|
التايـه اللـي جـاب بصـري يقنّـه=جدد جروح العـود والعـود قاضـي كان يا ما كان ,,, في قديم الزمااان ,,, وسالف العصر والآوان .... كان هناك رجل يدعى بصري الوضيحي الشمري شاعر غزل وهزل .. يوم كبر وتقدم به العمر حس بالندم على شعره ومافيه من غزل ومن أمور هزلية فحدثته نفسه بالتوبة وعزَم عليها وقال لولده الكبير: أنا ودي أتوب وودي أروح أحج عسى الله يغفر لي ويرحمني .. المهم نوى الحج هو وولده وتوكلوا على الله وسافروا إلى بيت الله الحرام يوم وصلوا مكة دخلوا الحرم وطافوا وجاء بصري يبي يقبّل الحجر الاسود وكان عند الحجر زحمة شديدة يوم وصل الحجر كان فيه جنب الحجر امرأة جميلة وكانت شديدة البياض وفارعة الطول يوم شافها بصري ضاعت علومه ونسي حجه وبدل ما يقبّل الحجر قبّل البنت ...!!! البنت زعلت وقالت : كيف تسوي كذا وأنت بالحرم فجاء ولده يبي يلملم الموضوع وقال تايه تايه يعني ( مهذري ومخرف ) فقال بصري قصيدة يرد عل كلمة ولده ( يمكن الرواية وبعض الابيات تختلف شوي لأن القصة قديمة وتختلف الروايات بس هذا المشهور وبصري توفي عام 1250هـ ) التايـه اللـي جـاب بصـري يقنّـه=جدد جروح العـود والعـود قاضـي جينـا نحـب ونطـلـب الله جـنّـه=جنّـة نعيـم ويـوم يابـس لحاضـي ياليـت كانـت حبتـي فـي معـنّـه=يوم العيون عـن الخوامـل غواضـي يا من يعاونـي علـى وصـف كنّـه=اشقـح شقـاح ولاهـق بالبيـاضـي لا ريحـة قشـرا ولا هـي مصنّـه=ريـح النفـل بطمطمـات الفياضـي ونهودهـا للثـوب الحمـر شولعنّـه=حمـرٍ ثمرهـن واقفـات غضاضـي والخـد ذبّـاح القـلـوب المـرنّـه=بـرّاق مـزن لاعـج اللـون ياضـي ياليـت سنـي علـى وقــم سـنّـه=بايـام مـا بينـي وبينـه بغـاضـي أيـام جلـد الذيـب عنـدي محـنّـه=صبح وزرق الريش لهـن انتفاضـي واجـرح قلبـي جـرح واد وطـنّـه=غر المـزون اللـي وطنـه وفاضـي والبيـض قبلـي محـسـن عذبـنـه=ونمر على وضحى جرى له عراضي والبـيـض كــم واحــد يبسـنّـه=يبسـة شماشيـل العـذوق النفاضـي عـزي لمـن غـر الثنـايـا كـونّـه=واركن على كبـده كـوي عراضـي شوفـي بعينـي والـخـدم يركبـنّـه=بنـت الشيـوخ مخدميـن الفياضـي على اشقح من زمـل ابوهـا مظنّـه=ركبـت عليـه اتشنطـح باعتراضـي بمشجـرٍ مـن سـوق هجـر مغنّـه=على خياطة نـاب الارداف راضـي وين أنت يا مشفـي علـى طردهنّـه=أنا طويت رشـاي واقفيـت قاضـي أحـدٍ يطيـح بنـار واحــد بجـنّـه=وترى الحضيض اللي له الرب راضي يوم رجع بصري من الحج سألوه جماعته : هاه يابصري وشلون حجكم فقال بصري هذه الابيات التي أصبحت مثلا يضرب إلى وقتنا الحاضر ياليتنـا مـن حجنـا سالميـنـا=كان الذنوب اللي علينا خفيفـاتي رحنا نبي نخفف ذنـوب علينـا=وجينا وعليها كثرها عشر مراتي تعقيب :: وقد وردني تعقيب من الشاعر القدير :: غازي بن عجاب ابوزوايد مشكورا :: يقول :: ان من قبّل الفتاه هو:: جبر بن سيار التميمي امير الحريق سابقاً وقد فقئت عيناه فى مكانه جوار الكعبه وهو من قال ( ياليتنا من حجنا سالمينا ) وليس بصري الوضيحى والشكر والتقدير لاخي الشاعر الفريدي غازي بن عجاب ابوزوايد وسلامتكم ... |
رد: التايـه اللـي جـاب بصـري يقنّـه=جدد جروح العـود والعـود قاضـي مقيولة من شب على شي شاب عليه والله يحسن خاتمتنا وسلمت يداااااااااااااااك ياعم |
رد: التايـه اللـي جـاب بصـري يقنّـه=جدد جروح العـود والعـود قاضـي يعني قائل هذه الابيات ياليتنـا مـن حجنـا سالمينـا كان الذنوب اللي علينا خفيفاتي رحنا نبي نخفف ذنـوب علينـا وجينا وعليها كثرها عشر مراتي هو صبحي الشمري مشكور ابو راكان على هذه المعلومة والقصة والابيات الرائعة ولك تحياتي |
رد: التايـه اللـي جـاب بصـري يقنّـه=جدد جروح العـود والعـود قاضـي اقتباس:
شكرا مسك العود على المداخله القيمة وشكرا على مرورك بمتصفحي |
رد: التايـه اللـي جـاب بصـري يقنّـه=جدد جروح العـود والعـود قاضـي قصة حكيمة والله يغفر له ذنوبه والله يزيد ذيبان صحة وعافية وعبارات شكر لجهوده كثيره |
رد: التايـه اللـي جـاب بصـري يقنّـه=جدد جروح العـود والعـود قاضـي مشكور على النقل |
رد: التايـه اللـي جـاب بصـري يقنّـه=جدد جروح العـود والعـود قاضـي للرفع لأعطاء فرصة المشاهدة لمن لم يشاهد اويسمع بالقصيدة والسالفة |
رد: التايـه اللـي جـاب بصـري يقنّـه=جدد جروح العـود والعـود قاضـي اقتباس:
|
رد: التايـه اللـي جـاب بصـري يقنّـه=جدد جروح العـود والعـود قاضـي اقتباس:
|
رد: التايـه اللـي جـاب بصـري يقنّـه=جدد جروح العـود والعـود قاضـي اقتباس:
|
| الساعة الآن 11:50 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir