هالبنات دورت اجملهن وقالت تعالي يا فلانه راسك خليه جديلتين
وهي تقوم فعلاَ تعمل الجديلتين وتخليهن يتلامعن
عادالشعر اسود وزين ولبسوها هاك الثوب وقالو نبيك لامن القاضي بدأ في القصيدة وجاء في نص القصيدة أدخلي ,
وعاد هي رافعة ثوبها ملبسينها حجول وشايله الغضاره في يدها وطبعاَ متخيرين اجملهن
وهم القصد من هذا أنهم يبون يخلون القاضي ( يطلع الرصيف )
ولا يستمر في قصيدته هذا قصدهم حتى أنه يخل بالرهن .
عاد هي ماسكه الغضاره وموقفه عند الباب والحريم جنبها واقفات بس يبييدخلونها ويخلونها تحط الغضاره وتمشي ,
جاء الرجال اللي هو راعي البيت وجلس و قال ::هاه يا أبوعبد الله وش تقول في الرهن اللي بينا وبينك تبي تجيب قصيدة ما فيها طاري غزل
قال :: إيه ابجيب في معاميلكم و دلالكم قالو توكل على الله ...
قال القاضي ..





يامل قلب كـل مـا التـم الأشفـاق= من عام الأول به دواكيـك وخفـوق
يجاهد جنود في سواهيـج الأطـراق= ويكشف له أسرار كتمهـا بصنـدوق
إلا عن له تذكار الأحبـاب واشتـاق= باله وطاف بخاطره طـاري الشـوق
قربت له من صافـي البـن مـا لاق= بالكف ناقيها من العـذف منسـوق
أحمس ثلاث يانديمـي علـى سـاق= ريحه على جمر الغضا يفضح السوق
حـذراك والنيـه وبالـك والأحـراق= واصحا تصير بحمسة البن مطفـوق
لا أصفر لونه ثم بشـت بالأعـراق= صفرا كما الياقوت يطرب له المـوق
وعطت بريـح فاخـر فاضـح فـاق= ريحه كما العنبر بالأنفاس منشـوق
دقـه بنجـر يسمعـه كـل مشتـاق= راع الهوى يطـرب إلا دق بخفـوق
ولقـم بدلـة مولـع كنهـا سـاق= مصبوبـة مربوبـة تقـل غرنـوق
خله تفوح وراعي الكيـف يشتـاق= إلا طفح له جوهـر صـح لـه ذوق
أصغر قمـوره كالزمـرد بالأشعـاق= وكبار هالطافح كما صافـي المـوق
وزله على وضحا بها خمسةارنـاق= هيل ومسمـار بالأسبـاب مسحـوق
مع زعفران والشمطـري إلا انسـاق= والعنبر الغالي على الطاق مطبـوق
فـالا اجتمـع هـذا وهـذا بتيفـاق= صبه كفيت العوق عن كـل مخلـوق
بفنجال صين زاهي عنـد الأرمـاق= يغضي بكر سيه كما إغضاي غرنوق
إلا انطلق من ثعبتـة تقـل شبـراق= رنق تصور بالحمامه علـى الطـوق
شكل علـى الفنجـال لونـه إلا راق= دم الغزال إلا انمـزع منـه معلـوق
ذوقـه إلا منـه تسلسـلب الأريـاق= عليه من ماء صافي الـورد مذلـوق
راعيه كنـه شـارب ريـق ريـاق= كاس الطرب وسرور من ذاق لهذوق

وإلا يوم مرت البنت قال :


يحـتـاج مــن بـيـض الـعــذرى إلافـــاق= غــرو يـمـز شـفــاه والـعـنـق مـفـهـوق
عـبـث يعـيـل بحـبـتـه مـــا بـعــدمـــاق= وهـو يضاهـي زاهـي الـبـدر بشـعـوق
فــي وجنتـيـه إلا غـنــج ضـــوح بـــراق= عـجـل رفيـفـه بالطـهـا مـزنــه طـبــوق
سحـر كتـب مــن حـبـر عينـيـه بــأوراق= خـديــه صـاديــن ونـونـيـن مـــنفـــوق
إلا تـبـسـم شـــع وإشـــراقبــ الآفــاق= نــوره يـفــوق الـبــدر سـحــرمـنـطـوق
بالعنـق كــن المـسـك والــورس بــراق= ما مشخص في صدري الشاخم دفوق
أبـــو دلـيــق كــــن بـاطـرافــه حــــلاق= حدر البريـم وهافـي الوسـط مسـروق
يمشـي برفـق خايـف مـدمـج الـسـاق= ويفصم حجول ضامها الثقـل مـن فـوق
إلا حصـل لـك سـاعـة وأنــت مشـتـاق= فاقطـف زهـر مـالاق والعـمـر ملـحـوق
فايـلا حـضـر ماقـلـت عـنـدي فــالارزاق= فــي يــد كـريـم كـافـل كـــل مـخـلـوق
هـــذا وصـلــوا عـــدد مــانــض بــــراق= علـى النبـي الهاشمـي خيـرمخـلـوق

وطبعاَ يوم انتهت القصيدة قالو:: عليك الرهن أنت اللي أخليت به عليك يا أبو عبد الله
قال : لا , وش علي ؟ !
قالو :نعم .
قالو :: احلف
ما تحلف يقوله لراعي البيت
قال:: لا أجل إلا صارت المسأله وعودت للحلف لا والله الحق علينا
حنا , أنت تستاهل يا أبوعبد الله ذبيحتين أول وحده عن هالقصيدة العصماء ثاني شي حنا اللي أخلينا بالرهن وسوينا الحركه هذي .

عايض المقطع 15-05-10 12:43 AM

رد: دقـه بنجـر يسمعـه كـل مشتـاق= راع الهوى يطـرب إلا دق بخفـوق
 
قصه وقصيده رائعه جدا،،، تسلم يمناك على النقل.


الساعة الآن 05:18 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52