مجالس الفرده - ان عشت يا راسي كسيتك عمامه : انشاد فهد مطر

بسم الله الرحمن الرحيم
السلام عليكم ورحمة الله وبركاته
؛
ان عشت يا راسي كسيتك عمامه
أداء فهد مطر ؛

http://t1.gstatic.com/images?q=tbn:A...2_F55CN8oSyIjw
؛

ان عشت يا راسي كسيتك عمامه
وان مت يا راسي فدتك العمايم
ياراسي شيبك مابدى بك مذله
والشيب تكرم به كبار اللمايم
الاجواد يكرم شيبها في مشيبها
نقالة القالة محوص الصرايم
ياما نطحنا في الصبا من قبيله
يوم الشبا والرمح للكف رايم
وياما خذينا قدمنا من طلابه
بسيوفنا راحت تقسم غنايم
وياما نسفناهم على جال وادي
وياما نحونا فوق سود الشكايم
اربعمائة خيال جونا مسيره
جونا يبون الغرس حلو الطعايم
وقالو يسار الغرس والايمينه
امس لكم واليوم جاء فيه سايم
وقلنا لهم من دونه الموت حامي
اليوم نهدي الروح نخشى اللوايم
وثنيتها لعيون غرس بكاير
يثمر بهيبتها غصونه نعايم
واخذت اطاردهم وانا فوق قباء
مثل الهدود اللي عن العشب صايم
تلحق ليا غارت ولا يلّحق بها
شقراء ولا ضريتها للهزايم
من يوم بان الفجر لين اعتلا الضحى
وحنا نقلط للمسير عزايم
والله عطانا منصب الحظ والظفر
يوم التقت بين القروم الولايم
يوم اسلموا للمنع واسندت عنهم
لهم كما عشب كفح بالسمايم
هذاك اسير وذاك يومه دنا به
وهذاك مكسور وهذاك شايم
هذا زمان فات ما تنفع المنا
يوم اذكر الماضي تزيد العظايم
الراس شاب وثالث رجولي العصا
والله يوقض قلب من كان نايم
انا ابن سرار وعلومي قديمه
محيي عسر طيب الليالي القدايم
وانا في رجاء عمرٍ وعمرٍ ورا الشفاء
عساه اليا جانا تفك اللزايم
لعل قبل الموت نسمع بشيره
في جاه من يحيي العظام الرمايم
وصلاة ربي عد ما ذعذع الهواء
على النبي واصحابه اهل الكرايم

للإستماع
من هنا

للتحميل
من هنا