سلمت يامبطل حسوس النواقيس=يـامـبـدلـن صـوت الـضـلالـه بالآذان
قبلك (سـلـمـيـا) يسكنه كل قسيس=وانت الـسبـب ربـي هـداهـم للايـمـان
ياريف ربعه بالـسـنين المناحيس=ياخـو هـوى ياذخـرنـا يـابـن راكـان
عبوس في وجه الوجيه المعابيس=وانت البشـوش اليا لفى البيت ضيفان
هـزاع فـي كـفـك يهـيـب الملابيس=لاصار يوم فـيـه روغـات الاذهـان

نطيت مرقاب براس الجذيـبه = ما به فايده مار زايد تعنـــي
على عشير راح وابطى مغيبـه = اربع ليـال وباح بالصـبر مني
اشقر جعد ما ينتداوى صويبه = وصبات غيره باللحـم ما رمني
شرب الغلا واقفا بقلبي غليبه = غاب الفزع وانا صياحي مقـني
والله ولا مـن حجـة ندعيبـه = لاعـاد لابـده ولاهوبمـني
دنوا قعودي كان صارت مصيبه = يفرح لياقرب شداده ودنـي
اشعـل ليا هزت عليه العيبـه = بتيـل كنه يرامح العصر شني
يلفي على حامي جوانب شعيبه =غصبن على الزعلان من غير مني
عقيل زبن اللي تدانت هليبه = خلا النصارى دينهم دين سني
شواش لا صارت علينا عصيبه = زود على الهقوة وخمني وظني
تتليه ربعـه بالملاقا حريبـه = كان الجمل حدد بقيده وثـني

وين الزمان اللي مضى واشهر النيق =واللي بجنب النار يركي دلاله
وين اللذي تكثر عليه الطواريق = كم واحد من ضيم الليالي عناله
وين اللذي من فوق حدب المعاريق= اللي نهار الكون يرعب خياله
وين اللذي بهزاع يفني البياريق = وراس المعادي لاقبل الكون شاله
بكفه لمع هزاع مثل البواريق = خلا النصارى يتبعون العداله
أخو هوى عزاه زبن المشافيق = ليت الليالي تعود يفتح مجاله