ناصر بن راكب
11-08-08, 03:55 AM
غلطان من قال خيره كـل تأخيـره=مايستوي في السَبَق ريّض وعجلاني
الحق .. ماكل تأخيره بهـا خيـره=كم فرصةٍ ضايعه من عمر الإنساني
طرايد الصيد ماتهدأ علـى سيـره=تبغالهـا رامـيٍ ماهـو بمتوانـي
رامي سريـعٍ بتصويبـه وتذخيـره=إن فاتها السهم الأول صابها الثانـي
الوقت ماينتظر من عاش في حيـره=والدرب ماينمشي من غير برهانـي
كل المصابيح تطفي فـي مشاويـره=مايجلي الظلمه إلا نـور الإيمانـي
احسب مكاسب زمانك من مخاسيره=قدام تطلع من المشـوار خسرانـي
ماكل ميـراد مرتويـه مصاديـره=كم واردٍ غـادر الميـراد ظميانـي
بايامنا من وصوف الخيل تصويـره=تقبل وتقفي وعمـر العبـد ميدانـي
تقبل مغيره عليـه وتقفـي مغيـره=حتى يغادر من الميـدان وحدانـي
يانايم الليل حلمـك ويـش تفسيـره=القلب في غفلته والطرف نعسانـي
مايقطع الدرب من ديره ليـا ديـره=إلا غلامٍ سـرى والصبـح مابانـي
إن شفت نبت الربيع تفوح أزاهيـره=إحذر تباطا تقول أمـداه وامدانـي
إليا تباطيـت فـي غفلـه وتفكيـره=ماتنتبه لين وإليا كـل شـي فانـي
إغنم ربيعك ليـا عجّـت نواويـره=واقطف ثمارك مادام العود ريانـي
فرصتك ماغيرها والعمـر ماغيـره=قبلك ربيعي تباطيتـه .. وتعدانـي
الحق .. ماكل تأخيره بهـا خيـره=كم فرصةٍ ضايعه من عمر الإنساني
طرايد الصيد ماتهدأ علـى سيـره=تبغالهـا رامـيٍ ماهـو بمتوانـي
رامي سريـعٍ بتصويبـه وتذخيـره=إن فاتها السهم الأول صابها الثانـي
الوقت ماينتظر من عاش في حيـره=والدرب ماينمشي من غير برهانـي
كل المصابيح تطفي فـي مشاويـره=مايجلي الظلمه إلا نـور الإيمانـي
احسب مكاسب زمانك من مخاسيره=قدام تطلع من المشـوار خسرانـي
ماكل ميـراد مرتويـه مصاديـره=كم واردٍ غـادر الميـراد ظميانـي
بايامنا من وصوف الخيل تصويـره=تقبل وتقفي وعمـر العبـد ميدانـي
تقبل مغيره عليـه وتقفـي مغيـره=حتى يغادر من الميـدان وحدانـي
يانايم الليل حلمـك ويـش تفسيـره=القلب في غفلته والطرف نعسانـي
مايقطع الدرب من ديره ليـا ديـره=إلا غلامٍ سـرى والصبـح مابانـي
إن شفت نبت الربيع تفوح أزاهيـره=إحذر تباطا تقول أمـداه وامدانـي
إليا تباطيـت فـي غفلـه وتفكيـره=ماتنتبه لين وإليا كـل شـي فانـي
إغنم ربيعك ليـا عجّـت نواويـره=واقطف ثمارك مادام العود ريانـي
فرصتك ماغيرها والعمـر ماغيـره=قبلك ربيعي تباطيتـه .. وتعدانـي