?> اللـي قرونـه شعافيلـي [الأرشيف] - مجالس الفرده
المساعد الشخصي الرقمي

مشاهدة النسخة كاملة : اللـي قرونـه شعافيلـي

ذيبان
27-11-08, 09:13 AM
كان فيه بنت مع اهلها ... وتسرح في الغنم ....

وعلى هذي الحالة طول الزمان ...

وفي يوم من الايام ...

يوم رجعت الغنم على اهلها ... البنت ما رجعت معها ...

راحوا اهلها يدورونها في الليل ... وما لقوها ...

ويوم اصبح الصبح وهم يروحون يدورونها في مرعى الغنم إلي رعت فيه أمس ...

ويلقونها طايحة على الارض مريضة ... ويشيلونها ويودونها للبيت ...

ويوم جت في البيت وهم يعطونها تاكل ... وهي تقوم تهرج لين ما بها غير العافية...

أخذت لها أيام على هذا الحال ... ولكنها مرضت من جديد ... واهلها ما يدرون وش فيها ...

راحوا يعالجونها في كل مكان ... وما لقوا لها علاج .

جاهم واحد من ربعهم وقال (ترى فيه واحد في الكويت يعالج مثل هالحالات ) .

عزّموا اهلها انهم يعالجونها في الكويت ... وقالوا لواحد من اخوانها ...

يا فلان اسرح في الغنم ... وحنا نبي نروح نعالج اختك في الكويت ...

طبعا هي تركت السرحة من زمان بسبب وجعها ... ويوم راحوا للكويت ...

واخوها سارح في الغنم ... وكان قريب من احد الجبال الصغيرة ...

سمع له صوت واحد يغني ورى الضلع ويقول :





هذي مفالي خـويٍ لـي=(........................)
اللـي قرونـه شعافيلـي= وامضللاته عن الشمسي
وخويتماتـه تفـاريـزي=ومفرقاتٍ على الخمسـي






ويوم رجعوا من الكويت علمهم باللي سمع ... واكتشفوا ان اللي فيها جني ...

و راحوا يعالجونها عند مطوع ... واخرج الجني منها ... و اشفاها الله.


وسلامتكم
بنت راشد
05-02-09, 11:33 PM
بسم الله الرحمن الرحيم
قرناس
17-05-09, 08:16 AM
مشكور على النقل
ذيبان
13-05-10, 02:41 PM
بسم الله الرحمن الرحيم

ههههههه

نعم بسم الله الرحمن الرحيم

شكرا لمرورك مشرفتنا بنت راشد
ذيبان
13-05-10, 02:41 PM
مشكور على النقل

مرحبا بمرورك