?> السعلوا [الأرشيف] - مجالس الفرده
المساعد الشخصي الرقمي

مشاهدة النسخة كاملة : السعلوا

ذيبان
27-11-08, 10:04 AM
يقول كان ياماكان في قديم الزمان

كان فيه واحد بيسافر وما عنده الا اخت وحده

قالها:: وش تبين هديه وانا جاي

قالت:: ابي مشط وديرم وسلامتك والعافيه

راح ويوم بغى يجي جابلها مشط وديرم

ثم قال لنفسه :: قايله شيء وشو تذكر انها قايلتله (سلامتك والعافيه),,

المهم راح يدور وين سلامت ابن عافيه مالقى

راح لواحد

قاله:: ابي سلامت ابن عافيه

قاله:: وش تبيبه

قال ::ابيه وبس ثمين

قال:: لنفسه البياع وش يبي ذا بسلعوا ؟؟؟؟؟

عطاه اياه ورجع,,,

قال ::هاه خذي الهدايا المهم وتشوف ولا فيه سعلوا وماار تزعق بأعلى صووت يماااااااااااااااااااه وش ذا,,,

قالللها ::هذا اللي تبينه (سلامت ابن عافيه )

ويوم جاها الليل ويجيها ذا السعلوا ومار

يقولها:: تزوجيني والا ابذبحك ,,

راحت شاورت اخووها ومار

يقول ::خلاص تزوجيه وأسأليه انت وشلون تموت

تزوجو وجابو ولدين وبنت

المهم قالت :: للسعلوا انت وشلون تمووت ؟؟؟

قال:: انا انطعن طعنه وحده واموت وذا انطعنت ثانيه حييت

قالت :: ايييه

ويوم جاء في الييل ومار تطعنه

ثم قال لها:: اطعنيني مره ثانيه

قالت:: ابوي ماعودني اسوي الشيء مرتين

وذبحت الولد الاول ثمن الثاني

وجت البنت ولا عرفت ورمتها في البر

ومن بكره جت

ومار تقول :: تمشيت في البر وجيت

ثم رمتها في البحر رجعت

قالت الام ::وش رجعك

قالت:: تسبحيت في البحر وجيت

ثم جااتها قالت:: انتي وشلون تموتين

قالت :: لاااا عشان تسوين فيني مثل ماسويتي في اخواني

قالت:: لاااا عشان اذا جاء احد بيقتلك اسعفك

قالت :: تطعنوني 3 طعنات كل طعنه فيها تسميه


وماتت البنت

ثم قعدت سنتين بدون زواج

ثمن جاها واحد وتزوجها وجابو انس مب سعالووه وعاشو في عيشه سعيد.
ابن مخيمر الوسوس
28-11-08, 08:46 PM
جميل أنت ياذيبان وحجاوتك جميلة ـ بس ما استفادت المسكينه من المشط والديرم .. بلشت بها السعلو وعياله ..
f15
29-11-08, 07:37 AM
مشكور على الحجاية بس لي طلب ابي حجاية وديعة يذاتعرفها ترها تخوف رجعنا اطفال
ذيبان
26-12-08, 08:06 AM
جميل أنت ياذيبان وحجاوتك جميلة ـ بس ما استفادت المسكينه من المشط والديرم .. بلشت بها السعلو وعياله ..


انا استفدت من مرورك الذي عطر المشاركه
ذيبان
26-12-08, 08:07 AM
مشكور على الحجاية بس لي طلب ابي حجاية وديعة يذاتعرفها ترها تخوف رجعنا اطفال

ان شاء الله نبحث عنها ونجيبها

وهل هناك اجمل من الطفوله
قرناس
17-05-09, 07:48 AM
مشكور على النقل
ذيبان
13-05-10, 10:52 AM
مشكور على النقل

مشكوووور على مرورك
علي الجضعان
13-05-10, 11:29 AM
ماعليش ابي اقراها قبل وردي !!ههههههههههه
ميس الريم
14-05-10, 12:24 PM
احجوة جميلة أحسن شي اني قرأتها في النهار
ولا كنت رحت فيها
شكرا اخوي ذيبان على هذه الإحجوة
إكثر من تلك القصص لنا
اكرر شكري وامتناني