ذيبان
27-11-08, 08:25 AM
قصة قديمه جرت على بنت من الباديه
عندما جاء أخوها في نصف الليل قصده يسرق إبل زوج أخته
وعندما قرب من منزلهم قلد صوت الذيب وقام يعوي ,
سمعته أخته لكن ماتقدر تطلع عليه خايفه من حماتها إخت زوجها فقالت هذه البيات:::
ياذيب ياللي جر صوت عوى بـه= مدري طرب وإلا من الجوع ياذيب
ياذيب لاتقهـرك عنهـا المهابـه= يامجفل الغزلان حنـا المعازيـب
البوش كلـه يـم خشـم اللهابـه= في فيضة السرداح والبل عوازيب
سمعتها حماتها فظنت أنها تناجي عشيقا لها وأنشدت الحماه
يابنت ليا الذيب ينهشك نابـه= يقذلك من بد البني الرعابيب
تراك مثل اللي جلب له جلابه= لادارها السّوام يلقى عذاريب
فردت البنت بهذه القصيدة موضحة الأمر لحماتها ...
وحياة جلاب المطر من سحابـه= إني عذيّه مادخل عرضي العيب
أنـا كمـا عـدٍ قليـل شرابـه = مادوّجت عليه حرش العراقيـب
الذيب أخوي اللي يشيل الكسابـه= يوم ان نجوم الليل مثل المشاهيب
واللي ظلمني جعلها في شبابـه =وتحدّره من عاليـات المراقيـب
عندما جاء أخوها في نصف الليل قصده يسرق إبل زوج أخته
وعندما قرب من منزلهم قلد صوت الذيب وقام يعوي ,
سمعته أخته لكن ماتقدر تطلع عليه خايفه من حماتها إخت زوجها فقالت هذه البيات:::
ياذيب ياللي جر صوت عوى بـه= مدري طرب وإلا من الجوع ياذيب
ياذيب لاتقهـرك عنهـا المهابـه= يامجفل الغزلان حنـا المعازيـب
البوش كلـه يـم خشـم اللهابـه= في فيضة السرداح والبل عوازيب
سمعتها حماتها فظنت أنها تناجي عشيقا لها وأنشدت الحماه
يابنت ليا الذيب ينهشك نابـه= يقذلك من بد البني الرعابيب
تراك مثل اللي جلب له جلابه= لادارها السّوام يلقى عذاريب
فردت البنت بهذه القصيدة موضحة الأمر لحماتها ...
وحياة جلاب المطر من سحابـه= إني عذيّه مادخل عرضي العيب
أنـا كمـا عـدٍ قليـل شرابـه = مادوّجت عليه حرش العراقيـب
الذيب أخوي اللي يشيل الكسابـه= يوم ان نجوم الليل مثل المشاهيب
واللي ظلمني جعلها في شبابـه =وتحدّره من عاليـات المراقيـب